UG3CWQ2MB5

milyon tumenan jî ji gel û komara Kurdistanê re mezaxtiye
ko dirav û malê min yê taybetî û kesane bû. Koionei welê
diyar e ji bilî ko tu tiştekî di derbarê min de nizanî, tu
herweha tiştekî ew qas di derbarê sinq û tîtalên dadgehê de jî
nizanî!
Li vir, ji ber kolonel hê jî ji gotinên Qazî Mihemed xeyidî û
dilpir bû ij hest bi şkestin û dorandinê dikir, dixwest behanan
ji Seyfî Qazî re derxe û 'xwe bixeyidîne, lê belê Seyfî Qazî
hoşdarî dayê û jê re got: Me êdî dev ji jiyan û mala xwe
berda ye û eger tu yek misqal bêedebî û cesaretê bikî, ez ne
wek Qazî me ko her bi gotin û sixêfan dev ji te berdim.
Mista xwe kire girê û nîşanî kolon'el da û got: Ezê bi vê mistê,
ser û guh û dev û diranên te bişkênim, ma qey ji mirinê pê
ve ko hêviya me ye, tiştek din heye! we ji me re milyonek
derew û buxtan û gotinên kirêt û tiştên din, tiştên din yên
bêmane çêkirîne, ca hun dixwazin ko şaşî û namaqûliyên
bêtir jî bikin!. Ti bingehekî derew û buxtanên ko we ji me re
çêkirîne nîne, lê belê ez li vir didim xuyakirîn ko ez wan hemû
derew û buxtanan bi şanazî li ser xwe qebûl dikim û êdî ez ne
amade me bersîva we bidim.
Bi vî awayî dawî li dadgeha Seyfî Qazî jî hat. Ca dor giha
Ebulqasim Sedrî Qazî û ew jî anî ber dadger û yekem
pirsiyara ko li wî kir ew bCi: Erê merema we ji wê nameyê çi
bû ya ko we ji Qazî Mihemed re nivîsandibû û daxwaz kirîbû
ko heta alîkarî digîje wan, xwe bigirîn!.
Sedrî Qazî got: Qed tiştek welê çênebûye û ger welê ye,
kerem bikin nîşan bidin!.
Ca dadger got: Ew çi helbest e te ji Barzanî re nivîsandiye
Sedrî Qazî got: Belê min helbest nivîsandiye, min ji Barzanî
hez kiriye û min jê re helbest nivîsandiye.
Dadger dubare jê pirsî: Erê alîkarîya te gotibû, berê jî hatibû
kirîn, yan ev cara yekemîn bû ko ji bal biyaniyan ve alîkarî bi
we re bihata kirin!!
Sedrî Qazî dîsa jî got: Ez ret dikim ko tiştekî weha çê nebûye.
25