Gjuha shqipe 3

Gjuha shqipe 3
• Metodologjia dhe veprimtaritë e nxënësve/eve
• Metodologjia:
- diskutim;
- rishikim në dyshe;
- shkrim i lirë;
- punë individuale, punë në çift, punë me gjithë klasën, punë në grup.
• Veprimtaritë e nxënësve/eve
• Veprimtaria e parë
Diskutim: Ushtrimi 1. Mësuesi/ja orienton nxënësit të lexojnë tabelën e zgjedhimit të foljeve në kohën e ardhme
dhe të diskutojnë në dyshe dhe më pas me gjithë klasën, rreth drejtshkrimit të foljeve sipas vetave dhe numrit,
nën drejtimin e mësuesit/es.
• Veprimtaria e dytë
Rishikim në dyshe: Ushtrimi 2 synon që nxënësit/et të shkruajnë saktë foljet në kohën e ardhme në të gjitha
vetat e njëjësit dhe shumësit.
Mësuesi/ja i lë nxënësit të lirë të mendohen për disa çaste. Më pas ata/ato punojnë individualisht. Shkëmbejnë
librat për të kontrolluar njëri-tjetrin.
Diskutojnë me gjithë klasën nën drejtimin e mësuesit/es.
• Veprimtaria e tretë
Shkrim i lirë: Ushtrimi 4 synon që nxënësit/et të shkruajnë një tekst të shkurtër në të cilin të përdorin folje
në kohën e ardhme dhe fjalët ndihmëse të dhëna, duke u bazuar te figura. Në përfundim, nxënësit/et lexojnë
shkrimet e tyre.
Me ndihmën e mësuesit/es, nxënësit/et bëjnë qortime të thjeshta drejtshkrimore.
• Vlerësimi bëhet për:
- diskutimin në grupe të vogla rreth drejtshkrimit të foljeve të rregullta të mënyrës dëftore, në kohën e ardhme;
- krijimin e fjalive duke përdorur foljet në kohën e ardhme, të mënyrës dëftore;
- shkrimin e një teksti të shkurtër mbi bazën e figurave dhe fjalëve ndihmëse, duke përdorur folje në kohën e
ardhme;
- zbatimin e rregullave drejtshkrimore gjatë të shkruarit;
- vërejtjet e thjeshta drejtshkrimore që bën me ndihmën e mësuesit/es;
- vlerësimin e punës së shokëve e të shoqeve;
- demonstrimin e besimit dhe vullnetit në arritjen e rezultateve;
- bashkëpunimin në grup për kryerjen e detyrave.
• Detyrë shtëpie: Ushtrimi 3
Fusha: Gjuhët dhe
komunikimi
Tema mësimore
Lexojmë
Qilimi prej guri
Lënda: Gjuhë shqipe Klasa 3 Data:
Rezultatet e të nxënit
Nxënësi/ja:
• dallon elementet e poezisë si: strofa, vargu;
• lexon poezinë rrjedhshëm dhe me intonacionin e duhur;
• shpjegon fjalët e reja, duke ndërtuar fjali me to;
• tregon për karakteristikat dalluese të qytetit të Gjirokastrës,
të cilat dalin në poezi;
• u përgjigjet pyetjeve rreth përmbajtjes së poezisë;
• nisur nga poezia, përshkruan me fjalë të thjeshta figurën e
gurgdhendësit;
• shpreh ndjenjat dhe mendimet personale rreth poezisë;
• argumenton me fjalë të thjeshta, rëndësinë që ka ruajtja e
trashëgimisë kulturore;
• respekton përpjekjet individuale dhe ato në grup.
Situata e të nxënit
Bisedë rreth pamjeve nga Gjirokastra, qytetit
të gurtë.
Fjalë kyçe:
poezi;
strofa;
varg;
qilim;
Gjirokastër;
avlëmend;
gdhend;
mjeshtër;
medalje.
297