Tempo Semanal

More documents

Recommendations

Info

Nasional 8 Tersa ,10 Agostu 2010 Indika..>>.Husi pj................1 ema iha kualidade. Kualidade hatudu husi sira nia valór ezame finál iha Ensinu Sekundáriu, tanba valór iha Ensinu Sekundária ezije katak, Matemátika, fisika, Kímika, Biolojia, mínimu tenke hetan valór 7 entaun sira ne’e selesionadu.Liu tiha selesaun estudante hirak ne’e sei tuir kursu formasaun lian Española ho intensiva durante fulan 3, hafoin tinan 2004 sira hahú tama iha primeiru anu de Medisina tuir Kurríkulu ne’- ebé Eskola Latinu Amerikana Medisina Kuba implementa. Eskola Latina Amerikana Medisina ne’e la’ós eskola ida ne’ebé iha Kuba de’it maibé iha rekonesementu Internasionál tanba ema husi Nasaun 50 resin mak eskola iha ne’ebá inklui estudante sira husi Estadus Unidus Amérika. Tuir akordu ne’ebé Estadu rua ne’e hala’o iha momentu ne’ebá hateten, Estudante na’in 20 ne’e la’ós Estudante Eskola Latina Amerikanu Medisina nian de’it, maibé sira mós hanesan Estudante Universidade Nasionál Timor-Leste nian tanba akordu ne’ebé hala’o iha momentu ne- ’ebá dehan sira ba hala’o kursu tinan 5 iha Kuba depois tinan ida ikus ne’e sei akaba iha Timor liu husi estájiu. Iha 2004 sira tama primeiru anu no 2009 sira remata Kintu anu, ne’e duni iha Setembru 2009 sira na’in 18 fila hikas mai hodi kompleta sira nia estudu Sestu anu nian iha Timor- Leste. Liu husi dada lia ho Jornál ne’e iha Restaurante Kafé Brazíl Dr. Rui Maria de Araújo hateten, estudante Medisina na’in 18 de’it mak fila tanba na- ’in rua sira seluk ne’e ida la konsege pasa husi Segundu anu ba Terseiru anu Medisina. Ne’e duni nia tenke tuir kursu ba optometria ne’ebé hasai espesialidade kona ba oklu no ida seluk nia la pasa tinan ida maibé sei hetan oportunidade atu repete. Portantu sira na’in rua la konsege to’o Kintu anu, ne’e duni na’in 18 de’it mak ba hala’o estájiu hodi remata sira nia estudu.Hahú husi fulan Setembru tinan 2009 sira koloka estudante ida iha Sentru Saúde ida no Sentru Saúde ne’e besik Ospitál Referal hanesan Baukau, Maubesi, Maliana no Oekusi hodi hala’o estájiu durante tinan ida. Durante tinan ida hala’o estájiu estudante hirak ne’e fó asisténsia ba ema moras, maibé kada ema iha Profesór ida ne’- ebé sempre akompaña hodi hare sira nia servisu loron–loron nian to’o remata estájiu. Eis Ministru Saúde ne’e esplika kle’an liu tan katak, iha períodu ida ne- ’e sira seidauk sai doutór mais sei sai hanesan estudante finalista, ne’e duni fó oportunidade ba sira atu hala’o estájiu no ida ne’e hahú husi fulan Outubru 2009 ne’ebé fahe ba bloku haat (4) no kada fulan tolu iha fatin ida. Iha períodu ida ne’e sira la’ós de’it fó konsulta, maibé sira mós hala’o semináriu liu husi peskiza saun ki’ikoan kona ba moras ne’ebé barak liu Dr. Rui Maria de Aroujo iha Sentru Saúde, oinsá bele buka sira nia basset no oinsá bele rezolve problema liu husi diskusaun ne’ebé hala’o ho sira nia Profesór. Aleinde ne’e kada semana rua sira sai husi Sentru Saúde ba iha Ospitál Referal hodi nune’e bele akompaña ema hodi hala’o asisténsia iha Ospitál no sira mós kaer ema moras hodi hala’o diagnostika no tratamentu ba ema moras. Iha fulan Jullu 2010 nia laran sira hala’o ezame finál liu husi etapa 3 hanesan ezame Pratika, Teze no Eskrita Finál. Ezame Pratika katak, ho pasiente, porezemplu pasiente ida tama mai sira fó konsulta no iha ezaminadór na’in tolu (3) sempre akompaña sira hodi nune’e bele fó klasifikasaun ba sira. Durante hala’o ezame ho pasiente Profesór na’- in tolu (3) ne’e tuur hodi hare no akompaña oinsá sira hala’o konsulta ba moras ne’e, depois oinsá sira hala’o ezame fíziku no oinsá sira hala’o analiza saun kona ba moras hodi to’o ninia konkluzaun. Bainhira pasa ona husi ezame prátiku konserteza sira hakat ba ezame ida ne’ebé bolu ho naran aprezentasaun Teze. Aprezentasaun Teze katak, aprezenta relatóriu kona ba peskizasaun ne’ebé durante sira hala’o iha Timor, porezemplu sira hala’o estájiu iha Sentru Saúde Zumalai entaun sira tenke hala’o peskizasaun kona ba moras ne’ebé barak liu iha área refere hodi bele aprezenta liu husi ezame Teze. Durante hala’o ezame Teze iha finalista na’in ida ho dosente na’in tolu mak hato’o pergunta ba sira hodi nune’e sira bele fó klarifikasaun kona ba relatóriu peskizasaun ne- ’ebé sira aprezenta. Aprezentasaun ezame Teze ne’e sira hato’o liu husi programa Power Point, ne’e duni ba sira ne’ebé manan iha ezame Pratika no Ezame Teze sei tuir Ezame Estritu Finál, maibé ba sira ne’ebé la pasa husi Ezame Pratika no Ezame Teze konserteza sei la tuir Ezame Estritu Finál. Tuir esplikasaun husi doutór ne’e, materiál no pergunta ne’ebé hato’o iha Ezame Eskrita Finál la’ós hala’o iha Timor, maibé pergunta no materiál hirak ne’e diretamente mai husi Eskola Latinu Amérika de Medisina liu husi Embaixadór Kubanu ho kondisaun taka metin no to’o loron atu hala’o Ezame eskrita hafoin bele loke. Hataan ba pergunta ne’ebé dehan, karik estudante hirak ne’e liu hotu ona Ezame hirak ne’e, maibé doutór Rui responde,” ha’u la hatene tanba loloos buat ida indísiu ne’e atu fó anúnsiu ofisial katak, se mak liu no se mak la liu tan ne’e nestemomentu ha’u la hatene se mak liu no se mak la liu.” Kolia kona ba kualidade iha área Medisina,” ita atu hare husi área ne’ebé, tanba tuir doutór ne’e ninia esperiénsia no koñesimentu hanesan médiku katak, primeiru tenke hare husi kualidade Akadémiku sera ke prosesu edukasaun iha kualidade ou lae, maibé tuir nia hare husi pontudevista Akadémiku prosesu hirak ne’e iha kualidade di’ak. Maibé, presiza>p.9 Jeografia Moris Povu Kailaku Kailaku-Sub-Distritu Kailaku kompostu husi Suku 8, Aldeia 24 ho área territoriál parte Leste baliza Sub- Distritu Hatulia no Sub-Distritu Atsabe, Parte Súl baliza ho Sub-Distritu Bobonaru, parte Norte baliza Sub-Distritu Atabae no parte Oeste baliza ho Sub-Distritu Maliana. Kondisaun atuál Sub-Distritu Kailaku, 75% komunidade moris husi vida Agrikultura, 10% servisu hanesan Funsionáriu Públiku (FP) no 15% estudante. Relasaun moris komunidade Sub- Distritu Kailaku iha área Agrikultór foka liu ba natar no toos rai maran, ne’e duni liu husi PEDN husu ba Governu liuliu Ministériu Agrikultura e Peska (MAP) oinsá bele tau matan nafatin ba Agrikultór sira tanba Agrikultór pertense ba dezenvolvimentu. Suku 8 ne’ebé pertense ba Sub-Distritu Kailaku hanesan, Suku Rai-Heu ho totál populasaun 1.259, totál Xefe Família (XF) 2.86, Suku Atudara iha Aldeia 4 ho totál abitante 1.506 no totál XF 3.22. Suku Goulolo kompostu husi Aldeia 3 ho totál populasaun 1.111 ho totalidade XF 2.23, Suku Manapa kompostu husi Aldeia 3 ho totál abitante 1.725 no XF 3.78. Suku Dau-Udu iha Aldeia 2, totál abitante 609 no XF 1.32, Suku Miligo hamutuk Aldeia 4 ho totál abitante 2.792 no XF 6.92. Aleinde ne’e Suku Genulai hamutuk Aldeia 3 ho totál abitante 6.38 no totál XF 1.94 no Suku Burugua iha Aldeia 2 ho totál abitante 7.79 no XF hamutuk 303. Tuir relatóriu ne’ebé hato’o husi Administradór Sub- Distritu Alfredo Moniz, totál abitantes Sub- Distritu Kailaku soma hamutuk 10.499 ho totál XF 2.341. Saúde Sub-Distritu Kailaku iha Sentru Ospitál Saúde 1, Postu Saúde 4 no programa SISKA kobre iha Suku 8 kada fulan hala’o atividade dala ida, nune’e mós apoiu transporte multivision iha ida ba área Saúde nian, maibé presiza aumenta tan no hala’o tan Postu Saúde iha Poerema. Seguransa Polisia Nasionál Timor Leste (PNTL) ne’ebé hala’o knaar iha Sub-Distritu Kailaku presiza apoiu transporte no komputadór hodi nune’e bele hala’o servisu ho efisiente atu kontrola situasaun iha territóriu Kailaku no propoin husu loke tan rekrutamentu ba membru PNTL hodi nune’e bele aumenta númeru Polisia iha Sub- Distritu Kailaku. Agrikultór Área produtiva ba Agrikultura sira iha Sub-Distritu Kailaku hanesan toos ho natar, ne’e duni servisu natar kada tinan Agrikultór sira kuda haree dala rua iha tempu udan no tempu bain loron no servisu toos nian kada tinan dala ida tanba ne’e komunidade sira presiza tebes tratór hodi nune’e sira bele hala’o servisu di’ak liu tan. Maski kada tinan produsaun haree iha rezultadu di’ak, maibé Agrikultór sira husi Aldeia Marku, Mautalu, Hatapupu no Bilimau sempre hetan ameasa husi mota ne’ebé tinantinan sobu natar. Ne’e duni husu ba Governu oinsá bele ajuda rede ‘broncong’ no hala’o Irrigasaun ne’ebé efetivu hodi proteje natar hirak ne’e. Infraestrutura Atu fasilita Agrikultór sira hodi lori produtu lokál ba fa’an iha merkadu, Governu presiza hadi’a Estrada iha área rurál atu nune’e bele dezenvolve komunidade sira nia moris. Veteranus Iha konsultasaun ne’e Veteranus no família Veteranus sira husu ba PM Xanana Gusmão atu loke fila-fali rejistu ba Veteranus sira hodi nune’e Veteranus ou família Veteranus ne’ebé tempu ne’ebá seidauk rejistu bele hetan oportunidade atu rejistu.(ts) PDF created with pdfFactory Pro trial version www.pdffactory.com
Nasional 9 Tersa ,10 Agostu 2010 hare mós husi pontudevista sira seluk, tanba kualidade área saúde tenke hare ba parte barak liuliu hare ba persesaun ema moras nian. “ha’u bele doutór ida ne’ebé matenek tebes no ha’u bele hatene moris sira ne’e hotu, maibé ha’u mós tenke buka hatene oinsá ha’u fó kontente ba ema ne’ebé ha’u konsulta, tanba dala ruma ha’u bele matenek hodi fó konsulta ba ema mais ha’u nunka kolia ho nia no ha’u la iha pasiénsia atu fó konsulta ba nia,”konfesa Rui. Ema ne’ebé mai konsulta la’ós de’it tanba nia moras,” maibé ita tenke rona mós ninia problema atu nune’e ita bele ajuda nia, ne’e duni Akademikamente ema ne’e bele di’ak mais nein sempre ema ne’e fó konsulta ne’ebé di’ak.” Razaun hirak ne’e signifika katak,” nia bele kura ita boot nia moras maibé ‘belum tentu’ ita boot kontente ho konsulta ne’ebé fó ba ita boot,” doutór ne’e fó ezemplu. Atu responde pergunta ne’ebé hateten iha kualidade ou lae, tuir doutór Rui, prosesu formasaun Akademia husi primeiru anu to’o ema ne’e sai médiku so bele hatudu,” mai ita katak ema ne’e iha kualidade Akadémika ou lae, maibé atu sai doutór ne’ebé ho kualidade di’ak ita bele hatene bainhira nia hala’o ona knaar hanesan doutór no ida ne’e akontese iha mundu tomak.” Doutór ne’ebé hetan graduasaun no hala’o juramentu profisionál iha tinan 1994 konta hikas ninia istória pasadu katak, Akademikamente nia parte prontu hala’o knaar hanesan doutór, maibé atu servisu ho kualidade di’ak ou lae so esperiénsia servisu loron– loron nian mak bele komprova. Karik ema ruma duvida kona ba kualidade maibé hare ba pontudevista Akadémika,” ha’u hanoin ida ne’e la loos, tanba Akademikamente prosesu ne’ebé temi iha leten ne’e iha kualidade di’ak no hakarak kolia loloos karik prosesu Akadémika ne’ebé daudauk ne’e sira hetan di- ’ak liu fali formasaun Akadémiku ne’ebé uluk ami hetan,” rekoñese doutór Rui.Nia kompara hodi fó ezemplu katak, fasilidade iha Ospitál Dili kompletu maibé iha Ospitál Oekusi la iha, ne’e duni se ema ida hetan formasaun Akadémika iha Ospitál Dili no bainhira ba hala’o servisu iha Oekusi konserteza nia duvida konserteza difikulta buat barak tanba servisu ne’ebé enfrenta iha Dili hanesan iha Oekusi. Maibé formasaun ne’ebé daudauk ne’e sira hetan hala’o ho kompletu, ne’e duni karik tau sira iha fatin ne’ebé de’it sira iha ona koñesimentu. Hanesan preokupasaun nia komprende tanba ida ne’e hatudu hotu hakarak buat di’ak ba rai, ne’e duni se ema ruma kestiona katak prosesu ne’e iha kualidade ou lae ne’e normál tanba,” ita nia populasaun mak sei hetan asisténsia husi sira.” “maibé ha’u sente la dun di’ak bainhira ema ruma kestiona mais liu husi surat kaleen ho anónima oioin no ida ne’e signifika katak la’ós ona atitude ne’ebé di’ak.” Hataan ba informasaun ne’ebé dehan iha komunidade balu ne’ebé kestiona ho sira ninia kualidade, doutór ne’e responde, bele mós,” maibé ha’u la iha informasaun kona ba ida ne’e no embora to’o agora ha’u la iha ona responsabilidade iha MS mais buka akompaña nafatin saida mak akontese iha ne’ebá. Hodi nune’e ha’u sempre ba asiste mós sira nia estájiu maibé tuir ha’u nia hare seidauk iha complain ida husi komunidade ne’ebé dehan katak estudante sira hala’o tratamentu ba sira la di’ak.” Karik husi MS hetan complain ruma nia la hatene, maibé karik husi autoridade kompetente presiza hare no verifika complain ne’e loos, nune’e tenke buka hatene tanbasá mosu complain, maibé tuir nia hatene to’o agora la iha, rejeita doutór Rui kona ba informasaun ne’ebé dehan iha komunidade mak complain kualidade estudante Medisina sira. “ha’u la partisipa detalladu iha prosesu hotu, maibé ha’u observa iha parte balu bainhira sira hala’o konsulta ba ema moras, depois ha’u observa mós bainhira sira aprezenta sira nia Ezame Teze no ha’u hetan konvite husi UNTL Fakuldade Medisina bainhira sira hala’o Ezame Finál, ne’e duni tuir ha’u nia hare husi prosesu Akadémiku garantia katak sira iha kualidade,” garante Rui.Fakuldade medisina iha UNTL Governu mak estabelese liu husi rezolusaun Governu nian iha 2004 hodi loke fakuldade medisina iha Timor, ne’e duni iha 2005 komesa simu primeiru anu no estudante hirak ne’e tinan oin mai sei hala’o graduasaun tanba tinan 6 ona. Médiku ida ne’ebé foin sai husi Fakuldade Medisina ida la garantia katak nia bele sai médiku di’ak no ida ne’e akontese iha fatin hotu-hotu, inklui iha mundu tomak tanba ne’e médiku barak depois sai husi Fakuldade Medisina sira la servisu no la fó konsulta maibé sira hala’o servisu seluk tanba sira rasik sente la iha kbiit atu hala’o tratamentu ba ema, tan ne’e sira prefere hala’o buat seluk.Médiku hotu-hotu bainhira sai husi Fakuldade Akademikamente sira prontu tanba tuir formasaun, maibé bainhira sira hala’o servisu hafoin povu ou pasiente sira mak bele identifika katak sira iha kualidade ou lae. Médiku refere nia servisu la di’ak entaun bele simu keixa no hala’o investigasaun husi Konsellu Dixiplina Profisaun de Saúde. Konsellu Dixiplina Profisaun de Saúde nia funsaun atu garantia Profisionál Saúde iha Timor tomak inklui doutór ida nia rejistradu hanesan profisionál de Saúde no nia tenke serbisu tuir kritériu médiku ne’ebé iha. Bainhira servisu la tuir kritériu hirak ne’e Konsellu dixiplinár bele hala’o investigasaun ba nia hodi hetan sansaun. Iha momentu balu iha SMS ida tama Gabinete MS ne’ebé dehan estudante hirak ne’e la iha kualidade, doutór Rui haktuir katak, nia parte mós rona informasaun ida ne’e no nia rasik rekoñese SMS hirak ne’e anónimu tanba la identifika sira nia an.Nia parte rasik la hatene SMS ne’e husi pesoál Saúde mak hala’o tanba ida ne’e anónimu no parese iha motivasaun polítiku. Fatin la hanesan estudante Medisina ne’ebé hetan Yudisium Hermenegildo Pereira ba jornál ne’e deklara katak, nia parte sente orgullu tebes tanba konsege remata estudu iha área Medisina maski hetan difikuldade barak durante hala’o estudu. Estudante ne’ebé remata ninia estájiu iha Sub-Distritu Turiskai Distritu Same, bainhira nia ba hala’o estájiu iha Sub-Distritu refere komunidade sira simu ho di’ak no la iha ema ida kestiona kona ba sira ninia kualidade. Maski iha informasaun ne’ebé dehan ema balu kestiona kona ba estudante hirak ne’e ninia kualidade, joven ne’ebé moris iha Distritu Suai ne’e ho fiar an responde katak, kualidade ne’ebé sira hatudu mak durante tinan ida laran sira hala’o estájiu no sira garantia sei fó asisténsia di’ak ba povu iha Nasaun ida ne’e. “ha’u prontu atu ba servisu iha koalker fatin tanba ida ne’e mak ami nia devér, katak estudante Medisina ne’e hodi taka ninia lia fuan. Tanba hakarak hetan informasaun klaru husi MS, ne’e duni iha loron Sesta-feira (6/8) Jornalista TS tenta atu dada lia ho MS, maibé tuir Diresaun komunikasaun hateten Ministru okupadu, ne’e duni to’o notísia ne’e tun la iha komentáriu husi MS.(ts) PDF created with pdfFactory Pro trial version www.pdffactory.com
Page 1 and 2: cmyk Bomdia Timor-Leste ! HTTP:WWW.
Page 3 and 4: Konteúdu Pájina ida Ne’e Respon
Page 5 and 6: Kreatividade 5 Tersa ,10 Agostu 201
Page 7: Distritu 7 Tersa ,10 Agostu 2010 KK
Page 11 and 12: Nasional 11 Tersa ,10 Agostu 2010 A
Page 13 and 14: Nasional 13 Tersa ,10 Agostu 2010 S
Page 15 and 16: Kontinuasaun 15 Tersa ,10 Agostu 20

Tempo Semanal

Create successful ePaper yourself

Delete template?

Save as template?