Y Gymraeg yn y Cwricwlwm Cenedlaethol - WJEC

72
Bl. 5/6 MODELU YSGRIFENNU NODIADAU O
FWY NAG UN FFYNHONNELL
● Pan ydym yn ysgrifennu nodiadau o fwy nag un ffynhonnell am yr un testun neu bwnc
rydym yn ceisio peidio ailysgrifennu’r un pwyntiau neu rydym yn gwastraffu amser.
Weithiau mae angen cymharu gwybodaeth rhwng un ffynhonnell a’r llall. Mae
ysgrifennu grid nodiadau yn ein helpu i beidio ysgrifennu yr un pwyntiau ac yn ein
helpu i gymharu gwybodaeth o fwy nag un ffynhonnell.
● Beth yw grid nodiadau tybed? Dewch i ni wneud grid nodiadau i’n helpu i wybod
mwy am hanes y llyfr Bwli a Bradwr gan Brenda Wyn Jones.
Darllenwch y 4 ffynhonnell sy’n sôn am y llyfr Bwli a Bradwr. Fedrwch chi gasglu
gwybodaeth i ateb y cwestiynau yma?
● Pryd ysgrifennwyd Bwli a Bradwr?
● Beth yw lleoliad y stori?
● Pa ffynhonnell a ddefnyddiwyd i greu’r stori?
● Pam y bu i Brenda Wyn Jones ysgrifennu Bwli a Bradwr?
● Pwy yw rhai o gymeriadau’r stori?
● Pam roedd pobl yn streicio?
● Pwy oedd y Bwli a’r Bradwr?
● Beth yw barn darllenwyr am y llyfr? Cofiwch nodi’r union eiriau gan mai dyfynnu
ydych chi!
● Cofnodwch eich atebion ar y grid.
● Yna, beth am ysgrifennu erthygl am Bwli a Bradwr.
● Sut ydych am drefnu’r cwestiynau? Pa drefn yw’r orau tybed - darllenwch y
cwestiynau’n ofalus sawl gwaith a’u rhifo yn ôl y drefn orau yn eich barn chwi.
● Ydych chi am ddefnyddio teitlau i’ch erthygl? Gall y cwestiynau fod o help i chwi
wrth greu teitlau. Neu a ydych am ysgrifennu saith paragraff yn cadw at yr un ffeithiau
ym mhob paragraff.
Nodyn:
Gellir creu gridiau symlach na hyn a’u hymarfer o flwyddyn 4 ymlaen, e.e.
Grid 2 ffynhonnell a 2 gwestiwn; Grid 2 ffynhonnell a 3 chwestiwn…
Gellir annog y goreuon i feddwl am grid 2 ffynhonnell ac i greu’r cwestiynau ar gyfer
disgyblion blwyddyn 5.