Create successful ePaper yourself
Turn your PDF publications into a flip-book with our unique Google optimized e-Paper software.
Prof. FW (Fritz) de Wet (Teologiese Skool)<br />
Dit is opvallend hoe gereeld daar in onlangse<br />
teologiese brandpuntartikels in die openbare<br />
pers na die sogenaamde “denkende mens” verwys<br />
word. Een onlangse voorbeeld hiervan kan in ’n artikel<br />
van Julian Müller met die titel “Dit wat ons nie dink”<br />
(Beeld, 6 Maart 2010) gevind word: “Met die ontwikkeling<br />
van die wetenskaplike wêreldbeeld waar daar nie meer<br />
’n bo en ’n onder in die heelal is nie, en waar daar bewyse<br />
is van ’n evolusionistiese ontwikkeling oor miljoene jare,<br />
word dit vir die denkende mens toenemend moeilik om<br />
aan ’n teïstiese God te glo.”<br />
In ’n teïstiese beskouing word God volgens Müller buite<br />
die wêreld gestel. Hy voer iewers eenkant sy eie bestaan.<br />
Vanuit sy hemelse domein maak Hy met ons kontak, en<br />
onderhandel Hy met ons oor ons saligheid of verdoemenis.<br />
Hierdie beskouing berus dan op die antieke siening,<br />
gebore uit die konstellasie-wêreldbeeld, dat die ganse<br />
heelal in drie verdiepings opgedeel is – met God op die<br />
boonste, hemelse verdieping; ons op die middelste, aardse<br />
verdieping; en die bose in die dieptes onder die aarde.<br />
Die denkende mens is dan een wat hom laat lei deur die<br />
wetenskaplike wêreldbeeld waarin die werklikheid uit<br />
evolusionistiese ontwikkeling verklaar word. Aansluiting<br />
by die hierdie wetenskaplike wêreldbeeld behels dat God<br />
gesien word vanuit sy ineengeweefdheid in die werklikheid.<br />
’n Beeld word gevorm van ’n God wat om elke hoek<br />
of draai kan verskyn, in enige gedaante of gebeure, maar<br />
wat nooit voorspel en vasgevang kan word in ons gedagtes<br />
of formuleringe nie.<br />
In die wegbeweeg van die teïstiese beskouing word daar<br />
oor God in terme van post-teïsme of selfs a-teïsme gedink.<br />
Hier kan verwys word na die uitsprake van ds. Klaas<br />
Hendrikse wat bekendstaan as die ateïstiese dominee<br />
van Nederland. Sy standpunt is dat God nie ’n wese is<br />
nie, maar ’n woord vir wat tussen mense kan gebeur.<br />
Die implikasie van die weg wat die denkende mens opgaan,<br />
is dat die Skrif geherinterpreteer moet word, aangesien<br />
die antieke wêreldbeeld wat daarin vervat is, nie<br />
meer versoenbaar is met die wetenskaplike wêreldbeeld<br />
wat besig is om uit te kristalliseer nie.<br />
’n Ander voorbeeld van die weg wat deur die sogenaamde<br />
denkende mens opgegaan word, en die implikasies<br />
daarvan vir Skrifgebruik, kan gevind word in die onlangse<br />
- brandpunt -<br />
Die denkende mens<br />
debatte oor die huweliksbeskouing en die problematiek<br />
rondom saamwoon voor die huwelik. Die denkende mens<br />
neem sy vertrekpunt vanuit die ingewikkeldheid van die<br />
wêreld waarin ons leef. Volgens hierdie benadering maak<br />
sosiale en ekonomiese realiteite dat mense in sekere<br />
gevalle nie anders kan as om eerder saam te woon nie,<br />
in plaas van om ’n wettige huwelikskontrak te sluit. Daarom<br />
is dit noodsaaklik dat die oorvereenvoudigde, naïewe<br />
antwoorde wat in die Skrif gegee word, geherinterpreteer<br />
word.<br />
Dit kom daarop neer dat die Skrif slegs ’n relatiewe betekenis<br />
het vir die antwoorde wat ons moet vind in die komplekse<br />
realiteit waarmee ons elke dag te doen het.<br />
Die denkende mens sal homself egter moet verantwoord<br />
of hy nie besig is om homself en sy denke op die troon te<br />
plaas, en besig is om homself te verhef bo die Skrif nie.<br />
Net soos daar in ’n fundamentalistiese gebruik van die<br />
Skrif die gevaar geleë is om die eiebelange op die troon<br />
te plaas en dit manipulerend en verengend af te dwing,<br />
is dit moontlik dat in reaksie teen fundamentalisme die<br />
Skrif gerelativeer word om by die reikwydte van die eie<br />
denke aan te pas.<br />
Wat nodig is vir die denkende mens, is om in die geloof<br />
tot Christus te nader, waar Hy aan die regterhand van<br />
die Vader oor alle dinge regeer. Waar Christus deur sy<br />
Woord en Gees regeer, word die mens wat homself gewillig<br />
onder die regering van Christus stel, se denke nuutgemaak<br />
en verruim – hy sien die lewe in ’n gans ander lig.<br />
Waar Christus deur sy Woord en Gees regeer, word<br />
ons denke met helderheid gevul<br />
Waar Christus deur sy Woord en Gees regeer, is daar<br />
helderheid. In die Skrif openbaar God Hom as die Een<br />
wat lig is. Daar is geen duisternis in Hom nie. Onder leiding<br />
van die Gees word die denke verruim om te sien<br />
waar die ontsaglik heilige God teenwoordig is, daar is lig<br />
en lewe. Dit word volkome duidelik dat hierdie wêreld<br />
waarin ons woon die skeppingswerk van God is, dat Hy<br />
dit onderhou, dat Hy dit deur die koms van sy Seun gered<br />
het van verlorenheid, en dat Hy dit tot ’n voleindiging<br />
van oorvloedige lewe sal bring.<br />
In die helder openbaringslig word ons lewe geanker in<br />
• Die Kerkblad <strong>Junie</strong> 2010 • 11
Change language