Augustus

Grafiek 1 dui die progressiewe lewering van
mielies tot en met die einde van Junie teenoor die
oesskatting aan. Hou egter in gedagte dat in die
geval van die 2011/2012-seisoen, die lewering net
tot en met 22 Junie geneem is.
Die vooruitsigte vir koring was tot en met die
einde van Meimaand nie baie rooskleurig nie. Dit het
baie min gedurende Aprilmaand gereën en glad nie
gedurende Meimaand nie. Die meeste droëland produsente
kon dus glad nie plant nie. Soos verwag,
het ’n kouefront wat met reën gepaardgegaan het,
gedurende Juniemaand oor die land beweeg. Veral
die suid-westelike en suid-oostelike gedeelte van die
Vrystaat het goeie reën ontvang.
Produsente wat net ’n plantreën nodig gehad
het, kan nou plant. In sekere gevalle was die reën
genoeg om die ondergrondse vog so aan te vul
dat die produsente dit kan oorweeg om wel hierdie
winterseisoen koring te plant. Waar die profiel
beskik bare vog steeds te laag is, moet produsente
nie oorweeg om koring te plant nie. Die risiko daaraan
verbonde, is net te groot.
Die kumulatiewe reënval vir die periode Januarie
2012 tot einde Mei 2012, verskyn in onderstaande
grafiek. Die pas afgelope Junie 2012-reënval is
nie in die grafiek in berekening gebring nie. Die
gemiddelde reënval vir hierdie periode oor die Suid-
Westelike distrikte, waar daar gewoonlik koring
aangeplant word, is 350 mm.
Gedurende die huidige seisoen is maar
gemiddeld 180 mm vir dieselfde periode gemeet.
Uit die aard van die saak behoort die meeste grond
nie oor voldoende vog te beskik vir koringproduksie
nie. Daar is wel lande wat ’n lang braak periode
gehad het en sodoende voldoende vog kon opgaar.
Die bekommernis is egter die komende seisoen.
Die oorgedraagde vog is meestal uitgeput en die
ENSO-indeks is sterk besig om negatief te ontwikkel,
wat gewoonlik met ’n El Niño-tipe seisoen
geassosieer word.
OPSOMMING EN GEVOLGTREKKING
Dit was ’n unieke seisoen, met opbrengste wat
wissel van 0,5 ton tot 9 ton per hektaar onder
droëland-toestande. Uiterste klimaatstoestande het
ook tot gevolg dat die oes sedert die tweede helfte
van April teen ’n baie vinnige tempo gelewer word.
Die komende seisoen sal met omsigtigheid beplan
moet word, aangesien die oorgedraagde grondvog
deurgaans uitgeput is. Die koringaanplanting
blyk die laagste in jare te wees weens die swak
grondvogsituasie in groot gebiede. S
Augustus 2012 • www.senwes.co.za
DRUPPELS OP DIE DAK •••
Grafiek 1: Totale mielielewering teenoor die
oesskatting.
Reënval: Werklike reënval vir Junie 2012.
Reënval: Werklike reënval vanaf Januarie 2012 tot
Mei 2012.
Die artikel en figure is saamgestel deur Thys Grobbelaar
(Senior Graananalis: Senwes Grainlink) en Ronél Koen
(Senior GIStegnoloog: Senwes Landboudienste). Vir meer
inligting, skakel Thys by (018) 464-7385.>>
>
57