Energiewende ya Ujerumani

30 | Energiewende ya Ujerumani
Faharasa
Ada ya kusambaza kwenye gridi
Ada ya kusambaza kwenye gridi
Sheria ya Vyanzo Endelevu vya Nishati
inawadhaminia wasimamizi wa viwanda
vya nishati vinavyotumia miale ya jua au
upepo ada ya chini ya umeme wanaozalisha
katika kipindi mahususi. Tarehe inayotumika
kuamua ada ni mwaka ule kiwanda cha nishati
kinapozinduliwa. Ada hushuka kila mwaka
vile teknolojia inavyoboreka na matumizi pana
ya teknolojia husaidia gharama za uwekezaji
kushuka kila wakati. Nchini Ujerumani
utaratibu wa mnada (Angalia Mnada)
utachukua mahali pa ada za sasa za kudumu za
kusambaza kwenye gridi katika miaka ijayo.
Ada ya ziada ya Sheria ya Vyanzo Endelevu vya
Nishati / mfumo wa ada ya ziada
Watumiaji wote nchini Ujerumani husimamia
ada za ziada za nishati inayozalishwa kutokana
na vyanzo endelevu vya nishati kupitia ada ya
ziada ya bei ya umeme, kwa mujibu wa Sheria
ya Vyanzo Endelevu vya Nishati. Kiwango cha
ada ya ziada hutokea katika utofauti kati ya
ada zinazolipwa wasimamizi na mapato kutoka
mauzo ya umeme kwenye soko la nishati.
Biashara zilizo na mahitaji makubwa ya umeme
hazilipishwi ada ya ziada kamili.
Betri
Betri ni vifaa vya kielektro-kemikali vya
kuhifadhi nishati. Zikiunganishwa na mzunguko
umeme, zinaachilia chaji na umeme unapita.
Betri zinazowekwa chaji upya hutumika kwenye
bidhaa kama vile simu za mkononi na magari
yanayotumia umeme. Betri zinazowekwa chaji
upya zinatumika pamoja na vyanzo endelevu ya
nishati, kwa mfano kwenye miradi ya fotovolti
(PV). Hapa zinarejelewa kama mifumo ya betri
ya kuhifadhi. Betri zaweza kuhifadhi tu kiasi
kidogo cha chaji ya umeme, kulingana na uwezo
wao (unaopimwa kwa saa za ampea – ah).
Betri za nishati
Betri za nishati ni viwanda vidogo sana vya
nishati ambavyo hugeuza nishati ya kemikali
kuwa nishati ya umeme, hivyo kuzalisha
umeme. Zinatumika kwa mfano kuyaendesha
magari ya umeme au kwenye maeneo
ambayo hayajaunganishwa kwenye gridi ya
umeme. Nyenzo zinazohitajika ni haidrojeni
na oksijeni pekee. Mfumo huu wa kuzalisha
nishati hausababishi gesijoto, mbali mvuke
tu. Haidrojeni inayohitajika kuzalisha nishati
yaweza kutengenezwa kwa umeme kutoka
vyanzo vya nishati endelevu (angalia nishati
hadi gesi) Lakini betri za nishati ambazo
hutumia nyenzo tofauti kama vile methanol pia
ziko.
Biashara ya kununua na kuuza gesijoto
Barani Ulaya CO 2
inathamana ya soko. Sekta
ya nishati na viwanda vikubwa lazima zitoe
hati kwa kila tani ya gesijoto wanayosababisha.
Ikiwa hawana hati za kutosha inawabidi
kununua kwenye soko maalum. Wakipunguza
gesijoto wanayosababisha, wanaweza kuuza
hati wasizohitaji. Kwa kuwa idadi ya hati
zinazopatikana kile mwaka zinapunguka,
mashirika yana kishawishi cha kuwekeza
kwenye mikakati ya kuokoa nishati au kutumia
vyanzo vingine vya nishati ambavyo havidhuru
mazingira sana.
Gesijoto
Gesijoto hubadilisha hewa ya anga kwa njia
ambayo mwanga unaoakisiwa kutoka dunia
haurudi angani lakini huakisiwa na hewa ya
anga kwenye dunia, hivyo kuchangia kwa
kiwango kwa ongezeko la joto duniani. Athari
hii ni sawa na nyumba ya kioo na hupasha dunia
joto. Gesijoto inayajulikana sana ni dayoksidi ya
kaboni, ambayo husababishwa hasa kutokana
na kuchomwa kwa mafuta ya ardhini kama
vile mafuta, gesi na makaa ya mawe. Gesijoto
zingine ni pamoja na methani na CFC.
Gridi ya umeme – gridi ya upeo wa volti – gridi
ya kusafirisha
Gridi ya umeme ndiyo mbinu ya kusafirisha
umeme. Nchini Ujerumani na nchi zingine
nyingi gridi huwa na viwango vinne ambavyo
hutumiwa na volti tofauti: volti ya juu kabisa
(220 au 380 kV), volti ya juu (60 kV hadi 220 kV),
volti ya wastani (6 hadi 60 kV) na volti ya chini
(230 au 400 V). Gridi ya volti ya chini hutumikia
wapokeaji kama vile nyumba binafsi. Mitandao
ya volti ya upeo hutumia volti iliyo karibu mara
1000 zaidi na husafirisha kiwango kikubwa cha
umeme kwa masafa marefu. Mitandao ya volti
ya juu husambaza umeme hadi mitandao ya
wastani au mitandao ya chini. Mitandao ya volti
ya wastani husambaza umeme zaidi lakini pia
hutumikia wateja wakubwa kama vile viwanda
na hospitali. Nyumba binafsi hupokea umeme
wao kutoka gridi ya volti ya chini.
Gridi mahiri
Gridi mahiri ni mtandao wa usafirishaji
ambapo vipande vyote huwasiliana na
vingine, kuanzia wazalishaji, kupitia nyaya na
mifumo ya kuhifadhi hadi kwa mtumiaji. Hii
hutokea kupitia usambazaji wa kiotomatiki
wa data za kidijitali. Mawasiliano ya haraka
husaidia kuepusha vikwazo na uzalishaji wa
kupindukia wa umeme na kusawazisha nishati
inayozalishwa na mahitaji ya washikadau.