Create successful ePaper yourself
Turn your PDF publications into a flip-book with our unique Google optimized e-Paper software.
- fokusartikel -<br />
Beeldtaal<br />
Dr. PP (Paul) Kruger (emeritus, Meyerspark)<br />
Beginsels ...<br />
paaie in die hart<br />
Paaie in die hart, of gebaande weë in die hart,<br />
soos ons Ouer Afrikaanse Vertaling die<br />
uitdrukking in Psalm 84:6 vertaal – sou dít nie<br />
’n gepaste metafoor of beeld wees waarin die<br />
nadenke oor “ons beginsels” in die lig van die Skrif kan<br />
saamtrek nie? Natuurlik: dit is nie ’n “definisie” in<br />
terme van die menslike rede soos deur voorstanders<br />
van ’n humanistiese Verligtingsdenke vereis sou word<br />
nie. Daarteenoor: Het die groot Christendenker en –<br />
wetenskaplike Blaise Pascal dan verniet, in die 17de<br />
eeu al, gesê: “Die hart het sy redes waarvan die rede<br />
nie weet nie”?<br />
Kom ons kyk met redes van die hart – wat vanselfsprekend<br />
nie gelowige denke uitsluit nie! – na ons lewensbeginsels,<br />
in soverre hulle gebaande weë in die hart<br />
vorm. Watter soort hart is dit hierdie? Watter soort<br />
paaie word hier bedoel? In watter lig word hulle<br />
gebaan?<br />
Hartpaaie<br />
Mooier as wat ’n bekende reformatoriese teoloog,<br />
meer as ’n eeu gelede, die diep betekenis van ons<br />
harte in ons lewens as gelowiges beskryf het, kan dit<br />
nouliks gedoen word:<br />
“Ons hart is die brandpunt waarbinne al die strale van<br />
die geskape dinge saamgetrek word; die spieël waarin<br />
alles weerkaats word. Indrukke, gewaarwordinge,<br />
aandoeninge, stroom van alle kante op ons aan. Ons is<br />
toeganklik vir sowel die melodieë van die engele as vir<br />
die gehuil van die duiwels; sowel vir die lied van die<br />
skepping as vir die sugte van die skepsels. Daar is<br />
geen taal wat nie deur die menslike hart begryp word<br />
nie; geen stem wat nie weerklank vind in ons siel nie”<br />
(H Bavinck).<br />
In híérdie harte is daar paaie uitgekerf wat van die<br />
eerste Christene “Mense van die Pad” gemaak het,<br />
soos die boek Handelinge hulle op meer as een plek<br />
noem. Ménse was hulle wat van harte deur die Heilige<br />
Gees volgelinge, navolgers, geword het van Hóm wat<br />
gesê het: “Ek is die Weg en die Waarheid en die Lewe.”<br />
Iets soos ingeboude horlosies en radarstelsels in die<br />
hart gee God vandag nog vir sy kinders in die vorm van<br />
hartpaaie of lewensbeginsels. Maar hierdie beginsels<br />
moet daadwerklik funksioneer – soos die ingeboude<br />
“tydtafels” van die voëlsoorte waarvan Jeremia praat<br />
(7:7) – “Die trekooievaar ken sy tye van kom en gaan,<br />
die tortelduif, die swaeltjie en die kraanvoël kom op ’n<br />
vaste tyd terug, maar my volk wil nie weet wat die<br />
Here vir hulle vasgestel het nie.”<br />
Pelgrimspaaie<br />
Iets soos ingeboude horlosies en<br />
radarstelsels in die hart gee God vandag nog<br />
vir sy kinders in die vorm van hartpaaie of<br />
lewensbeginsels.<br />
Waar sulke swaeltjies, soos die profeet besing,<br />
instinktief die pad na God se altare ken, ken die digter<br />
van Psalm 84 die roete daarheen as gebaande weë in<br />
sy hart.<br />
Op goeie gronde kan hierdie woorde ook vertaal word<br />
pelgrimspaaie in die hart. Dwarsdeur alle roepstemme<br />
vanuit die “tente van goddeloosheid” rondom hom,<br />
dwarsdeur al die moeites van sy eie lewe heen, trek<br />
die gebaande weë in die hart van<br />
hierdie pelgrim hom “na Sion heen”.<br />
Pelgrims is mense wat beweeg,<br />
reisigers. Hulle kan nie te lank op een<br />
plek bly nie. Hulle weet hulle is<br />
bywoners en vreemdelinge in hierdie<br />
wêreld. Hulle harte word telkens weer<br />
onhoog gehef na Jesus Christus toe,<br />
aan die regterhand van sy Hemelse<br />
14 • Die Kerkblad <strong>Junie</strong> 2010 •