40 DÍAS CONTRA A COVID-19

40 DÍAS CONTRA A COVID-19
Estamos ante unha das crises máis importantes da nosa historia, na que as entidades locais estamos a xogar un papel
fundamental. Todos os esforzos postos en marcha polos gobernos municipais e provincial nestes 40 días deron
moitos froitos na protección das persoas, sobre todo entre os colectivos máis vulnerables.
Desde a Deputación puxemos á disposición dos concellos recursos extraordinarios para afrontar a inmediatez da
situación e case 150 propostas e accións que partiron dos servizos provinciais.
150 propostas destinadas aos concellos, ao tecido social e á cidadanía en confinamento e que agora queremos trasladarvos
recollidas nun documento para que coñezades todas e cada unha delas.
O traballo realizado polos concellos desta provincia e a Deputación foi efectivo para controlar a epidemia, pero ningún
concello quedará excluído do impacto negativo que a situación terá sobre a actividade económica e os grupos
sociais máis vulnerables.
Por iso, agora que iniciamos unha nova fase de desescalada temos que estar preparadas e preparados para asumir
outro complicado escenario no que teremos que demostrar, unha vez máis, que somos as administracións máis
próximas á cidadanía. Un novo momento no que a unidade e colaboración entre todas as administracións locais,
galegas e estatais é fundamental para garantir unha saída desta situación igualitaria e equitativa para toda a cidadanía.
A búsqueda de sinerxias tén que ser parte do noso traballo, sempre sen esquecer as competencias que temos
asumidas cada administración.
Queremos agradecervos de xeito especial todo o traballo feito ata o momento, e que lle trasladedes no nome do
Goberno provincial a todo o persoal municipal a gratitude da Administración provincial pola máxima e exquisita
colaboración que tiveron estes días coas traballadoras e traballadores desta institución.
A estas e estes últimos queremos tamén agradecerlles de forma pública todo o esforzo realizado, e compartir con
vós que, sen elas e eles, estas 150 medidas que vos presentamos non serían posibles.
Carmela Silva Rego
César Mosquera Lorenzo
Presidenta da Deputación de Pontevedra
Vicepresidente da Deputación de Pontevedra
-2-