Til bords med suksess - Helse Vest

helse i vesT Oktober 2010
DETTE ER DIN HELSEREGION
Tid for å vere saman
elisabeth Huse
Kst. kommunikasjonsdirektør,
Helse Vest
helse vest RhF (regionalt helseføretak) har det overordna ansvaret for spesialist helsetenesta i
Rogaland, Hordaland og Sogn og Fjordane. Helse Vest RHF eig fem helseføretak; Helse Førde,
Helse Bergen, Helse Fonna, Helse Stavanger og Sjukehusapoteka Vest, i tillegg til Helse Vest IKT
AS. Helseføretaka har cirka 29 000 medarbeidarar, omfattar rundt 50 sjukehus og institusjonar og
yter helsetenester til 1 million innbyggjarar. Budsjettet er på ca 19,7 milliardar kroner. Helse Vest
RHF er lokalisert på Forus i Stavanger.
Foto: Monica Larsen
Og deR KOm deSemBeR Og jul med SI glede! Hausten har blitt til vinter
og det merkast både på lys og temperatur. No er det mørkt når vi går heimanfrå
på morgonen og mørkt når vi låser oss inn på ettermiddagen. Og ute er det iskaldt,
vatna frys på og det røykjer frå pipene. Dei minste håper på snø i akebakken og kvit jul.
Kanskje får dei ønska sine oppfylde i år - for ein gongs skuld?
Ein som ikkje set pris på den mørke årstida er Ove Vestheim. Han har opplevd alle
foreldres verste mareritt. Han mista sonen sin i november for tre år sidan, og blei i tillegg
sjølv alvorleg skadd i ei bilulykke. Han takkar helsetenesta for at han i dag synest livet er
verd å leve. Du kan lese historia hans på side 8-10.
I denne utgåva av Helse i vest kan du også lese om korleis
barn som vegrar seg for å ete får hjelp. Dei fleste har vel opplevd
at ungar kan vere kresne, men desse barna har større problem
med mat enn som så.
Heldigvis er det hjelp å få, og foreldra gler seg over dei små framskritta.
For dei som er interessert i forsking og ny kunnskap, er det mykje å lese. I haust delte
Helse Vest ut to forskingsprisar, og vinnarane av desse fortel om forskinga si på side 18-20.
Det handlar blant anna om mitokondriesjukdommar og EEG. Kva det er, finn du ut i saka.
Du kan også lese om effektiv organisering av dagkirurgi i Helse Førde. Her har dei fått
til mykje med små grep, og det kjem både pasientane og medarbeidarane til gode.
Det har vore ein turbulent haust når det gjeld sjukehusorganiseringa i nettopp Helse
Førde. 1. desember vedtok styret i Helse Vest ein ny modell for organiseringa av spesialist-
helsetenesta i føretaket. Modellen er omstridd i delar av Sogn og Fjordane, og mange
vil kjempe mot endringane. Helse Vest meiner modellen er god, men har respekt for
dei som er ueinige. Helsetenestene betyr mykje for folk, det viser engasjementet!
I dag må eg ut og kjøpe nokre julegåver. Kanskje skal eg ta med småen, så han får sett
den fine julestemninga i byen. Det er litt mas og kav med førebuingane til jul, det må
eg innrømme. Men når alt er fiksa, er det berre til å lene seg tilbake. Difor gjeld det
å bli ferdig i god tid.
Sjølv om det ikkje er mange fridagane i jula i år, så håper eg du får nytt høgtida og slappa
av litt. Jul er ei tid for å vere saman, enten det er med familie eller med venner og kjente!
Eg ønskjer deg ei fredeleg og god jul og alt det beste for 2011!