Last ned pdf - Helsedirektoratet
Last ned pdf - Helsedirektoratet
Last ned pdf - Helsedirektoratet
Create successful ePaper yourself
Turn your PDF publications into a flip-book with our unique Google optimized e-Paper software.
48 KAP 4<br />
4.8.1 Effekt på akutt depresjon<br />
Studiane viser at strukturert psykologisk behandling kan lindre depressive symptom. Det er<br />
mindre sikkert at behandlinga også forkortar depressive episodar, men mykje kan tyde på<br />
det. Det ser også ut til at psykologisk behandling kan redusere talet på depressive episodar.<br />
4.8.2 Effekt av førebyggjande psykologisk behandling mot depresjon<br />
Fleire studiar viser at psykoedukasjon i fleirfamiliegruppe og individuell familieterapi kan<br />
redusere tida pasientane er i depressive episodar. Psykoedukasjon i fleirfamiliegruppe kan<br />
også redusere talet på depressive episodar, men denne effekten oppnår ein kanskje berre<br />
dersom familien i utgangspunktet fungerer dårleg.<br />
Studiane som ikkje har funne slike effektar, har inkludert pasientar med stor komorbiditet,<br />
særleg ruslidingar, og med mange tidlegare episodar. Det er for få studiar som har samanlikna<br />
fleire psykologiske behandlingar med kvarandre, og med ei kontrollgruppe som har<br />
fått vanleg behandling. Slik sett er det ikkje grunnlag for å hevde at éin psykologisk behandlingsmetode<br />
er meir effektiv enn ein annan.<br />
4.8.3 Effekt på akutt mani<br />
Ved akutt mani er det ikkje påvist at tillegg av psykologisk behandling er meir effektivt enn<br />
legemiddel åleine.<br />
4.8.4 Effekt av førebyggjande psykologisk behandling mot mani<br />
Studiane viser gjennomgåande at pasientar som har fått trening i å kjenne att tidlege teikn<br />
på tilbakefall og har fått ein tiltaksplan, har færre maniske eller hypomane episodar, og det<br />
tek lengre tid før dei får tilbakefall av mani eller hypomani. Ein viktig komponent i behandlinga<br />
ser ut til å vere at pasienten tidleg kan setje i verk behandling med manidempande<br />
medisin.<br />
4.8.5 Avgrensingar i studiane<br />
Brorparten av studiane har omfattande eksklusjonskriterium. Samtidige lidingar, rusmiddelproblem<br />
og kort tid sidan siste affektive episode er vanlege eksklusjonskriterium. Dette<br />
gjer at studiane kan gi eit feilaktig bilete av effektiviteten når intervensjonane blir overførde<br />
til vanleg klinisk praksis. Ein kan ikkje vente same effekt hjå pasientar som har tilleggsproblematikk<br />
som førte til eksklusjon frå dei vitskaplege studiane. Det er likevel viktig<br />
å tilby alle pasientar psykososial behandling sjølv om dei har tilleggsproblem og samtidige<br />
lidingar.<br />
Mange studiar omtalar «bipolare lidingar» og bruker dette omgrepet til å omfatte bipolare<br />
lidingar type I, II og NOS. Publikasjonane skil ikkje alltid mellom desse kategoriane i resultat<br />
og konklusjonar. Intervensjonar som har god effekt ved mani, vil vere knytte til bipolar<br />
liding type I, men når ein omtalar hypomani, kan det gjelde bipolar liding type II og NOSlidingar,<br />
men også bipolar liding type I.