Y Gymraeg yn y Cwricwlwm Cenedlaethol - WJEC

14
Bl. 1/2 MODELU GWAITH AR RAGFYNEGI
Ffynhonnell: Teganau o Bedwar Ban y Byd. Project Longman
Deilliannau Dysgu
● Cyflwyno defnyddioldeb rhagfynegi wrth ddewis a darllen llyfrau;
● Sut i ddarllen a defnyddio clawr, teitl, ffotograff, broliant.
Modelu ac Arddangos
Tasg: Dewch i ni ragfynegi cynnwys y llyfr trwy edrych ar glawr a chefn y llyfr a
gwneud rhestr o’n cynigion ar ragfynegi.
Tynnir sylw at elfennau ar y clawr trwy’r dull datgelu - cuddio popeth ar wahân i’r gair
“Teganau” yn y teitl. Eir ati i ddatgelu’r rhannau perthnasol o gam i gam.
Clawr
● Beth rydym yn ei wybod yn barod am “deganau”?
● Pam mae’r awdur wedi rhoi Teganau o Bedwar Ban y Byd yn y teitl tybed?
Pa wybodaeth rydych chi’n ddisgwyl ei chael yn y llyfr felly?
● Ydy’r ffotograff mawr yn rhoi cliwiau i ni am beth fydd yn y llyfr?
Edrychwn ar y ffotograffau bach o’r teganau troelli - ydyn nhw’n rhoi rhagor
o gliwiau i ni?
● Beth am i ni gofnodi ein cynigion ar y bwrdd gwyn, dewch i ni atgoffa’n gilydd….
Cefn y Llyfr:
● Ymhle arall mewn llyfr gawn ni wybodaeth am y cynnwys. Dewch i ni edrych
ar gefn y llyfr a’r broliant.
● Mae yna ffotograff arall yn y fan hyn - beth mae’r ffotograff yma yn ei awgrymu tybed?
● Dewch i ni ddarllen y broliant. Oes angen i ni ychwanegu at ein rhestr tybed?
● Mae yna restr yma hefyd o lyfrau tebyg eraill am deganau. Beth mae teitlau’r llyfrau
yma yn ei ddweud wrthym am gynnwys y llyfr yma? Wnân nhw, cyhoeddwyr y llyfr,
yr un peth â’r llyfr yma? Fasech chi’n prynu llyfrau gwybodaeth sy’n dweud
yr un peth?
● Dewch i ni edrych eto ar ein gwaith rhagfynegi cyn i ni droi at y dudalen gynnwys.
● Pa frawddeg ar y dudalen gynnwys sy’n dweud yn union beth fydd y llyfr
yn sôn amdano?
● Oedd rhai o’n cynigion ni’n gywir. Beth am roi tic arnyn nhw?
● Pa bethau wnaethon ni ddim mo’i rhagfynegi/dyfalu o gwbl? Beth am ddewis
un efo’n gilydd cyn troi at y dudalen gynnwys er mwyn gweld wnawn
ni ddysgu rhywbeth newydd am deganau!