Last ned pdf - Helsedirektoratet
Last ned pdf - Helsedirektoratet
Last ned pdf - Helsedirektoratet
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
20 KAP 2<br />
2 Pasientrettar og prinsipp<br />
for god praksis<br />
Pasientar skal kjenne seg respekterte og ivaretekne i møtet med helsetenesta. Deira eigne<br />
ønske skal ha stor vekt, og dei har rett til å medverke i si eiga behandling. Ein skal bruke<br />
metodar som sikrar at deira eigne erfaringar blir henta inn. Det står meir om samarbeidet<br />
i kapittel 4.<br />
Menneske med bipolare lidingar og deira pårørande opplever ofte episodane med mani<br />
og depresjon som svært belastande. Lidinga er ofte forbunde med alvorlege personlege<br />
vanskar, sosiale problem og vanskar i yrkeslivet. Dei fleste treng eit tilbod om individualisert<br />
og langvarig behandling for å meistre ei bipolar liding. Men sjølv om bipolare lidingar fører<br />
til både personlege og samfunnsmessige kostnader, er det likevel mange pasientar og<br />
på rørande som finn det vanskeleg å akseptere at stemningssvingingar er symptom på ei<br />
liding som ein treng behandling for. Særleg gjeld dette personar med hypomane og lettare<br />
maniske episodar. Mange har positive opplevingar av for eksempel hypomane episodar og<br />
føler at dei er meir kreative enn andre. Enkelte opplever stemningssvingingane som ein<br />
viktig del av personlegdomen. Mange vel derfor bort medikasjon og anna behandling.<br />
Ein del bruker alternative behandlingsformer.<br />
Helsepersonell som skal utøve eit praktisk omsorgsarbeid, møter faglege, etiske og<br />
haldnings messige utfordringar. Godt psykisk helsearbeid føreset ei nyansert og heilskapleg<br />
forståing av lidingsomgrepet (72). Helsepersonell som oppnår gode resultat, blir gjerne<br />
skildra som varme, omtenksame, fulle av forståing, aktive og erfarne. Dei er også kompetente<br />
i dei metodane dei bruker, og dei tek ikkje berre utgangspunkt i den bipolare lidinga, men<br />
også i ressursane og dei sterke sidene personen har.<br />
2.1 Samarbeid og medverknad<br />
Behova og erfaringane til brukaren skal liggje til grunn når ein utformer tenestene.<br />
Personen har rett til sjølv å medverke i gjennomføringa av helsehjelpa (pasient og brukarrettslova<br />
(63) § 31). Tenestene må leggje til rette for at personar med bipolare lidingar kan<br />
medverke til behandling av si eiga liding og bruke sine eigne ressursar for å meistre livet.<br />
Tiltaka skal byggje opp under eiga oppleving av meistring. Alle som har bipolare lidingar,<br />
må få informasjon om tenestetilbodet, behandlingsalternativa og kva vurderingar behandlaren<br />
gjer, slik at dei sjølve kan velje mellom dei ulike metodane som finst for undersøking og<br />
behandling, og medverke i eiga behandling. Dersom personen med bipolar liding er under<br />
16 år, må også foreldra eller andre med foreldreansvar involverast (pasient og brukarrettslova<br />
§ 34).<br />
Personar som oppfyller dei diagnostiske krava til bipolare lidingar, er enkelte gonger<br />
ueinige i at dei har ei psykisk liding, og dermed lite motiverte for å ta imot helsehjelp.<br />
Når lidinga er så uttalt at ho fell inn under omgrepet alvorleg sinnsliding, kan behandling<br />
utan eige samtykke vere aktuelt. Psykisk helsevernlova (64) kapittel 3 og 4 har særskilde