Omsendbrief_17 - Hoërskool Bastion

Dit het onder ons aandag gekom dat daar leerders is wat hulle nie op die busse gedra
tydens die oggend- en middagritte op die roetes nie. Sulke leerders stel hulself bloot om
permanent van die busse afgesit te word. Dit is en bly ‘n voorreg om van die busvervoer
gebruik te maak en daardie voorreg kan weggeneem word as leerders hulself
wangedra.
Dankie aan al die leerders wat wel mooi saamwerk – ons is trots op julle!
Busgeld vir Mei 2012
Oggend en middag: 22 ritte @ R20-00 per dag = R440-00
Slegs oggend of middag: 22-ritte @ R10-00 per dag = R220-00.
Die 10-ritte kaartjie kos R115-00.
Enkelritte: R14:00.
Sportritte: R14:00
Media:
Media:
INLIGTINGSENTRUM
Die inligtingsentrum is vanaf Maandae tot Donderdae gedurende pouses en na skool tot
15:30 (vir naslaandoeleindes) tot beskikking van die leerders.
Maatskaplike Maatskaplike Dienste:
Dienste:
DEPRESSIE EN BIPOLêRE VERSTEURING
Ek het onlangs ‘n uiters insiggewende aanbieding deur Dr Henk Gouws bygewoon. Ons
praat nie dikwels oor die onderwerp nie, maar bring graag die volgende basiese feite
onder u aandag:
Depressie en bipolêre versteuring is ‘n siekte wat behandelbaar is. Dit verg die insig en
behandeling van professionele persone.
Ons deel met u die volgende basiese emosies van ‘n persoon wat aan depressie ly:
Die hele tyd hartseer. Geïrriteerd, alles krap aan my.
Sonder hoop, negatief oor alles. Moeg, sonder energie, lus vir niks.
Skuldig, asof ek straf verdien. Rusteloos, kan nie stilsit nie.
Nikswerd, asof ek niks kan doen of regkry
nie.
Konsentreer moeilik.
Baie pyne sonder rede. Dink aan selfmoord.
Wil eerder dood wees. Slaap baie of sukkel om te slaap.
Is nie meer lus vir vriende nie en vermy Skoolpunte het gedaal (leerders).
kontak.
Is lus vir niks en doen byna niks. Het gewig opgetel of verloor.
Wil heeltyd huil.
As ek depressie raaksien by myself of by ‘n kind.
Wat nou? Met wie praat ek? Wat doen ek?
4
Die gevaarlikste ding om te doen is om niks te doen nie. Dis ook die maklikste. Dis so
maklik om maar net te hoop dat dinge vanself sal regkom.
Nog slegte nuus is dat depressie nie vanself weggaan nie. Dit word erger en meer
herhalend hoe later dit raakgesien en behandel word.
Die goeie nuus is dat depressie feitlik altyd effektief behandel kan word wanneer dit reg
gediagnoseer word. Behandeling beteken soms genesing en soms verligting van
simptome sodat ‘n mens daarmee kan saamleef.
Daarom: Praat hieroor, al gaan dit moeilik wees. Party mense met wie jy praat, gaan sê
jy is onnodig bekommerd. Ander gaan sê dat iets soos selfmoord nie met hulle kan
gebeur nie. Ander gaan ontken dat depressie ‘n siekte is omdat hulle nie van beter weet
nie.
Praat met elkeen wat betrokke is en elkeen wat moet saamwerk aan gesondheid. As dit
‘n ouer is wat dit nog nie raaksien nie, gaan praat oor wat jy sien. As dit ‘n skool of kerk
is wat met begrip en deernis kan help, praat vertroulik met ‘n helper. Uiteindelik moet
professionele hulp gesoek word.
Bogenoemde feite is ontleen aan die boekie: ”As ‘n kind se lag verdwyn” deur Dr Henk
Gouws en sy vrou, Dr Ansie Gouws.
Hierdie boekie en ander bronne oor die onderwerp is by me Lubbe beskikbaar.
Kontak Me J Lubbe by (011) 762-5245/6.
Ander Ander Sake:
Sake:
HERWINNING:
Onthou asseblief om Maandae u herwinbare materiaal (plastiek, blikkies en glas) saam
met u kind skool toe te stuur.
Daar is 3 blikke op die vierkant, naby die snoepie, geplaas waarin die afval geplaas kan
word. Kontak Mnr S van der Walt by (011) 762-5245/6 in die verband.
Datums Datums Datums vir vir die die yskas:
yskas:
Saterdag, 19 Mei • GL rugbyliga vs Linden (weg)
• Skyfskiet 3de liga te Durban Deep.
Maandag, 21 Mei • Die kwart-voor-sewe-lelie produksie vir graad 11
en graad 12 en gr 10 drama-leerders in saalperiode.
Dinsdag, 22 Mei • Netbal vs Northcliff (weg)
• o.15 hokkie Astro vs Randburg.
Woensdag, 23 Mei • Dogters pluimbal vs Diversity (weg)
Donderdag, 24 Mei • Netbal vs Bryanston (tuis)
• Hokkieliga vs Linden (tuis)
Vrydag, 25 Mei • Hokkie Astro o.15 en o.17 vs Parktown (weg)
• Hokkie Astro seuns vs MCC (weg).
• Skaakliga te FM Letlhake High (weg)