Untitled - Inspirasie - Weebly

Die wintersonnetjie skyn warm op my
rots rug. Die see is vandag besonders
stil. Ek kyk na al die mense op die
strand, Hand aan hand stap paartjies
langs mekaar en los twee rye spore
.
en ek voel hoe die koue oor my ou rots
rug val. Dit raak nou vinnig skemer. Die
beklemming vat stadig aan my rots hart. Vir jare staan ek rotsvas op dieselfde
plek, Menige golwe het al oor hierdie rots rug geslaan. Ek sien hoe die golwe
se swelling al hoe groter word.
Ek ken elke golf by die naam. Hard slaan die golf van finansies oor my rots
rug en duisende water vingertjies probeer angstig aan my ou rots rug vas
klou. Golf vir golf spoel oor my rots rug. Daar is die golf van verwarring, golf
van haat, van liefdeloosheid, van ongeloof, golf van selfbejammering en nog
soveel meer. Genadiglik spoel die golwe oor my rug en was al die vingers wat
so klou, vinnig van my rots rug af. Sommige van die vingers probeer verwoed
aan my vasklou, maar word elke keer vinnig afgespoel. Hier kom moeilikheid,
groot moeilikheid!! Ek sien hoe die groot golf nader kom en ek is nie so seker
of die golf my gaan genadig wees nie, want dis die golf van `DEPRESSIE"!
Almal weet hy staan bekend vir sy
wreedheid. Vader, prewel ek saggies in my
rots hart, gee tog dat die golf verby my sal
gaan. Dat hy oor my rots rug sal gly en
geen van sy honderd duisend vingers aan
my sal bly klou nie! Die golf kom al hoe
nader en daar is niks wat ek daaraan kan
doen nie! Duisende druppeltjies spat oor my
rots rug, en ek wens ek kon my rots kop ver
onder die water indruk sodat ek nie een van
die aaklige druppeltjies kan sien nie. Maar
helaas, die druppels gryp my stewig aan my rots rug, Hulle is orals aan my
gemoed vol raak. Stadigaan sien ek nie meer die mooi sonsondergang nie. Al
wat ek sien is nag, swart, donkerte. Dit voel of my rots rug nog skewer trek.