Y Gymraeg yn y Cwricwlwm Cenedlaethol - WJEC

Gweithgareddau
Bl 1/2
Chwarae Lleisiau
● Casglu deialogau cymeriadau mewn llyfrau a chael y disgyblion i’w cyd-ddarllen neu
ddod ymlaen yn unigol i roi lliw ar y ddeialog. Dweud y frawddeg/ddeialog mewn llais
blin, llais hapus, llais trist, llais pwdlyd, llais cas, llais distaw, llais uchel.
● Modelu darlleniadau ar y cyd trwy ddefnyddio llyfrau mawr.
● Penderfynu sut dymer sydd gan y cymeriadau o fewn y stori er mwyn annog
disgyblion i benderfynu ar swˆ n a lliw eu lleisiau.
● Edrych ar effaith gofynnod wrth ddweud llinellau o ddeialog yn uchel.
● Gwrando ar ddarlleniadau o storïau ar dâp.
● Paratoi at recordio darllen stori ar gryno-ddisgiau parod sy’n galluogi hyn,
e.e. Pum Stori 3D.
● Darllen hwiangerdd fel corws, cyflwyno hwiangerdd ar goedd a thrwy ddawns.
● Stôl stori - annog disgyblion i ddweud rhan o stori ar y stôl stori.
Bl 3/4
● Gwrando ar fodelau da o ddarllen ar goedd - tapiau storïau/tapiau cerddi,
e.e. Llinellau Lloerig cyn mynd ati i recordio’r gerdd/rhan o stori ar eu tâp eu hunain.
● Drafftio’r Darllen
Mae pob darlleniad ar goedd yn golygu paratoad. I hyrwyddo rhuglder wrth darllen
mewn pâr neu grwˆ p beth am ddefnyddio cerdyn cynorthwyo disgyblion i gyd-daclo’r
darllen.
Taclo Gair!
Mae mwy nag un ffordd o daclo gair newydd. Rhowch dro ar y taclo!
● Beth yw llythyren gyntaf y gair? Taclwch!
● Torrwch y gair! Edrychwch ar ddechrau a diwedd y gair.
● Rhannwch y gair yn ddarnau llai ac yna eu rhaffu gyda’i gilydd a’u dweud
yn uchel.
● Ydych chi wedi deall ystyr y gair?
Os yw’r gair ar ddechrau’r frawddeg ewch yn ôl i ddechrau’r frawddeg ac
yna dyfalwch.
Os yw’r gair ynghanol brawddeg, darllenwch ymlaen ac yna dyfalwch.
● Penderfynwch gyda’ch gilydd -
- ydy’r gair yn gwneud synnwyr?
- ydy’r gair yn swnio’n iawn?
97