Energiewende ya Ujerumani

Energiewende ya Ujerumani | 27
© Paul Langrock
Hifadhi ya hewa iliyobanwa ni chaguo lingine la kuhifadhi nishati
kwa muda mrefu zaidi. Inatumia nishati isiyotumika kubana hewa
kwenye nafasi chini ya ardhi kama mapangoni katika makuba ya
chumvi. Ikihitajika, hewa iliyobanwa inaendesha jenereta, hivyo
kuzalisha umeme.
Kugeuza nishati kuwa katika hali ya gesi ni njia mpya ya kuhifadhi
nishati kwa muda mrefu. Mbinu hii inatumia mchakato wa
elektrolisisi mbapo umeme hugeuzwa kutoka katika hali ya nishati
endelevu kuwa haidrojeni au gesi asili sanisi. Manufaa ya mbinu hii
ni kuwa haidrojeni na gesi asili zinaweza kuhifadhiwa, kutumiwa
mara moja au kusambazwa kwenye gridi ya gesi ya asili. Gesi hizi ni
rahisi kusafirisha na zinaweza kutumika kwa njia nyingi. Viwanda
vya nishati vinaweza kuzirejesha kuwa umeme na joto kama
inavyohitajika, na watumiaji wanaweza kuzitumia kupika, kupasha
joto au kuendesha gari.
Lakini mifumo mingi ya kuhifadhi nishati bado ni ghali mno, kwa
hivyo Serikali ya Ujerumani inarahisisha utafiti na maendeleo
kwenye suala hili. Katika mwaka wa 2011, serikali ilizindua
mkakati wa kuwekeza kwenye hifadhi. Tangu mwaka wa 2013, pia
imekuwa ikiwekeza kwenye mifumo midogo anuwai ya kuhifadhi
inayohusiana na fotovolti (PV). Kurekebisha upungufu mdogo kwa
haraka kwenye gridi ya umeme ni njia mpya ya kutumia betri.
Uzinduzi kwenye soko wa mifumo hii ya betri utaendeleza utafiti na
ubunifu na kupunguza gharama.
Hata hivyo, wataalamu wanasema matumizi ya mifumo mipya ya
kuhifadhi mwanzoni yatakuwa machache. Gharama nafuu za mifumo
ya teknolojia zote za kuhifadhi zitapatikana tu baadaye wakati nishati
endelevu zitakapo kuwa sehemu kubwa ya uzalishaji nishati. Katika
muda mfupi au muda wa kati, machaguo mengineyo ndiyo afadhali kwa
kuwa ni nafuu zaidi. Machaguo haya yanajumuisha upanuzi wa gridi au
kudhibiti uzalishaji na matumizi ili kutumia nishati kwa ufanisi.
Kugeuza umeme kuwa gesi
Kwa kutumia elektrolisisi na kutengeneza methani; matumizi yanayoweza kutokea
Uzalishaji wa kupindukia
wa nishati endelevu
ELEKTROLISISI
KUTENGENEZA METHANI
H 2
CH 4
H 2
H 2
Mtandao wa gesi asili
Mifumo ya kuhifadhi gesi
Matumizi ya viwanda Usafiri
Uzalishaji umeme Utoaji joto
Miradi 15 ya majaribio inayoendelea; miradi 6 inayojengwa au iliyopangwa
2014
Ujerumani ilibadilisha Sheria ya Vyanzo Endelevu vya Nishati. Sheria sasa inajumuisha malengo ya ukuzaji wa kila mwaka na inalazimisha ushirikiano
kwa soko. Umoja wa Ulaya ulikubaliana kuhusu malengo ya nishati na tabianchi kufikia mwaka wa 2030: kupunguza viwango vya gesijoto kwa asilimia
40, kuongeza kiwango cha nishati endelevu kuwa angalau asilimia 27 na kupunguza matumizi ya nishati kwa angalau asilimia 27. Ujerumani ilipitisha
Mpango wa Utendakazi wa Taifa wa Ufanisi wa Nishati na ilizindua Mpango wa Utendakazi wa Tabianchi wa 2020. Zikiwa na kiwango cha asilimia 27.4
katika uzalishaji wa umeme, nishati endelevu zakuwa chanzo muhimu zaidi cha nishati nchini Ujerumani kwa mara ya kwanza.