Augustus

TEKS: THEO VENTER
Augustus 2012 • www.senwes.co.za
SENWES GRAINLINK •••
MEER mense,
MEER voedsel
Suid-Afrika se bevolking het die
afgelope dekade met ongeveer 1% per jaar gegroei
en trek volgens Statistieke Suid-Afrika reeds
rondom die 51 miljoen-merk. 1% klink dalk nie
aanvanklik so baie nie, maar dit beteken dat daar
vir ’n bykomende 500 000 mense per jaar voedsel
voorsien moet word. Nie net moet meer voedsel
voorsien word nie, maar verbruikers se voorkeure
moet ook voorrang geniet.
Die vraag na voedsel neem dus konstant toe.
Die bostaande grafiek wys die verbruik van die
belangrikste voedselprodukte en die plaaslike
verbruik daarvan in 2000/2001, 2005/2006 en
2010/2011.
Nie net neem die vraag na voedsel toe nie,
maar daar is ook ’n verandering in die samestelling
van verbruik. Die per capita-verbruik van mielies
het afgeneem en daar was veral ’n toename in
die per capita-verbruik van witvleis. Dit verklaar
ook die reuse-groei in die pluimvee-industrie. Ons
kan dus sê dat daar meer hoender en minder pap
per persoon geëet word. Interessant genoeg word
meer groente geëet, maar minder vrugte, veral
sitrusvrugte.
Die konstante bevolkingsaanwas beteken dus dat
plaaslike voedselproduksie ook konstant moet groei,
veral as Suid-Afrika poog om selfvoorsienend in die
landbousektor te wees.
In 2000 was die waarde van landbou-uitvoere
R15 752 miljoen teenoor landbou-invoere van
R9 644 miljoen. In 2005 was dit onderskeidelik
R26 141 miljoen en R16 286 miljoen, en in 2010
was dit onderskeidelik R50 813 miljoen en ’n
reuse R44 926 miljoen. Die potensiaal van die
plaaslike landbousektor skiet nie tekort nie. Daar
kan gefokus word om ingevoerde produkte eerder
plaaslik te produseer. S
Theo Venter is ’n Graananalis by Senwes Grainlink. Vir
meer inligting, skakel hom by (018) 464-7723 of stuur ’n
e-pos na theo.venter@senwes.co.za.>>
>
51