Til bords med suksess - Helse Vest

4
helse i vesT 4/2010
Pasientflyt med dagkirurgi
Har dagen i Førde
Skepsisen mot å starte dagkirurgi ved Sentralsjukehuset i
Førde var i høgste grad tilstades då drifta tok til for snart tre
år sidan. No kjem snart forskingsresultata som avslører om
dei kritiske røystane fekk rett.
ege og forskar Einar Hovlid ved Høgskulen i Sogn
Log Fjordane og Universitetet i Bergen er snart ute
med den første av fleire vitskaplege artiklar om omlegginga til
dagkirurgisk verksemd ved Sentralsjukehuset i Førde. Temaet for
Ph.D.-avhandlinga er kvalitetsforbetring i spesialisthelsetenesta.
– I prosjektet har eg sett på kva dei har gjort når det gjeld å
lage eit nytt forløp for pasientar som skal til planlagd kirurgisk
behandling og kva resultat som er oppnådde med omsyn til
reduksjon i strykingar av planlagde operasjonar, fortel Hovlid. Dei
konkrete resultata kan han ikkje røpe før artiklane er publiserte.
– Det har vore spennande å bli forska på, seier avdelingsleiar
Kari Anne Indrebø. Ho og dei andre som arbeider på dagkirurgisk
senter gler seg til å sjå resultata av studien.
– Tid var ei stor utfordring: Vi visste ikkje om vi ville ha tid nok
til å ta imot dei som kom frå poliklinikkar med operasjonsbestillingar
eller pasientar som trong undersøkingar. Det har vist seg
å fungere godt. Det gode samarbeidet på tvers av avdelingar og
einingar på sjukehuset gjer at systemet fungerer, fortel Indrebø.
I ein lenestol bak ei av dørene til venterommet sit Anne-Marie
Gåsvær Færøy. Ho tok båten inn frå Solund i går, no sit ho klar
for operasjon på dagkirurgisk. Inngrepet har ho visst om ei god
stund, alle førebuingar er gjorde. Klokka er litt over eitt. Om ein
knapp halvtime er det klart.
TeKST KRISTIn dugSTAd VeSTRHeIm FOTO VegARd FImlAnd
Møtte tvil
Venterommet er ikkje stort. Veggflatene er brotne av dører
og grønpolstra stolar langs veggene. Ein fastmontert flatskjerm
viser ein teiknefilm. Hageblad frå i sommar ligg på eit lite bord i
hjørnet. Alle pasientane som fylde rommet for nokre timar sidan
har kome dit dei skal vere. Ingen ventande.
Frå eit av romma innanfor kjem Laila Løkkebø Sørensen,
operasjonskoordinator for kirurgisk klinikk, ut. Jobben hennar er å
sørgje for at venterommet er tomt og operasjonsstuene fulle. Sjølv
om datamaskinen er hovudverktøyet, treng ho både kulepenn og
papir lett tilgjengeleg. Ho nyttar lommeplassen i frakken godt.
I dag tidleg var det heilt fullt her inne, fortel Indrebø. Ho ser
rundt seg i det tomme venterommet.
Når venterommet er tomt samtidig som vi har mange pasientar
i systemet, vil det seie at pasientane slepp å vente på behandling.
Det er målet vårt, seier Indrebø.
Det blei spådd at med dagkirurgisk senter ville det bli vanskeleg
å gjennomføre ein ny pasientflyt ved Sentralsjukehuset i Førde.
Dagkirurgi er på ingen måte ei nyvinning, men ville det fungere
her? Vegstrekningane inn mot Førde er ikkje dei beste overalt,
reisetida for enkelte kan kome opp i fleire timar. Ville pasientane
stille til avtalt tid? Korleis skulle operasjonsstuene bli effektivt