Y Gymraeg yn y Cwricwlwm Cenedlaethol - WJEC

MEDRAU DEALL: CYFLEU AC YMATEB
I DESTUN
Wrth gyfleu cynnwys testunau anogir disgyblion i ddwyn i gof, dangos
dealltwriaeth o gymeriadau, olrhain dilyniant plot a chyflwyno dehongliad
uniongyrchol o’r testun. Wrth ymateb i destunau anogir disgyblion i fynegi barn ar
blot, cymeriadau a’u perthynas â’i gilydd, digwyddiadau a chefndir.
Yn achos cyfleu ac ymateb i destun, anogir disgyblion i dynnu tystiolaeth o’r
testun. Golyga hyn eu bod yn gwneud defnydd o’r medrau darllen allweddol
megis, cip, llithr a chraff-ddarllen, a chanfod a lleoli gwybodaeth i gefnogi
dehongliad neu farn.
Gweithgareddau Cyfleu
Mae mwyafrif o’r gweithgareddau canlynol yn rhai cyffredin ar lawr y dosbarth. Gellid
defnyddio rhai ohonynt ar draws y cyfnodau allweddol ond bod y disgwyliadau yn wahanol.
Oherwydd natur gweithgareddau eraill perthynant i ystod oed fwy penodol.
Bl 1/2
● Chwarae rôl cymeriadau.
● Ateb cwestiynau fel y cymeriad. Cyfweld y cymeriadau.
● Siarad am deimladau ac ymateb cymeriad i wahanol ddigwyddiadau.
● Creu poster hysbysebu cymeriad.
● Ysgrifennu dyddiadur cymeriad.
● Hunanbortread syml o gymeriad. (Gweler y daflen Pwy ydw i?)
● Dyfalu pwy yw cymeriad trwy feim ac act.
● Creu poster Ar Goll/Adroddiad Heddwas/Ffeil Ffeithiau am gymeriad er mwyn cywain
gwybodaeth am ymddygiad cymeriadau a nodi ffeithiau am bryd a gwedd,
personoliaeth ac arferion.
● Ailddweud stori wrth ffrind/grwˆp.
● Siarad am stori mewn llyfr llun drwy ddefnyddio lluniau’n unig.
83