Energiewende ya Ujerumani

Energiewende ya Ujerumani | 07
Hiyo ndiyo sababu Serikali ya Ujerumani inataka kupunguza
matumizi ya nishati ya msingi kutoka mafuta na gesi katika majengo
kwa asilimia 80 kufikia mwaka wa 2050. Kutimiza lengo hili ni lazima
majengo yawe na utunduizi zaidi wa nishati, wakati nishati endelevu
inapochukua nafasi kubwa zaidi katika kupasha na kupunguza joto.
Lengo ni kuwa nishati endelevu itachukua asilimia 14 ya kupasha
na kupunguza joto kufikia mwaka wa 2020. Kwa njia hii, Ujerumani
inatimiza malengo ya Ulaya. Agizo la sasa la Umoja wa Ulaya kuhusu
utendakazi wa nishati katika majengo linaeleza kuwa majengo yote
mpya barani Ulaya lazima yawe "majengo yanayokaribia kujimudu
kinishati" kuanzia mwaka wa 2021.
Ujerumani iligundua kwa haraka kiwango cha nishati kinachoweza
kuokolewa katika majengo. Kitambo, kama mwaka wa 1976, Serikali
ya Ujerumani ilianza kutekeleza Sheria ya Kuokoa Nishati, Sheria ya
kwanza ya Kuhifadhi Joto kutokana na dharura ya mafuta. Vipengele
vyake vimeendelea kusasishwa mara kwa mara na kujumuisha
maendeleo katika ufundi. Chini ya Sheria ya Joto ya Nishati Endelevu,
imekuwa ni lazima nyumba zote mpya zisimamie kiwango cha
chini cha matumizi yake ya nishati kupitia nishati endelevu kuanzia
mwaka wa 2009. Hii inaweza kutimizwa kwa kutumia nishati ya
miale ya jua pamoja na bwela la gesi au mafuta au kuweka mfumo wa
kupasha joto wa nishati endelevu kama vile pampu ya joto au bwela la
vidonge.
Hata hivyo, asilimia 70 ya majengo ya makazi ya watu nchini
Ujerumani zimedumu kwa zaidi ya miaka 35 – kumaanisha kwamba
zilijengwa kabla ya Sheria ya kwanza ya Kuhifadhi Joto kutekelezwa.
Hii inamanisha kwamba majengo mengi hayajakingwa vilivyo na
mara nyingi hupashwa joto na mabwela yaliyozeeka na nishati
za ardhini kama vile mafuta na gesi. Nyumba ya jamii ya wastani
Ujerumani hutumia kama kilowati 145 kwa mita mraba ya nyumba
kila mwaka kupasha joto, sawa na lita 14.5 za mafuta. Nyumba mpya
fanisi zaidi zinahitaji asilimia kumi ya hiyo pekee. Matumizi ya
kimsingi ya nishati katika nyumba nzee yanaweza kupunguzwa kwa
asilimia 80 kwa kufanya marekebisho ya kuboresha njia za utunduizi
wa nishati na kuanza kutumia nishati endelevu. Yaani, pana haja ya
kuwapo kwa kinga ya baridi iliyo bora zaidi, vitu vipya vya ujenzi,
mifumo ya kisasa ya kupasha na kupunguza joto na teknolojia bora
ya kuyadhibiti matumizi ya nishati. Katika mwaka wa 2015 pekee,
karibu euro bilioni 53 zilitumika katika kufanikisha ufanisi wa
nishati. Serikali ya Ujerumani hutoa misaada na mikopo ya riba ya
chini kama vishawishi.
Ni kiasi gani cha nishati kinachotumika
katika majengo?
Viwango kamili vya matumizi ya nishati katika Ujerumani
Majengo mapya hutumia tuu asilimia kumi
Matumizi ya kupasha joto kwa jumla kila mwaka kwa lita kwa kila mita
mraba ya nyumba kwenye aina tofauti za majengo.
37.6 %
majengo
Majengo yasiyorekebishwa
lita 15 hadi 20
Majengo nzee yaliyo rekebishwa
lita 5 hadi 10
29.5 %
kupasha joto
5.5 %
kwa maji moto
2.6 %
kwa taa.
Majengo mapya
lita 7
Nyumba zisizopashwa joto
lita 1.5
1977
Serikali ya Ujerumani iliweka viwango vyake vya kwanza vya ufanisi wa nishati
majengoni katika Sheria yake ya Kukinga Baridi.