Raporti përmbledhës për procesin e përcaktimit të tarifave - WWRO

Raport përmbledhës i procesit tarifor 2009-2011 për KRU-të
Si masë korrigjuese, gjatë periudhës 2010 dhe 2011 ZRRUM mund të bëj korrigjimin/përshtatjen e tarifave për lartësinë e inflacionit që
eventualisht do të ndodhë në Kosovë.
Ngritja e tarifave që ka rezultuar me këtë proces tarifor është ngritja e parë e tarifave në tri vitet e fundit (që nga fillimi i vitit 2006), me
përjashtim të regjioneve të Pejës dhe Prizrenit ku janë bërë disa korrigjime simbolike të tarifave të aprovuara gjatë vitit 2007. Duhet theksuar se,
ZRRUM me këtë rast ka paraparë caqe (objektiva) shumë sfidues dhe shumë kërkues për KRU-të në kuptim të përmirësimit të treguesve kyç të
performancës së tyre. Këto caqe janë përfshirë në kalkulimet tarifore dhe ZRRUM do të monitorojë ngushtë arritjen e tyre nga KRU-të.
Në përgjithësi, tarifat për të dy shërbimet (ujësjellës dhe kanalizim) si dhe për të dy grupimet e konsumatorëve (shtëpiak dhe
komercial/institucional) kanë pësuar ngritje në të gjitha regjionet. Me këtë rast ZRRUM ka përdorur edhe metodën matematikore të përshtatjes.
Sfidat më të mëdha të pritshme për të gjitha KRU-të gjatë periudhës 2009-2011 do të jenë aftësia e tyre për të menaxhuar:
(i) sasinë shtesë të ujit të faturuar,
(ii) zvogëlimin e sasisë së ujit të pa-faturuar,
(iii) ngritjen e nivelit të shërbimeve të konsumatorëve,
(iv) menaxhimin më të mirë mjeteve të mbetura financiare në fund të periudhave raportuese etj.
Mosinvestimi i mjeteve të mbetura financiare në fund të viteve raportuese do të rezultojë me marrjen në konsideratë të zbritjes së tarifave për
periudhat e ardhshme tarifore.
2. Baza Ligjore
Gjatë përcaktimit të këtyre tarifave, ZRRUM është mbështetë në Ligjin Nr. 03/L-086, të 13 qershorit 2008 i cili ligj ka zëvendësuar Rregulloren e
UNMIK-ut 2004/49 mbi Aktivitetet e Ofruesve të Shërbimeve të Ujit, Ujërave të Zeza dhe Mbeturinave në Kosovë, dhe veçanërisht në Nenin 10.3
(d): ku theksohet “Mjaftueshmëria e Tarifës së Shërbimit për të përmbushur kostot operative dhe të mirëmbajtjes së ofruesit të shërbimeve dhe
cilat do plane të shpenzimeve kapitale të ofruesit të shërbimeve që janë aprovuar nga Rregullatori”.
3. Përcaktimi i Tarifave dhe Procesi i Konsultimit
Procesi tarifor, duke përfshi edhe përgatitjet dhe konsultimet për këtë proces tarifor, ka zgjatur një vit – ka filluar në fund të vitit 2007 dhe është
finalizuar në fund të vitit 2008. Takimin e parë të punës më përfaqësuesit e kompanive DFT/ZRRUM e ka mbajt në dhjetor të vitit 2007, ku është
parashtruar propozimi për tarifa shumë-vjeçare, duke u bazuar në të drejtën e kompanive të licencuara për të realizuar një shkallë të caktuar të
8
Departamenti për Financa Tarifa i ZRRUM