Untitled - Inspirasie - Weebly

Moeder....roos van my hart
As ek maar net kon sou ek vader tyd wou terugdraai na
daar waar ek weer op ma se sagte veilige skoot kan sit
As ek maar net kon sou ek meer by ma gekuier het, en
saam oor die die geheime van die lewe gesels het
As ek maar net kon sou ek ma meer bederf het met
verassings kuiertjies waarvoor ma so lief was
As ek maar net kon sou ek ma se seer hartjie meer
getroos het toe pappa weg is hemel toe...
As ek maar net kon sou ek dinge soveel anders vir ma wou hê...
As ek maar net kon sou ek die kanker wou gekeer het wat ma se hele liggaam
deurtrek en verniel het...
As ek maar net kon sou ek die dood gekeer het, toe dit nag geword om ma...
As ek maar net kon - sou ek so graag saam met ma deur die doods tonnel wou
reis.....
As ek maar net kon sou ek nou so graag saam met mamma in die hemel wou
wees...
Maar nou kan ek net terugdink aan al die goeie tye wat ek saam met ma kon
deel..
Ek dank die Here vir die tye wat ek wel blomme kon gee- en lekker gesels. Vir
'n gesonde mamma wat van kleins af altyd daar was vir al agt haar kinders.
Vir al die koppies tee wat ons saam kon geniet het.
Dankie vir die mamma wat U aan ons geleen het Jesus, en dankie vir die
voorreg dat ek haar dogter kon gewees het.
Stuur asseblief groete aan my moeder wat nou saam met U in die hemel is -
Sê asseblief vir haar ek wil so graag my vreugdes en my hartseer met haar
deel..
Ek mis my ma se dierbare arms om my en die "alles is ok my kind"
Erika Visagie