Create successful ePaper yourself
Turn your PDF publications into a flip-book with our unique Google optimized e-Paper software.
– <strong>Ein</strong> romantisk idé<br />
– Det ligg ein romantisk idé om at det skal strøyme til med studentar til andre<br />
språkutdanningar berre svensk blir frivillig, meiner Åsa Palviainen. Ho<br />
har skrive rapporten Frivillig svenska? Utbildningsrelaterade konsekvenser.<br />
– Kvifor har spørsmålet om opplæring<br />
i svensk blitt eit viktig politisk emne i<br />
Finland?<br />
– Svensk som obligatorisk fag i fi nske<br />
skular har vore omstridt heilt sidan faget<br />
kom inn i skulen i 1968, men det har gått<br />
i bølgjer. På 1980-talet fekk faget mykje<br />
kritikk, så roa ordskiftet seg på 1990-talet,<br />
før det igjen blussa opp att på andre halvdel<br />
<strong>av</strong> 2000-talet.<br />
Dei politiske partia har i dei to siste<br />
tiåra vore samde om at obligatorisk svensk<br />
høyrer heime i skulen. Det einaste partiet<br />
som ope har vore klårt mot, er Sannfi nnländerna.<br />
Dei er ikkje mot at Finland er<br />
tospråkleg eller svensk har ein plass i skulen,<br />
dei er berre mot at svensk skal vere<br />
obligatorisk.<br />
Dei siste åra har det blitt enklare å <strong>få</strong><br />
gitt uttrykk for frustrasjon på internett og<br />
i sosiale medium. Sjølv om det moglegvis<br />
berre kan dreie seg om anonyme enkeltpersonar,<br />
så skrik dei høgt nok til å <strong>få</strong><br />
gjennomslag. Eit anna poeng er at ein på<br />
byrjinga <strong>av</strong> 90-talet skar drastisk i ned på<br />
svensktimar. Resultatet er at dei som går<br />
ut <strong>av</strong> skulen no, er mykje svakare i svensk<br />
enn kva ein var før. Ungdomar lurer kva<br />
dei skal nytte svensken til. Og næringslivet<br />
seier at svensk ikkje er så viktig lenger,<br />
no vil dei heller ha arbeidstakarar som<br />
er gode i engelsk og gjerne russisk. Dette<br />
skal ein ha i mente når ein ser på kva som<br />
hende før riksdagsvalet i vår.<br />
Indre splid i partia<br />
– Kva skjedde?<br />
– Reint politisk vedtok Samlingspartiet<br />
i 2010 at dei var for at Finland framleis<br />
skal vere tospråkleg, men at <strong>av</strong> svensk skal<br />
vere frivillig i skulen. Initiativet kom frå<br />
ungdomspartiet og moderpartiet vart teke<br />
på senga. Det starta ein politisk kjedereaksjon.<br />
Brått var den heilage kua, obligatorisk<br />
svensk, ikkje heilag lenger. Og i løpet<br />
<strong>av</strong> sommaren sa både statsministeren og<br />
leiaren for Centern, eit parti som tradisjonelt<br />
har forsvart ordninga, at svensk<br />
kunne bli frivillig. Ho sa at ein burde tolka<br />
grunnlova som seier at det er to nasjonalspråk<br />
i Finland vidt. I tillegg kom ho med<br />
framlegg om at dei elevane som budde<br />
nær den russiske grensa burde kunne byte<br />
ut svensk med russisk.<br />
Dei politiske reaksjonane var sterke.<br />
Svenska folkpartiet (SFP) motsette seg<br />
framlegget, men også leiinga i Sosialdemokratane<br />
gjekk hardt imot. De Gröna<br />
var litt meir <strong>av</strong>ventande. Rett før jul gjekk<br />
partisekretæren i SFP overraskande ut<br />
og støtta framlegget om frivillig svensk.<br />
Partiet reagerte sterkt, og sa at utspelet<br />
16<br />
FINLAND<br />
Foto: Jyväskylä universitet<br />
ikkje var forankra i partiet sin vedtekne<br />
politikk. Men usemja stakk nok djupare,<br />
og ikkje berre hjå SFP. Nokre månader<br />
før valet var det langt frå sikkert kva dei<br />
store partia eigentleg meinte om saka. Det<br />
einaste partiet som hadde eit klårt standpunkt<br />
var Sannfi nnländerna.<br />
– Er det ein reel fare for at svensk forsvinn<br />
ut <strong>av</strong> den fi nske skulen?<br />
– Neppe på kort sikt, høgst sannsynleg<br />
på lang sikt. Sannfi nnländerna gjorde eit<br />
brakval og fekk tjue prosent <strong>av</strong> røystene.<br />
Det vart danna ei samlingsregjering<br />
med Samlingspartiet, Sosialdemokratane,<br />
De Gröna, Svenska folkpartiet og Venstre.<br />
Ingen har hatt programfest at svensk skal<br />
bli frivillig, og eg trur dei ikkje tek sjansen<br />
på ei så stor <strong>av</strong>gjerd no. Finland er stolt<br />
over å vere tospråkleg, det ligg djupt forankra<br />
både hjå folk og i lovverket.<br />
– Men tidene endrar seg, og nordiske<br />
relasjonar er ikkje så politisk viktige som<br />
dei var på 1970-talet. I dag meiner ein at<br />
det greier seg med engelsk, og at det bør<br />
opp til den enkelte å lære seg andre språk.<br />
Difor trur eg det vil bli vanskeleg å halde<br />
på svensk som obligatorisk fag i skulen. Eg<br />
trur ein kjem til å fi nne særløysingar, der<br />
ein ikkje lenger krev at alle som arbeider<br />
i off entleg forvalting skal kunne både<br />
svensk og fi nsk, men at det blir ein del <strong>av</strong><br />
tilsette som kan svensk.<br />
– Eg vågar derimot ikkje å seie noko<br />
om grunnlova. I dag seier ho at Finland<br />
er tospråkleg. Om svensk blir eit frivillig<br />
fag i skulen, kan det hende det går mot ein<br />
einspråkleg stat. I dag er det berre Sannfi<br />
nnländerna som er talsmenn for eit slikt<br />
standpunkt.<br />
Kven skal velje å ta svensk?<br />
– Dei som er i mot obligatorisk nynorskopplæring<br />
i Noreg, seier at nynorsk går ut<br />
over bokmålsundervisninga. Dei syner til<br />
at norske elevar gjer det dårlege i testar<br />
som t.d. PISA-undersøkinga. Men fi nske<br />
elevar gjer det godt i slike undersøkingar,<br />
så kva argument blir nytta for å argumentere<br />
for at svenskopplæringa skal bli<br />
frivillig?<br />
– Som språkforskar har eg vanskeleg å<br />
sjå kvifor undervisning i nynorsk skulle<br />
føre til dårlegare resultat i bokmål. Slike<br />
argument har eg ikkje høyrd i Finland.<br />
Her går argumenta at elvane ikkje orkar<br />
eller greier å lære seg meir enn to framandspråk,<br />
og då må svensk vike plassen<br />
for fransk, tysk, spansk, russisk elles kinesisk<br />
som òg blir nemnd. Det er <strong>få</strong> som<br />
ÅSA PALVIAINEN<br />
◆ Åsa Palviainen (tidligare<br />
Nordqvist) er dosent og lektor i<br />
svensk ved Jyväskylä universitet.<br />
◆ Ho er fødd og oppvaksen i Sverige,<br />
der ho tok doktorgraden i lingvistikk<br />
ved Universitetet i Göteborg i 2001.<br />
Sidan 2003 har ho budd i Jyväskylä<br />
der ho underviser i svensk for � nskspråklege<br />
ved universitetet i tillegg<br />
til å drive forsking.<br />
vel språkfag, og svensk som <strong>få</strong>r skulda.<br />
Bak ligg ein romantisk idé om at det skal<br />
strøyme til med studentar til desse andre<br />
språka berre svensk blir frivillig. Haken<br />
er sjølvsagt at det ikkje er noko universitetsapparat<br />
som utdannar lærarar til<br />
å undervisa i desse språka. Det er heller<br />
ikkje slik at om språkfag er frivillig, så vil<br />
fl eire velje det <strong>av</strong> eigen vilje. Erfaringar frå<br />
t.d. England og Sverige syner tvert i mot<br />
at resultatet blir at ein sit att med færre<br />
språkstudentar.<br />
– Men det vanlegaste argumentet for<br />
at svensk burde bli frivillig, er at det vil<br />
gje eleven større motivasjon for å lære seg<br />
svensk. Dei svakaste elvane kunne velje<br />
det vekk, medan dei fagleg sterkare elevane<br />
kunne velje faget og vere motiverte<br />
for det. Det ein ikkje veit er kven og kor<br />
mange som i så fall faktisk kjem til å velje<br />
faget. Dette skremmer mange i<br />
den fi nsksvenske minoriteten.<br />
Det er ei reel<br />
redsle for at det blir<br />
for <strong>få</strong> som tek faget,<br />
og Finland blir eittspråkleg.<br />
Forsking syner<br />
også at det er ein<br />
fare for at dei som<br />
kan kome til å velje<br />
svensk i framtida er<br />
høgt utdanna jenter<br />
frå hovudstadsområdet.<br />
Og desse<br />
jentene kjem ikkje<br />
til å bli svenskkunnige<br />
sjukepleiarar i<br />
eldresenter rundt om<br />
i landet.<br />
KJARTAN HELLEVE<br />
kjartan.helleve@nm.no<br />
� nsk<br />
tospråkleg med � nsk som<br />
majoritetsspråk, svensk som<br />
minoritetsspråk<br />
tospråkleg med svensk som<br />
majoritetsspråk, � nsk som<br />
minoritetsspråk<br />
svensk<br />
tospråkleg med � nsk som<br />
majoritetsspråk, samisk som<br />
minoritetsspråk<br />
Illustrasjon: Wikimedia Commons<br />
NORSK TIDEND NR. 4 – 2011