DİSSERTASİYA İŞİ - Bakı Dövlət Universiteti

14
nanokompozitin qadağan olunmuş zonasının eni azalmışdır. Qadağan olunmuş zonanın
dəyişməsi bir neçə faktorlarla izah oluna bilər:
1) Nanohissəciklərin orta ölçülərinin artması və bununla bağlı onların zona
quruluşunun dəyişməsi.
2) Hissəciklərin konsentrasiyasının artmasının onlar arasındakı orta məsafənin
azalmasına səbəb olması.
Lüminessensiya spektrləri 430-650 nm dalğa uzunluğunda tədqiq olunub.
Lüminessensiya spektrlərinin ölçülməsində lüminessensiya zolağının matrisadakı
nanohissəciklərin konsentrasiyasından asılı olaraq sürüşməsi müşahidə olunur.
Polietilinin iştirakı olmadan tiomoçevin və kadmiun asetat qarışığının termik
olaraq tərkib hissələrinə ayrılması yolu ilə alınmış mikroölçülü CdS tozu üçün
lüminessensiya müşahidə olunmur. Matrisada nanohissəciyin konsentrasiyasını 5-10 küt.
% artırdıqda lüminessensiya intensivliyi artır,lakin konsentrasiyanı 20 küt.% artırdıqda
azalma müşahidə olunur ki, bu isə lüminessensiyanın spektral tərkibinin dəyişməsi və
həmçinin lüminessensiyanın udulması ilə bağlıdır.
Baxılan işdə dünyada ilk dəfə olaraq nanokristal və polimer komponent
konsentrasiyası ilə müqayisədə , məs, 25/75 küt. % , optik nanokompozit materialın
işlənməsi tədqiq olunub [8]. Belə materialı polimer adlandırmaq olmaz. Bu material
hibrid nanomaterial adlanır. Nanostrukturlaşma üsulu polimer və kristal maddələrin
xassələrinin kombinə edilməsinə imkan verir. Faktiki olaraq, nanokompozit dedikdə,
polimer matrisada bərabər paylanmış qeyri – üzvi maddə nanokristallarından ibarət
kondensə olunmuş mühit başa düşülür. Nanokristallar kiçik ölçülərə ( 50 nm-ə qədər )
malikdir, belə ki, onlar polimerdə bərabər paylandığı zaman düşən işıq şüasını təhrif
etmir və matrisada işığın səpilməsi minimal olur. Kiçik nanokristalların kifayət qədər
yüksək konsentrasiyası nəticəsində nanokompozit özünü zəif işıqlanma zamanı dəyişik
sınma göstəricisinə malik kvazihomogen obyekt kimi aparır. Kiçik ölçülü
nanohissəciklər polimer nanokompozitə optik mühit kimi baxmağa imkan verir və bu
zaman ona bircins mühit kimi optik parametrləri (sınma və udulma göstəriciləri ) daxil
PDF created with pdfFactory Pro trial version www.pdffactory.com