aktuelt

6
sideblikk
Det er gøy å finna ein
vinkel og eit augneblink
ein ikkje har sett mange
gonger før.
Det seier fotograf Bjørn Erik
Larsen. For tre år sidan var han i
symjehallen på Haakonsvern for
å laga reportasje frå nordisk meisterskap
i marinefemkamp. Det
var i livredningsgreina Larsen
fanga symjarane. Femti meter
symjing, og så ned på tre meter
for å plukke opp ei dokke som
skulle førast i land 25 meter unna.
Gutane måtte finne seg i å symje
halve heatet med kleda på.
– Eg skvatt litt då dei stupa uti
med klede. Eg hadde faktisk trudd
at dei skulle av først, seier han.
Karakteristisk. I 1993 til 1994
var Larsen vernepliktig fotograf i
Forsvarets forum. Alt då hadde
han fått interesse av å fotografera
med vidvinkellinse. Interessa er
der enno, men han er forsiktig
med å ikkje bruka han for ofte.
– Det er ein del folk som ikkje
likar den linsa like godt. Det er jo
ein effekt ein kjenner igjen fort,
men sidan den er så karakteristisk
lyt ein vera varsam og heller variera,
meiner han.
Fekk prøva. Den nordiske meisterskapen
i Bergen hadde deltakarar
frå Norge, Sverige, Danmark,
Finland og Tyrkia. Larsen var i
symjehallen som frilansar for
Forsvarets forum. Det har han
JULI/AUGUST 2008 F
gjort med jamne mellomrom
sidan.
– Dei beste minna frå førstegangstenesta
var dei gongane eg
fekk prøva leiketøya deira. Den
eine dagen sat eg skrevs over kanonen
på ei Leopard-stridsvogn,
den andre hengte eg utanfor eit
helikopter ved Finnmarkskysten,
fortel han.
Dårleg betaling. – Det einaste
negative eg kjem på er dei gongane
då me rekna ut kor mykje eg
ville tent på bileta dersom eg
ikkje var i førstegongsteneste, fortel
han med eit smil.
Bjørn Erik Larsen meiner
sportsreportasjar ofte blir sjåande
like ut på trykk. Difor legg han
inn litt ekstra arbeid for å finne
den rette augneblinken.
– Det ser jo fort ut som at det er
ei vanleg trening. Men sidan dei
hadde klede på seg og eg brukte
vidvinkellinse, blei det noko anna.
Hadde eg brukt ei vanleg linse
ville eg ikkje fått med alle omgjevnadane.
Akkurat dette biletet
funkar altså godt med vidvinkel,
slår fotografen fast.
Så kan betrevitarane meina kva
dei vil.
VIDAR HOPE vh@fofo.no
Vass