Y Gymraeg yn y Cwricwlwm Cenedlaethol - WJEC

26
Llithr-ddarllen (Sganio/Bras-ddarllen)
Rydym yn llithr-ddarllen er mwyn darganfod gwybodaeth benodol.
Nid yw’n angenrheidiol darllen air-am-air er mwyn cael hyd i’r wybodaeth.
Gallwn lithro ein llygaid dros y testun gan obeithio dod ar draws
yr union wybodaeth.
Gweithgareddau
● Llunio cwestiynau caeëdig, ateb-un-gair yn codi o destunau ffuglennol a ffeithiau,
e.e. lleoliad, amser, dyddiad. Annog defnyddio’r bys i redeg lawr y testun
a llithro’r llygaid i lawr y testun yn hytrach na darllen manwl o’r chwith i’r dde
wrth chwilio am fanylion allweddol.
● Defnyddio testunau ffeithiol cyfathrebol wrth chwilio am fanylion allweddol,
e.e. llyfr ffôn, cyfeiriadur, rhaglen ffilmiau’r mis mewn sinema, bwydlen,
amserlen bws/trên, amserlen rhaglenni teledu ar Planed Plant er mwyn dangos
ein bod yn llithr-ddarllen er mwyn cael hyd i wybodaeth yn sydyn.
● Llithr-ddarllen penawdau ar dudalen gynnwys er mwyn modelu sut mae
tudalen gynnwys yn gweithio.
● Llithr-ddarllen rhan o destun ffuglennol er mwyn casglu ansoddeiriau sy’n
rhoi tystiolaeth i ni am gymeriad mewn llyfr.
● Defnyddio medr llithr-ddarllen wrth chwilio am air/bwnc mewn mynegai
a thudalen eirfa.
● Dangos defnyddioldeb llithr-ddarllen wrth wneud nodiadau. Annog ein bod
yn tanlinellu neu liwio geiriau wrth ddod o hyd i brif bwyntiau neu frawddeg bwysig.