Last ned pdf - Helsedirektoratet
Last ned pdf - Helsedirektoratet
Last ned pdf - Helsedirektoratet
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
40 KAP 4<br />
4 Generelt om behandling<br />
av bipolare lidingar<br />
Dette kapittelet handlar om dei overordna og generelle sidene av behandlinga av bipolare<br />
lidingar. I seinare kapittel kjem vi nærmare inn på behandlinga av dei ulike fasane. Når vi<br />
i det følgjande omtaler pasienten, vil det omfatte pasienten og foreldra (ev. andre omsorgspersonar)<br />
når pasienten er mindreårig.<br />
4.1 Generelle behandlingsprinsipp<br />
Helsepersonell skal vise respekt og lytte til pasienten og dei pårørande. Det er viktig<br />
å gjere pasientane trygge nok til at dei kan kome med det som ligg dei på hjarta, få fortalt<br />
om eigne erfaringar og kjenne seg trygg på at det blir teke omsyn til desse. Det same gjeld<br />
for dei pårørande, som ofte har god kjennskap til pasienten si liding og kan ha ein heilt<br />
sentral rolle i behandlinga. Pårørande kan i enkelte tilfelle sjølv ha behov for helsehjelp,<br />
og helsepersonell bør då hjelpe dei ved å gi dei eit passande tilbod.<br />
Behandlinga må byggje på samarbeid mellom pasienten, helsepersonell og pårørande – så<br />
framt pasienten samtykkjer til dette. Ein god terapeutisk allianse ligg til grunn for all vellukka<br />
behandling. Pasienten må kjenne seg trygg og respektert. Behandlaren bør informere<br />
om teieplikta og dei unntaka som gjeld, f.eks. med omsyn til opplysningsplikt til barnevernet<br />
og Fylkesmannen i førarkortsaker. Tenestetilbodet bør sikre kontinuitet i forholdet<br />
mellom pasienten og behandlaren.<br />
Mange tiltak kan vere nyttige ved bipolare lidingar. Når ein skal velje tiltak, er det viktig<br />
å ta omsyn til kva personen sjølv ønskjer (pasient og brukarrettslova (63) § 31). Pasienten<br />
har rett til å medverke i valet mellom tilgjengelege og forsvarlege behandlingsmetodar.<br />
Måten pasienten medverkar på skal vere tilpassa evna vedkomande har til å gi og ta imot<br />
informasjon. Det kan vere nødvendig med ei særleg tilpassing av tilboda for personar som<br />
har kognitiv svikt. Ein må leggje vekt på resultatet av tidlegare innsats og ikkje avgrense<br />
tilboda til intervensjonar retta mot symptoma og lidinga. Ein bør også vere open for å bistå<br />
med det pasienten ønskjer hjelp til, og samarbeide med andre instansar når det er<br />
nød vendig.<br />
Ein bør alltid tilby hjelp for å lindre symptom, forkorte episodar og betre forløpet av den<br />
bipolare lidinga. Slik behandling vil som oftast vere medikamentell. Det kan vere like viktig<br />
med tiltak som kan hjelpe personen til å kome seg i aktivitet, betre den sosiale funksjonen,<br />
auke eiga meistring og betre livskvaliteten. Pasientar som ikkje ønskjer å bruke legemiddel,<br />
bør bli møtt med forståing og respekt for dette valet. På same måte som alle andre pasientar<br />
bør dei få eit tilbod som er lagt til rette for dei, og som dei kan akseptere.<br />
Alle pasientar, og pårørande når pasienten samtykkjer til det, bør få tilbod om systematisk<br />
informasjon om bipolare lidingar, slik dette er skildra i avsnitt 2.2.