Y Gymraeg yn y Cwricwlwm Cenedlaethol - WJEC

Gwahaniaeth rhwng testun ffeithiol a ffuglennol
Mae’n fedr pan fo darllenydd ifanc yn gallu adnabod y gwahaniaeth rhwng
nodweddion llyfrau ffuglen a llyfrau (printiedig ac electronig) o ran dulliau trefnu,
strwythur, cyflwyniad ac iaith. Gall darllenydd ddefnyddio a datblygu’r medr wrth
ddarllen am wybodaeth, wrth wneud synnwyr o destun ac wrth eu cysylltu â
medrau ysgrifennu, siarad a gwrando.
Gweithgareddau
I arddangos y gwahaniaeth rhwng testunau ffeithiol a ffuglennol bydd angen modelu cyson
yng nghyd-destun themâu, pynciau neu waith ymchwil cyfredol y dosbarth.
● Modelu’r gwahaniaeth rhwng testunau ffeithiol, ffuglennol ac electronig.
● Canolbwyntio ar fodelu a chadarnhau dealltwriaeth gwahanol nodweddion llyfr
gwybodaeth (e.e. tudalen gynnwys, clawr, broliant…)
● Canolbwyntio ar adnabod nodweddion ffurfiau ffuglennol (e.e. chwedl, stori ffantasi,
stori bob dydd - real, stori arswyd, stori ddirgelwch, stori antur, stori ffugwyddonias,
hwïangerdd, baled, cerdd acrostig, cerdd siâp, cerdd ar gynghanedd…)
● Adnabod nodweddion cyflwyniad, strwythur ac iaith testunau cyfarwyddiadol,
esboniadol, perswadiol a dwyn i gof.
● Modelu ac ymarfer y gwahaniaeth rhwng ffaith a barn, ffaith a ffrwyth y dychymyg.
Nodir isod grynodeb o’r wybodaeth, cysyniadau a’r dulliau modelu sy’n greiddiol i’r
gweithgareddau hyn.
39