Der Bauernhof um 1870 Heinrich Stolte - Plattdeutsch ...
Der Bauernhof um 1870 Heinrich Stolte - Plattdeutsch ...
Der Bauernhof um 1870 Heinrich Stolte - Plattdeutsch ...
Create successful ePaper yourself
Turn your PDF publications into a flip-book with our unique Google optimized e-Paper software.
Doe Kinner<br />
Mudder hadde woenig Tuit, sik ümme us Kinner teo bekümmern. Os Grossfadder<br />
no liewe, satt doe achter der Woegen un hale us up suine Stuawen, wenn et<br />
biuden kault un natt was. Sau baule os wui kriupen un laupen können, wöre wui us<br />
sümst iawerloden. Uppen Arme driagen un innen Wagen fort weren, kenn wui nich.<br />
Wui hedden oenen lütken Wagen, sian auk Kinnerwagen doteo, do konn owwer<br />
ninn Kuind inne luiggen un slopen. Dat was oen engen hölten Kasten, fuür uapen,<br />
dat doe lütken Kinnerboene heriut stönnen, twoe suige Trullen os Riar, sau suige,<br />
dat hoe nich ümmefalen konn, un oen langen kr<strong>um</strong>men Stock os Duißel. Domedde<br />
förde wui us oenanner. Struit hedde wui auk manßen dobui. Wenn Mudder dat<br />
haur, sia soe: Doe Wagen es for dat Lütke; jui Grauden müöt en toen. Dann gaff<br />
soe dem Lütken oene Swicken inne Hand un loet doe Piare andruiwen. Met dem<br />
lütken Wagen forde wui us sümst un olls, wat et uppen Huawe teo foören gaff:<br />
Stoene, Sand, Plaiggen, Lauf, Holt, Spöne un sau wat. Doe Piare kriegen oenen<br />
Ta<strong>um</strong> an; dat was oen Stock met oenem Packsneor. Doe Knecht kraig doe<br />
Swiepen un doe Luinen inne Hand.<br />
Koffte Spielsaken hedde wui nich. Bälle make wui us sümst iut Keohor un iut<br />
Kürken met aulen Lappen un Wullgorn. Dat Hor weort sau lange tüsken den<br />
Hännen draigget bet et faste un rund was. Olls, wat wui uppen Huawe sögen un<br />
hairen, make wui no. Wenn doe Hanens kraiggen, doe Örne turen, doe Hennen<br />
klucken, doe Füögel flödden, doe Schope blären, doe Lämmer sprüngen, doe<br />
Bücke stödden, doe Kadden kleddern, dann fersöchte wui dat auk. Wui maken<br />
Nester in Büsken un Braken, loögen lütke Stoene os Oegger drin un sedden<br />
Bleomen os Füögel drup. Unner dem Schiursel iawern Backuawen bowwe wui<br />
Diuwenschödde un staiken Honnerfiarn os Diuwen drin; innen Sanne make wui<br />
Backiafkens un Fosslöcker; ümme den Plaiggenhaup groöwe wui Rabadden for<br />
Bleomen un Gemoöse; unner den Oeken buüne wui Stangen un Stricke faste, dat<br />
wui wuindfiagen können. Den ganßen Sommer laige wui anner Bieke. Doe hadde<br />
wonig Wader; Gefor was do nich for us. Wui gengen barwelsk un krempen doe<br />
Bücksen bet an doe Knoee up, fengen Puilepowwen un Stiekelstangen, sedden<br />
soe in lütke Duike un aule Pödde. Fiske un Kriefte wören nich in der Bieke. Wenn<br />
dat Schütt teostiaken was un dat Wader sik hauge upstöwwe un iawerflaut, stelle<br />
wui oene Puttkemüölen drunner. Dat wören twoe Twielen os Stänner un oen Stock<br />
met Spaiken os Ratt. Doe Spaiken snie wui us sümst trechte un staiken soe in den<br />
Stock. Auk Spritsbüssen un Klabbüssen make wui us sümst iut Allhairn. Iut den<br />
Klabbüssen schüöde wui met Ellern- un Spriakelbuirn. Wippen make wui us iut<br />
ollen Balken un Bualen, Wuindfiagen iut ollen Stricken un Raipen, doe wui kruigen<br />
können.<br />
Ens fuüne wui innen Görken lang rund Suipellauf, richtige Roören. Wui blosen,<br />
süögen un bulwern domedde innen Wader. Oene ganß kr<strong>um</strong>me loöge wui up dat<br />
Schütt, dat dat dicke Enne innen Wader un dat lange spisse Enne achter dem<br />
Schüdde dalheng. Wui süögen iut Spoß dran; do haur dat Wader gar nich wir up<br />
teo floeden. Wui proboeren dat no met annern kr<strong>um</strong>men Roören un stellen auk<br />
oene Puttkemüölen drunner. Teo den Roören sia wui Suüger.<br />
37