Oktober - Senwes Tuisblad

30 ••• SENWES GraiNliNK
Strooptyd verloop klopdisselboom
strooptyd is sinoniem met baie
laat nagte in die landerye. Met die groot oes die
afgelope produksieseisoen het produsente ekstra
hard gewerk. Produsente was egter nie alleen
in die ding nie – Senwes Grainlink het silo’s se
besigheidsure, waar nodig, verleng om sodoende die
produsent by te staan met die oesinsameling.
Die verlengde besigheidsure-inisiatief het met ’n
hele paar ander inisiatiewe gepaard gegaan. Faan
Schoeman (Bestuurder: Graanhantering) vertel
meer.
Voordat die produsente graan aan die silo’s begin
lewer het, is graan verspoor vanuit die silo’s wat nie
genoeg plek gehad het om die afgelope seisoen se
oes te kon hanteer nie.
Senwes het weer ’n geen-sifkoste-aksie geloods
vir sonneblomprodusente en daardeur die produsente
se kosteknyptang help teenwerk. Waar Senwes
altyd graan tot 14% as droog ontvang het, het
ons dit vanjaar tot 14,5% as droog ontvang. Dus
het die produsent eers van 14,5% voginhoud begin
betaal vir droogkoste en hul kon dus vroeër begin
stroop.
Weens klimaatstoestande wat aanleiding gegee
het tot baie gebrekkige pitte vanjaar, het ons ’n
massa-aanpassing gemaak ten opsigte van die
gebrekkige pitte onder die sif. Waar die defekte
onder die 6,35 mm-graderingsif die graadbepalende
faktor was, het Senwes dit uitgesif sodat ons die
totale defekte kon verminder om sodoende ’n beter
graad vir die produsent te gee.
Graandamme is opgerig by daardie silo’s wat
spasieprobleme gehad het en nie die tempo van die
oes kon hanteer nie, asook op sommige produsente
se plase, om sodoende die leweringsdruk te verminder.
Senwes se Graanbemarkingsafdeling het
ook ’n plaaslaaidiens gelewer deur middel van
Grainovation se logistieke funksie. S