Create successful ePaper yourself
Turn your PDF publications into a flip-book with our unique Google optimized e-Paper software.
As jy soek of vra na die sin van die lewe, dan<br />
moet jy begin by sy Woord. Jy moet dit<br />
aandagtig lees, bepeins en oordink, en bid dat<br />
die Here jou deur sy Gees die insig en wysheid<br />
sal skenk om die raaisels van die lewe te<br />
verstaan.<br />
uit op die dood! Keer op keer hoor ons hom daarom sê: Alles kom tot niks,<br />
dis ’n gejaag na wind.<br />
As jy uit frustrasie of moedelose verslaenheid of om watter rede ook al<br />
van harte hierop “Amen” wil sê, wil ek jou verseker: Jy is beslis nie die<br />
enigste een nie! Maar wil ek ook dringend by jou pleit: Moet asseblief nie<br />
hier ophou lees nie, want daar wag ’n heerlike verrassing op jou ...<br />
Teen alle verwagting in roep die Prediker ons herhaaldelik op om die lewe<br />
as ’n gawe uit God se hand te sien en om daarom voluit te lewe, en die<br />
lewe – met alles wat dit ons bied – uit dankbaarheid te geniet. Hy raai<br />
ons aan en beveel ons om met oorgawe en vreugde te lewe. Jy moet jou<br />
brood met vreugde eet, jou wyn met ’n bly gemoed drink, altyd wit klere<br />
(feesklere) dra, jou hare met olie versorg, en die lewe geniet met jou<br />
huweliksmaat wat jy liefhet.<br />
Jy moet alles wat jou hand vind om te doen, met toewyding doen. Jy moet<br />
doen wat jy goedvind en waarvan jy hou, sonder om te vergeet dat God<br />
van jou rekenskap oor alles sal eis. Jy moet voluit lewe en jou lewe geniet,<br />
nie op ’n roekelose en onverskillige wyse nie, maar in verantwoordelikheid<br />
aan God en in gehoorsaamheid aan sy gebooie.<br />
Die Prediker kom, ten spyte van alles wat hy oor die sinloosheid van die<br />
lewe gesê het, tot die heerlike en troosryke slotsom dat jou lewe tog<br />
sinvol kan wees. As jy ’n lewende en persoonlike verhouding met God het<br />
en in gemeenskap met Hom lewe, as jy Hom in opregte geloof dien en sy<br />
gebooie gehoorsaam in die wete dat Hy eendag van jou rekenskap sal vra<br />
oor alles, dan ís jou lewe nie meer leeg en sinloos nie, maar sinvol. Hý, jou<br />
Skepper en Here, gee sin aan jou lewe!<br />
Dit leer jy nie deur na die lewe, die harde en wrede werklikheid van jou<br />
sondige en gebroke bestaan, te kyk nie. Jy kan dit nie ontdek deur net te<br />
kyk na alles wat in hierdie wêreld gebeur nie. As jy bloot net daarna bly<br />
kyk, sal jy soos iemand wat in ’n doolhof verdwaal het, altyd op soek bly<br />
en nooit tot rus kom nie. God maak dit deur sy Gees aan jou bekend. Hy<br />
openbaar dit vir jou in sy Woord.<br />
Al was die Prediker ’n man met wysheid wat die volk onderrig het, al het<br />
hy diep nagedink en deeglik nagevors om hom raak uit te druk en die<br />
waarheid getrou op te teken, is ook sy wyse woorde deur een Herder<br />
gegee. Hy het nie self tot die ontdekking gekom wat die lewe sinvol maak<br />
nie. God het hierdie wyse woorde, dié heerlike waarheid, aan hom<br />
- fokusartikel -<br />
bekendgemaak, sodat hy dit tot<br />
ons troos en bemoediging getrou<br />
kon opteken en dit gedurig by ons<br />
ingeskerp kan word.<br />
As jy soek of vra na die sin van die<br />
lewe, dan moet jy hier begin, by sy<br />
Woord. Jy moet dit aandagtig lees,<br />
bepeins en oordink, en bid dat die<br />
Here jou deur sy Gees die insig en<br />
wysheid sal skenk om die raaisels<br />
van die lewe te verstaan.<br />
As jy dit doen, sal jy soos die<br />
Prediker besef dat die lewe ’n<br />
kosbare gawe is wat God aan jou<br />
geskenk het, en dat Hy wil hê dat jy<br />
voluit sal lewe en die lewe in<br />
verantwoordelikheid teenoor Hom<br />
sal geniet.<br />
• Hy het jou geskep, as sy verteenwoordiger<br />
en beeld, en as<br />
kroon van sy skepping, as man of<br />
vrou, met ’n eie, unieke persoonlikheid,<br />
gawes en talente ...<br />
• Hy het jou geseën en jou geroep<br />
om met jou hele lewe in sy diens te<br />
staan. Hy het vir jou ’n roeping en<br />
’n taak gegee ...<br />
• Al het jy jou lewe en sy gawes<br />
deur die sonde verbeur, het Hy jou<br />
in sy oneindige groot liefde en<br />
genade in Christus gered, en aan<br />
jou ’n nuwe lewe gegee – die ewige<br />
lewe. Jy is sy kind, sy erfgenaam ...<br />
Koester jou lewe daarom soos ’n<br />
kosbare skat, en loof en dank Hom<br />
elke dag van jou lewe vir die<br />
voorreg om te mag lewe, Hom te<br />
ken en te dien.<br />
Kyk in biddende afhanklikheid op<br />
na Hom wat in sy liefde en trou vir<br />
jou wil sorg, en verwag alles wat jy<br />
nodig het uit sy Vaderhand.<br />
Dien en gehoorsaam Hom, jou<br />
Skepper en Here, met oorgawe en<br />
blydskap. Dan sál – soos die<br />
Prediker ons leer – jou lewe sinvol<br />
wees! DK<br />
• Die Kerkblad <strong>Junie</strong> 2010 • 23
Change language