Søkjarkatalogen for 2005 i pdf-format - Hordaland fylkeskommune

Tekniske og allmenne fag (TAF)
Denne utdanninga fører i løpet av 4 år fram til både
studiekompetanse og fagbrev. Innanfor yrkesfaga
kan du velja mellom ulike byggfag, mekaniske fag,
marinefag og elektrofag. Innanfor allmennfaga
på VKI og VKII er det obligatorisk med matematikk
MX (5 + 5) og fysikk (5 + 5). Dette gir rett til inntak
på alle universitet og høgskolar. Dei to fyrste åra er
du elev, og går tre dagar på skole og arbeider to
dagar i bedrift. Dei to siste åra er du lærling med
lærekontrakt. Tredje året er fordelinga mellom
skole/bedrift som i dei to fyrste, medan du er i
bedrift 3 dagar i veka det siste året.
Merk at dei som får tilbod i «TAF-klasse» skriv
lærekontrakt med ei bedrift. Det er bedrifta som
tilset lærlingane. Dette treng ikkje vere dei søkjarane
som har høgast poengsum frå ungdomsskolen.
Ordinært poenginntak gjeld difor ikkje til
«TAF-klassane».
Følgjande skolar i Hordaland har tilbodet:
• Fusa vidaregåande skule
– Marine fag (sjå side 48)
– Mekaniske fag (sjå side 43)
• Knarvik vidaregåande skule
– Byggfag (sjå side 27)
– Elektrofag (sjå side 29)
– Mekaniske fag (sjå side 43)
Skole-/kurskode finn du på sidene 27, 29, 43, 48.
Plass ved skolar som samarbeider
med Bergen Fotballakademi (BFA)
Fleire skolar i Bergensområdet har eit samarbeid
med Bergen Fotballakademi (sjå side 17).
Elevar ved grunnkurs og vidaregåande kurs I –
allmenne, økonomiske og adm. fag – og som satsar
på å bruke tid på fotballen kan, dersom det er
ønskjeleg, få utvida opplæringsrett frå tre til fire
år.
Skoledagen vil bli lagt opp slik at du får trene på
dagtid – inntil 6 timar pr. veke – med trenarar frå
Bergen Fotballakademi. Dei aktuelle skolane har
alle fotballbanar/garderober i sitt nærområde.
Kostnaden for å delta på dette opplegget er ca.
1.400 kroner pr. månad pr. skoleår. Dette er ein pris
som Bergen Fotballakademi skal ha for sine tenester.
Den ordinære undervisninga ved dei aktuelle
skolane er sjølvsagt gratis.
Det blir ikkje stilte krav til spesielle ferdigheter/
resultat for å kunne delta. Utgangspunktet for
Bergen Fotballakademi er å tilretteleggje for eit
lærerikt og interessant fotballtilbod for elevar i
den vidaregåande skolen.
Tilbodet er sjølvsagt ope både for jenter og
gutar. Dersom du ønskjer å søkje må du – i tillegg
til ordinær søknad for vidaregåande opplæring
– sende inn eit opplysningsskjema til Bergen Fotballakademi.
Skjemaet finn du nederst på det elektroniske
søknadsskjemaet. Vanlege poengreglar vil
gjelde dersom det melder seg fleire søkjarar enn
det er plassar.
Desse skolane samarbeider med Bergen Fotballakademi:
• Arna gymnas
• Askøy videregående skole
• Fyllingsdalen videregående skole
• Knarvik vidaregåande skule
• Os gymnas
• Sandsli videregående skole
• Åsane gymnas
I vidaregåande kurs I samarbeider skolane ovanfor
med Bergen Fotballakademi. Det er mogleg også
for elevar som ikkje går på desse skolane i inneverande
skoleår å søkje VK I, og inngå avtale med
Bergen Fotballakademi. Vanlege poengreglar vil
gjelde dersom det melder seg fleire søkjarar enn
det er plassar.
18