Trygg Havn - den indre sjømannsmisjon

Reportasjer Reportasjer
Romsdalskameratene. Foto: Andrè Sætre
Optimisme og pågangsmot i misjonsarbeidet
Av misjonssekretær Andre Sætre
Laurdag 28 april vart det halde kretsårsmøte I Møre og Romsdal krets på Vestheim
leirsted, Vestnes.
Dagen byrja med eit forrykande uvêr, med kuling
og tunge snøbyer. Det var mange av misjonsfolket
som kvidde seg for å ta ut i uvêret, så det vart vel
litt mindre deltaking enn normalt. Dei som kom frå
Sunnmøre møtte Ørskogfjellet med snødekt veg, og
ettersom dei fleste hadde lagt om til sommardekk,
vart det problem.
Men dei som kom fram fekk være med på eit
årsmøte som var prega av optimisme og pågangsmot
i misjonsarbeidet.
Dagfinn Sandal som var landsstyret sin utsending,
heldt også ein solid bibeltime med utgangpunkt
i teksten i 1.Kor.1,18. «For ordet om krossen
er vel dårskap for dei som går fortapt, men for oss
som vert frelste er det ei Guds kraft».
12 Trygg Havn - nr. 06 - 2012
Dagfinn understreka kor viktig det er at vi held
fram Ordet om korset i forkynninga. Det er viktig
at mennesket får sjå seg som ein syndar som treng
Jesus som sin forløysar og frelsar, akkurat slik Guds
Ord talar til oss om dette. Forkynninga i dag er
prega av ein lettvint utlegging, der synda blir bagatellisert
eller «normalisert», slik at menneska ikkje
får openbart behovet for ein frelsar. Det er åndeleg
«søvn» i mange kristne forsamlingar, der ein meir
sosial bodskap blir halde fram. Måtte Guds Ord og
Guds Ånd få lov til å sleppe til i forkynninga slik at
menneske kan verte frelst og vunne for Himmelen.
– Dagfinn gledde oss også med fine songar.
Forhandlingsmøtet
Forhandlingsmøtet tok til etter bibeltimen, og det
var som vanleg opplesing av årsmeldingar og rekn-
eskap.
Årsmeldinga for kretsen syner stor aktivitet med
møter og andre samlingar. Kretsen er heldig som
har ein del fritidsforkynnarar i tillegg til sekretær,
og forkynnar Ragnar Hansen i halv stilling.
Foreiningane er aktive og samlar inn bra med
midlar til misjonen. Det kjem også inn mykje ved
kollekter i møter. Men det er eit faktum at mange av
foreiningsmedlemane er komne høgt opp i alder, og
at ein absolutt hadde trengt til rekruttering av yngre
krefter.
Kretsrekneskapen syner likevel fint overskot,
som vi sender til hovudkassa. Vi ser også at betydeleg
med midlar blir sendt direkte til hovudkassa i
Bergen frå kretsen vår, både til «Elieser 6», «vårt behov»,
og andre sesonginnsamlingar. Siste året hadde
kretsen ekstra mykje møte om bord i «Elieser 6»
ved Mjølstadneset i samband med motorhavariet.
Barne- og ungdomsarbeid
Det som også er positivt i Møre og Romsdal krets
er barne- og ungdomsarbeidet på Sørheim leirstad
Averøy. Det er eit omfattande misjonsarbeid
for born og unge med leirarrangement både sommar,
haust, jul, vinter og vår. Vi er glade for at vi
har mange frivillige på Averøy som tek del i dette
arbeidet.
No er vi så heldige at vi har fått ein styrar for leirstaden
i 20% stilling. Så vi reknar med endå meir
utleige og inntekter til staden.
Fantastisk julemesse
Det kom også fram i årsmeldinga at Julemessa var
den beste økonomisk hittil. Så misjonsfolket er flinke
å støtte misjonen både med å gje inn gevinstar,
å ta lodd og kjøpe messevarer. Inntektene er svært
kjærkomne for kretsen og misjonsarbeidet.
Dagfinn Sandal song fint og varmt til forsamlinga. Foto: André Sætre
Val
Det vart attval på dei fire som stod på val:
Karsten Gjerde, Tomrefjord – Karin Smenes,
Averøy – Gunnar Martinsen, Eidsdal og Astrid
Grøvan Vikhagen, Solemdal.
Frå før i styret sit:
Ole Johan Schølberg, Vågstranda - Arvid Wisth,
Hareid og Anne Lise Aas, Syltosen.
Varafolk:
Odd Ivar Nedrelid, Hjørungavåg og Gunvald
Kvalsvik, Nerlandsøy.
Etter forslag frå i fjor, vart det også vedteke at styret
kan bestå av 5–7 medlemer ved seinare val.
Så vart det servering av god svinesteik, kaffi og
kaker før forhandlingsmøtet fortsette.
God samtale
Det vart ei god stund med samtale om misjonsarbeidet
både i kretsen og på landsplan. Dagfinn
Trygg Havn - nr. 06 - 2012 13