PARKBESTUURSPLAN RICHTERSVELD ... - SANParks
PARKBESTUURSPLAN RICHTERSVELD ... - SANParks
PARKBESTUURSPLAN RICHTERSVELD ... - SANParks
Create successful ePaper yourself
Turn your PDF publications into a flip-book with our unique Google optimized e-Paper software.
Die Bylae wat die Park omskryf, lui soos volg:<br />
Begin by die punt waar die oostelike grens van die 31-m-wye Elektriese Kraglynserwituut -<br />
soos aangedui op goedgekeurde L.G. kaart 3615/1981 - die internasionale grens tussen die<br />
Republiek van Suid-Afrika en Namibië kruis; daarvandaan noordooswaarts en regsom<br />
stroomop met genoemde internasionale grens langs, tot by ‘n punt waar genoemde<br />
internasionale grens die ooswaartse verlenging van die noordelike grens van Gedeelte 12<br />
van die Plaas 600, Administratiewe Distrik Namakwaland, ontmoet; daarvandaan weswaarts<br />
met laasgenoemde verlenging en die noordelike grense van genoemde Gedeelte 12 en<br />
Gedeelte 11 van genoemde Plaas 600 langs, sodat genoemde gedeeltes uit die Richtersveld<br />
Nasionale Park uitgesluit word, tot by baken A - soos aangedui op goedgekeurde L.G. Kaart<br />
11352/85 - van laasgenoemde Gedeelte 11; daarvandaan noordweswaarts met die reguit lyn<br />
wat genoemde baken A van Gedeelte 11 van die Plaas 600 met baken L genoemde<br />
goedgekeurde L.G. Kaart 3615/1981 verbind, langs, tot by die punt waar dit die oostelike<br />
grens van genoemde 31-m-wye Elektriese Kraglynserwituut kruis; daarvandaan algemeen<br />
noordwaarts met laasgenoemde oostelike grens langs, tot by die beginpunt waar dit<br />
genoemde internasionale grens tussen die Republiek van Suid-Afrika en Namibië kruis.<br />
2.5 Die Wet op Nasionale Parke en die Huidige Status van Nasionale Parke in Suid-Afrika<br />
Die IUCN (1969) definisie van ‘n nasionale park, wat deur die destydse SANP aanvaar is, lui:<br />
‘n Nasionale park is ‘n relatief groot gebied,<br />
1. met een of meer ekosisteme, wat nie noemenswaardig deur menslike benutting of<br />
bewoning verander is nie, waar plant- en diersoorte, geomorfologiese terreine en<br />
habitatte van spesiale wetenskaplike, opvoedkundige en ontspanningswaardes is, of wat<br />
besondere natuurlike landskappe bevat, en<br />
2. waar die hoogste bekwame gesag in die land stappe geneem het om benutting of<br />
bewoning in die hele gebied te verhoed of uit te skakel, en om respek vir die ekologiese,<br />
geomorfologiese of estesiese eienskappe wat gelei het tot vestiging van die park<br />
effektief af te dwing, en<br />
3. waar besoekers toegelaat word om op spesiale voorwaardes die nasionale park binne te<br />
gaan, ter wille van inspirasie, opvoeding, kultuur en ontspanning.<br />
Hierdie konvensionele begrip van ‘n nasionale park behels ‘n omgewing van besondere<br />
natuurskoon, waar natuurlewe, plantlewe, geomorfologiese verskynsels en historiese en<br />
kulturele voorwerpe van oorheersende belang is, maar waar die mens slegs ‘n rol as<br />
besoekende bewonderaar speel. Die tradisionele nasionale park het wel ‘n bestaansreg,<br />
maar in ‘n toenemende mate kom die bewaringsinstansies van die wêreld tot die besef dat<br />
die mens nie noodwendig ‘n las is nie, maar wel in harmonie met ‘n natuurlike ekosisteem<br />
kan woon. Nuwe modelle word dus ondersoek waar plaaslike inwoners met hul tradisionele<br />
leefwyses geïntegreer word met die bestuur van bewaringsgebiede. Die Internasionale Unie<br />
vir die Bewaring van die Natuur en Natuurlike Hulpbronne<br />
erken dat inheemse mense ‘n belangrike rol kan speel in<br />
nasionale parke wat op hulle tradisionele grond geproklameer<br />
is. Die Richtersveld behoort tot laasgenoemde kategorie, ‘n<br />
sogenaamde “park vir mense” (“park for people”) (Newby<br />
1992).<br />
2.6 Die Konsep “Ooreenkoms Nasionale Park”<br />
Volgens die Wet en beleidsdokument van die SANParke sluit<br />
hierdie begrip gebiede in wat of in privaat of in staatsbesit is,<br />
en kragtens ‘n ooreenkoms tussen die eienaar en die Minister<br />
namens die SANParke bestuur word. Die eienaars van hierdie<br />
gebiede word aangemoedig en gehelp om hul eiendomme op<br />
so ‘n wyse te bestuur dat hulle ‘n bydrae tot die bewaring van<br />
die gebied lewer. Op hierdie wyse word die belangrike<br />
natuurbates van die gebied ten beste beskerm met dinamiese<br />
behoud van die bestaande ekonomies-maatskaplike strukture.<br />
Dit is dus moontlik om blywende beskerming te waarborg deur<br />
samewerking tussen die plaaslike gemeenskappe en SANParke:<br />
‘n situasie wat tot beide partye se voordeel strek. Soos reeds<br />
genoem is die Richtersveld die eerste ten volle ‘Ooreenkoms<br />
Nasionale Park’ (Robinson 1992).<br />
2.7 Ooreenkomste in verband met Prospektering en<br />
Mynbou<br />
Die feit dat daar binne-in ‘n nasionale park aktiewe<br />
mynboubedrywighede plaasvind, mag vreemd en teenstrydig<br />
met die konsep van ‘n nasionale park klink. In die RNP maak<br />
mynbou ‘n belangrike bydrae tot die ekonomiese ontwikkeling<br />
van die inwoners, en dus word dit ten volle aanvaar. Die<br />
toestemming van die Minister van Mineraal- en Energiesake<br />
ingevolge Artikel 2B(1)(a) van die destydse Wet op Nasionale<br />
Parke (1976) vir die verklaring van die RNP is aan die volgende<br />
voorwaardes onderworpe:<br />
1. Bestaande prospekteer- en mynregte moet ongestoord bly<br />
voortbestaan en nie deur die proklamering van die terrein<br />
tot ‘n nasionale park geaffekteer word nie.<br />
2. Verdere aansoeke om prospektering en ontginning in die<br />
betrokke gebied, nadat dit tot ‘n nasionale park verklaar is,<br />
sal elk op meriete oorweeg word.<br />
2.8 Waarnemerstatus van Mynbestuur op die<br />
Vergaderings van die Bestuursplankomitee<br />
Tydens ‘n vergadering van die Aksiekomitee op 4 Augustus<br />
1992 is daar besluit dat dit van pas sou wees indien<br />
verteenwoordigers van die mynmaatskappye wat in die RNP<br />
bedrywig is, die geleentheid gegun word om die vergaderings<br />
van die Bestuursplankomitee as waarnemers by te woon.<br />
Hierdie aanbeveling is by die vergadering van 16 Oktober 1992<br />
deur die Bestuursplankomitee aanvaar.<br />
2.9 Oorgrenspark<br />
Intussen is die Ai Ais/Richtersveld Oorgrenspark tot stand<br />
gebring. Die oorgrenspark bestaan uit RNP en Ai Ais Nasionale<br />
Park in Namibië. Hierdie ontwikkeling sal die<br />
toerismepotensiaal van die RNP verhoog, derhalwe word<br />
Toerisme-ontwikkeling later in hierdie dokument verder<br />
bespreek.<br />
R I C H T E R S V E L D N A S I O N A L E P A R K • P A R K B E S T U U R S P L A N<br />
28<br />
29