Søkjarkatalogen for 2005 i pdf-format - Hordaland fylkeskommune

Spørsmål og svar
om vidaregåande opplæring
1. Kva rettar har eg til vidaregåande opplæring når eg er ferdig med 10. klasse
Svar: Når du er ferdig med 10. klasse har du rett til 3 års vidaregåande opplæring. Retten må vere
tatt ut innan fem år ettter at du var ferdig med ungdomsskolen. Det betyr at du kan ta inntil to
friår frå vidaregåande opplæring utan å miste opplæringsretten din.
2. Kan eg få formell permisjon frå vidaregåande opplæring
Svar: Formell permisjon frå ein bestemt skole eller kurs får du berre dersom du ikkje kan ta imot
plass p.g.a. sjukdom, svangerskap/omsorg for barn/militærteneste eller spesielle sosiale grunnar.
Du får ikkje formell permisjon ved å ta eitt år på folkehøgskole eller som utvekslingselev i utlandet.
Sjå elles punkt 1 ovanfor.
3. Kan eg endre søknaden min etter at søknadsfristen er ute
Svar: Nei, den søknaden som er registrert er din endelege søknad, og kan berre endrast dersom
det oppstår ein heilt ny situasjon, t.d. flytting.
4. Kva meiner ein med Fritt skoleval
Svar: Det betyr at du kan søkje kva skole du vil i Hordaland, utan omsyn til bustadadresse. Dersom
det er fleire søkjarar enn skolen/kurset har plassar, vil det vere karakterpoengsummen din som
avgjer om du får plass. Vi rår deg difor til å søkje så mange alternative skolar som mogleg under
kvart kurs. Med dette er du sjølv med på å styre kva skole-/kurs du kan få plass ved.
5. Kvifor er det så høge poengsummer ved nokre kurs, og så mykje lågare ved andre
Svar: Dei kursa som har høgast poengsum for å kome inn har ofte få plassar. Ved andre kurs er
talet på plassar vesentleg høgare, m.a. fordi det er trong for arbeidsplassar innanfor desse faga.
6. Eg har lyst til å søkje vidaregåande opplæring i eit anna fylke. Kva gjer eg då, og har eg like
god sjanse til å få plass i dette fylket som i Hordaland
Svar: Du kan gjerne søkje plass i eit anna fylke, men sidan du har retten din til opplæring i Hordaland
vil du ha svært liten sjanse til å få plass. Unntaket er dersom du har foreldre som bur i to
ulike fylke. Sjå også side 13 i denne katalogen.
I siste halvdel av mai vil du få eit hefte som gir deg informasjon om sjølve inntaket,
korleis du svarar på tilbod, skolestart osv.
I perioden juni–august kan du også gå inn på
www.hordaland.no
og finne fleire spørsmål og svar om inntak og inntaksrutiner