DİSSERTASİYA İŞİ - Bakı Dövlət Universiteti

I FƏSİL.POLİMERLƏRDƏ, YARIMKEÇİRİCİLƏRDƏ VƏ ONLAR
ƏSASINDA ALINMIŞ NANOKOMPOZİT MATERİALLARDA
5
FOTOLÜMİNESSENSİYA
1.1. Polimerlərdə fotolüminessensiyanın formalaşması xüsusiyyətləri
Müasir dövrdə flüoresent polimerlər və polimer kompozisiyalar elm və
texnikanın müxtəlif sahələrində geniş tətbiq olunurlar. Flüoresent polimerlər
radioelektronikada lazer texnikası üçün aktiv elementlər kimi , boyalar üçün flüoresent
piqment kimi , dekorativ plastmas və tekstil materialların hazırlanmasında və tibbibioloji
tədqiqatlarda fotolüminessent material və lüminessent zond kimi böyük məna
kəsb edir.
Polimerləşmə metodu ilə alınmış bir çox flüoresent polimerlər vinil qrupları
daxil olmuş alçaq molekullu lyuminofor sopolimerlərdən təşkil olunmuşdur. İlkin
somonomerlər kimi adətən naftalin törəmələrindən , antrosen , piren və digər kondensə
olunmuş aromatik karbohidratlardan , həmçinin korbozol, pirozol kimi hetroaromatik
birləşmələrdən istifadə olunur. İkinci somonomerlər kimi isə stirol , akril və metaakril
turşularının törəməlindən istifadə olunur.
Polistirol əsaslı flüoresent polimerlərin sintezi ilə bağlı bir çox elmi işlər var.
Baxılan işdə müxtəlif törəməli texniki polistirol plyonkasının udulma ,
lüminessensiya və həyəcanlanma spektrləri tədqiq olunub [27]. Göstərilib ki , polimerin
lüminessensiya xassələri əsasən polimer zəncirin kimyəvi defektləri və qarışıq optik
mərkəzlərlə bağlıdır. Tədqiq olunan polimerin 300-355 nm oblastındakı
flüoressensiyası PS eksimerlərinin buraxılışından və konsentrasiyası müxtəlif
nümunələrdə 0,3-0,03% arasında variasiya edən stirol strukturundakı qarışıq mərkəzlərlə
bağlıdır. Flüoressensiyanın maksimumları 338, 350 və 370 nm olan daha uzun dalğalı
zolağı polimerin işlənməsindən alınmış fenil heksatrien strukturunun sonuncu qrupları
ilə təyin olunur.Bu qrupların konsentrasiyası 10 mol/l və daha az təşkil edir.
PDF created with pdfFactory Pro trial version www.pdffactory.com