Der Bauernhof um 1870 Heinrich Stolte - Plattdeutsch ...
Der Bauernhof um 1870 Heinrich Stolte - Plattdeutsch ...
Der Bauernhof um 1870 Heinrich Stolte - Plattdeutsch ...
Create successful ePaper yourself
Turn your PDF publications into a flip-book with our unique Google optimized e-Paper software.
hedden ninn Geld un ninnen Stiuden.<br />
Wenn innen Hiarfste doe Nüöde ruip wören, söchte wui dat ganße Breok af,<br />
knacken soe un spielen Ron domedde. Doe oene namm Nüöde inne Hand, hoel<br />
soe dem annern hen un sia: Par odder unpar? Doe dat dreop, kraig doe Nüöde;<br />
doe et nich dreop, mosse oene teoloeggen; - odder hoe draigge doe Hänne ümme<br />
oenanner, leog soe up oenanner un sia: Pinkepanke muine Hand, unner odder<br />
buawen? Doe et dreop, kraig doe Nüöde; doe et nich dreop, mosse sau fiele in doe<br />
liege Hand loeggen, os in der annern wören; - odder hoe hoel doe Hand hen un<br />
sia: Foss! Doe annre sia: Hannoss! Doe erste froge: Wo fiel? Doe annre sia: Hand<br />
up! Doe erste make dann doe Hand flink up un teo un doe twoede sia, wo fiel et<br />
wören. Doe et dreop, kraig soe; doe et nich dreop, mosse teoloeggen, wat hoe teo<br />
fiel seggt hadde. Wui spielen dat Ron auk innen Winter met bunten Baunen. Doe<br />
ferkert roet, mosse oen Pand iutdeon.<br />
Sunndages hedde wui faken Besoök fan Nowerkinnern; doe wüssen, dat up iusen<br />
Huawe ollerhand for Kinner teo fuinen was, upper Strode Elsbern, innen Breoke<br />
Rüöde, annen Hiagens Brümmeln un Gimbern, innen Kelterhuawe Drüppeln, inner<br />
Keowoee Fiemeln, blaut ninne Boewern. Doe söchte wui in Wuims Buske. Wecke<br />
gengen Sunndages auk non Paddersken Holle un non Hoenbiarge un halen sik<br />
do Boewern weg. Soe hedden besonnere Kiarwe dofor, lütke fuine<br />
Boewernkiarwe; buawen half teoflechtet un half met oenem pladden Deckel.<br />
Iuse Hoff lagg in der Stoenhiager Biurskop Stroön, oll donne buim Breokhagen.<br />
Wui wuonen naiger bui der Breokhiager os der Stroöer Sch[oe]le. Ik sen doe<br />
ersten foer Jore in der Stroöer Scheole un doe lesten foer in der Breokhiager<br />
wiesen. Os soe mui met sess Joren inne Stroöer schicken, was do oen aulen Lerer<br />
Suiwert, doe hoel Muarens innen Fieneore un Ianerns uppen Stroön Scheole. Hoe<br />
wuone up sonner lütken Biurnstuie, doe tüsken den boeden Scheolen lagg. Wenn<br />
hoe ümme twoe Iur ankamm, was hoe moöe un sedde sik erst hen un resse sik.<br />
Innen Sommer leog hoe an hoeden Dagen den Kopp un doe Arme upt Pult un<br />
sloep in. Wui saiden dann ganß stille, dat hoe nich upwecke. Hoe feng met Singen<br />
un Bian an un loet oenen ganßen Gesang singen, moestens olle Ferske, un fan<br />
den Schoölern oen Gebett soeggen. Manßen bia hoe auk sümst fruigg. Met den<br />
Grauden namm hoe dann buiwelske Geschichten un den Katechism for, loet soe<br />
auk inner Buiwel un innen Gesangbeoke liasen. Wui Lütken saiden stille un lustern<br />
teo. Wenn doe halwe Scheole ümme was, genge wui uppen Hoff. Spielt weort nich<br />
recht; wui stönnen, saiden un laigen sau herümme. Wenn wui wir herinkaimen,<br />
mössen doe Grauden riaken, schruiwen odder singen un wui Lütken<br />
beokstaboeren. Joeder hadde suin Beok for sik uppen Knoeen luiggen un wuise<br />
medden Finger up dat Weort, dat beokstaboert weort, olle datsülwe un tohaupe,<br />
selten enteln. Doe nich metkuomen konn, swaig stille, doe tohius ninne Hülpe<br />
hadde, lere woenig. Schruiwen un riaken lere wui in den ersten Joren gar nich. Dat<br />
erste Riaken häwwe ik mui sümst lert; ik telle olls annen Fingern af. Doe<br />
Beokstawen wuise mui Mudder. Os wui anfengen teo schruiwen, mösse wui doe<br />
Tafel medder linken Hand haulen un upt Knoe loeggen; iuse Bank hadde ninnen<br />
Disk un ninne Lienen. Wat doe grauden Schoöler liasen un hiarsoeggen mössen:<br />
Sprüöke, Gebedde un Gebodde, konn ik iutwennig, wenn auk met woenig Sinn un<br />
42