PARKBESTUURSPLAN RICHTERSVELD ... - SANParks

‘n Kritieke komponent van die Veiligheid-en-Sekuriteitsplan en
Natuurlewebeskermingstrategie vir die Park is die daarstelling van ‘n doeltreffende
intelligensienetwerk. Om dit moontlik te maak, hou Parkbestuur neigings in
Natuurlewemisdaad dop en gebruik hierdie inligting om personeel en informante te
ondersteun om die situasie te monitor.
(i) Die Versameling van Inligting
• Interne en eksterne inligtingsbronne soos CIS, SAPS, SANDF, ander bewaring- en
wetstoepassingsagentskappe en NRO’s.
• Informantenetwerk in buurgemeenskappe.
• Breedvoerige patrollierapportering - insluitend toestand van roetes en terrein.
• Inligting oor patrollie-observasievaardighede en bewustheid van span.
• Inligting oor skakeling met alle toepaslike parkgebruikers en buurgemeenskappe.
• Gebruik van observasie- en luisterpos.
• Implementeer die gebruik van sakboeke (EMI vereiste) en Cyber Trackers waar ookal
moontlik.
(ii) Die samevatting van Inligting
• Ontwikkel breedvoerige kennis van kriminele elemente en taktieke.
• Om proaktief te wees in voorkoming en/of hantering van beplande onwettige aktiwiteite.
• Ontwikkel breedvoerige terreinkennis.
• Prioritiseer gevaarsones en ontsnaproetes vir kriminele.
• Monitor seisoenveranderings in patrone en gedrag.
(iii) Die Verspreiding van Intelligensie
• Gelykstelling tussen bestaande databasisse, insluitende:
SAPS databasis
CIS databasis
RNP plaaslike databasis
(iv) Teen-Intelligensie Maatstawwe
• Stel maatstawwe voor wat lek van vertroulike inligting deur personeel na die plaaslike
gemeenskappe buite die Park sal hokslaan.
• Gebruik informantenetwerk om personeel te identifiseer wat vertroulike inligting lek.
• Gebruik informantenetwerk teen beplande misdade.
(v) Bepaling van noodsaaklike elemente van Inligting
• Waar - gaan misdaad plaasvind?
• Wanneer – gaan misdaad plaasvind - tyd?
• Wie - die kriminele betrokke, hoe baie van hulle sal betrokke wees?
• Wat - is hulle plan, hoeveel van hulle gaan hierdie kriminele aktiwiteit uitvoer?
• Waarom - wat is hul motief (geld, wraak, onwettige
ruilhandel, dwelms)?
• Hoe - hoe sal dit plaasvind?
(vi) Om dit moontlik te maak om:
• breedvoerige kennis van kriminele elemente en taktieke te
ontwikkel.
• proaktief in voorkoming van beplande onwettige
aktiwiteite te wees.
• potensiële onwettige aktiwiteite en teenmaatreëls te
identifiseer.
• breedvoerige terreinkennis te ontwikkel.
• observasie- en luisterpos te benut.
• gevaarsones en kriminele se ontsnaproetes te prioritiseer.
• seisoenveranderinge in patrone en gedrag te monitor.
5.4.3 Infrastruktuurprogram
Infrastruktuurbeheer sluit die beplanning, konstruksie,
instandhouding, vervanging, beheer en monitering van alle
permanente strukture, toerusting en ander roerende bates in.
Beheer van infrastruktuur, insluitende inspeksies en veebeheer,
sal gedoen word volgens algemeen aanvaarde norms,
standaarde en praktyke, soos voorgeskryf in die Bedryfsplanne
en Handleidings.
Die oorkoepelende doelwitte vir die beheerstelsel van die
infrastruktuur sal soos volg wees:
• Om te verseker dat alle infrastruktuur gebruik, en/of
geberg, en/of instand gehou word op ’n verantwoordelike
wyse;
• Om die verantwoordelikheid vir spesifieke infrastruktuur
aan individuele personeellede te delegeer;
• Om die mishandeling van infrastruktuur te verhoed;
• Om die behoefte aan instandhouding en/of vervanging van
spesifieke infrastruktuur aan te dui;
• Om te verseker dat die maksimum dienslewe van
infrastruktuur bereik word;
• Om te help met die opstelling van infrastruktuurbegrotings.
(a) Toegangsbeheer
Dit is noodsaaklik om toegang tot die RNP te beheer, en om
ook die nodige sekuriteit aan die myngebiede in die park te
verskaf. Hierdie afdeling skets die beleid wat tans heers wat
toegang betref. Alle persone, behalwe veeboere, inwoners en
mynpersoneel van die gebied (met die nodige
identifikasieplakkers op hul voertuie), asook amptenare van die
RNP, moet RNP-permitte hê om die park te betree of te verlaat.
Daar moet egter register gehou word van alle verkeer deur die
hek. RNP toegangspermitte sal aanvanklik slegs by die kantoor
van die Parkhoof: RNP te Sendelingsdrif verkrygbaar wees,
totdat personeel opgelei is om hierdie funksie by die hek te kan
verrig. Verkeer sal soos volg gehanteer word:
i) Personeel van die Reuning en Oena myne teken die
register in en uit. Identifikasieplakkers moet op voertuie
aangebring word.
ii) Besoekers aan bogenoemde myne (hetsy vir besigheid of
privaat) teken die register in en uit, maar ‘n permit wat deur
die relevante mynkantoor gestempel/geteken is, moet by
die hek aan die sekuriteitsbeampte oorhandig word met
uitgang. Indien persone sonder permit die gebied wil
verlaat, sal hulle teruggestuur word om dit te kry.
iii) Veeboere en inwoners van die gebied teken die register in
en uit. Identifikasieplakkers moet op hul voertuie
aangebring word.
iv) Besoekers aan die RNP teken die register in en uit, maar
moet ‘n amptelike RNP permit kry. Die sekuriteitsbeampte
het volmag om persone terug te stuur om die nodige
permitte te bekom indien hulle daarsonder by die hek
arriveer.
v) Persone wat van die pont te Reuning gebruik maak, moet
by die Bestuurder van die Reuning Myn (of sy
gevolmagtigde) of by die RNP-kantoor die nodige permitte
kry om van die hek gebruik te maak.
vi) Lede van die SAP of SAW, of ander departemente soos
Telkom, Eskom, en die SDR, wat op amptelike diens is,
moet ‘n gratis toegangspermit by die kantoor van die RNP
verkry, en moet ook die register in en uit teken.
(b) Die grense van die RNP
Die ligging van die grense is met behulp van bakens aangedui.
Omheining is onnodig.
(c) Serwituuthouers
Serwituuthouers sluit die volgende in: Eskom (om kraglyn te
diens), Telkom (om telefoonlyn te diens), Buffelsbank Diamante
Bpk (Reuning Myn), Dept. Mineraal en Energiesake (inspeksie
van myne), SAP (Diamanttak), Grenspolisie, SA Weermag
(SANDF).
(d) Paaie, wandelpaaie, staproetes en oornagkampeerplekke
Die bestaande paaie word verdeel in (i) dié wat deur besoekers
gebruik word en (ii) dié wat slegs vir diens en
instandhoudingswerk deur SANParke se personeel gebruik sal
word. Die RNP het ook wandelroetes en oornagkampeerplekke.
Wat die konstruksie, instandhouding en verbetering van paaie
betref, is die beleid:
• om van handearbeid eerder as masjienerie gebruik te maak
om werkskepping te bevorder.
• Alle bronne wat geld vir werkskepping bewillig, sal om
finansiële hulp genader word indien ‘n groot projek in die
RNP aangepak moet word.
(e) Landingstroke
• Die stroke by Sendelingsdrif en Grasdrif (Oenas) sal behou
word.
R I C H T E R S V E L D N A S I O N A L E P A R K • P A R K B E S T U U R S P L A N
72
73