Gjuha shqipe 3

Gjuha shqipe 3
• diskuton rreth pjesës që dëgjon, duke u mbështetur në
shënimet e mbajtura;
• vë në dukje domosdoshmërinë e zbatimit të rregullave në
shtëpi dhe pasojave që sjell moszbatimi i tyre;
• bën lidhjen e situatës së dhënë në tekst me situata nga
jeta e vet;
• tregon rregullat që zbaton në shtëpi;
• pranon dhe tregon respekt ndaj ideve dhe mendimeve të
shokëve rreth pjesës që dëgjojnë.
Burimet dhe materialet didaktike:
- njohuritë dhe shkathtësitë paraprake të nxënësit/es;
- teksti mësimor;
- mjete shkrimi, lapustila, tabakë letre, fletë A 4
.
Lidhja me fushat e tjera:
- shoqëria dhe mjedisi;
- arte.
Lidhja me temat ndërkurrikulare:
- të drejtat e njeriut;
- mjedisi;
- bashkëjetesa paqësore.
• Metodologjia dhe veprimtaritë e nxënësve/eve
• Metodologjia:
- diskutim për njohuritë paraprake;
- dëgjim i drejtuar;
- pyetja sjell pyetjen;
- lojë në role;
- punë në çift, punë në grup, punë me gjithë klasën.
• Veprimtaritë e nxënësve/eve
Veprimtaria e parë
Diskutim për njohuritë paraprake. Mësuesi/ja paraqet në tabelë temën e mësimit.
Nxiten nxënësit/et të diskutojnë rreth temës.
Ata ndihmohen nga pyetja: Me se mund të kenë lidhje rregullat e Jetonit?
Veprimtaria e dytë
Dëgjim i drejtuar. Mësuesi/ja fton nxënësit/et (U.1) të dëgjojnë historinë e Jetonit. (Në pamundësi, lexohet
teksti nga mësuesi/ja).
Orientohen nxënësit/et që gjatë dëgjimit/leximit të tregimit të mbajnë shënime të shkurtra për ato që i bëjnë më
shumë përshtypje.
Nxitet diskutimi midis nxënësve në lidhje me historinë që dëgjuan/lexuan duke u mbështetur dhe në shënimet
që mbajtën. Në dyshe nxënësit/et komentojnë secilin prej rregullave të U.1. Ata gjejnë rregullin që nuk zbatoi
Jetoni si dhe pasojën e moszbatimit të këtij rregulli. (U.2) Orientohen që gjatë diskutimit të shprehen qartë,
lirshëm dhe me fjali të plota. Diskutohen në dyshe pyetjet e U.3,4,5,6 dhe më pas me gjithë klasën. Nxënësit/et
do tregojnë rregullat që zbatojnë në shtëpi; ngjarje të ngjashme që u kanë ndodhur; si kanë vepruar më pas.
Ata/ato do të shtojnë rregulla në lidhje me sigurinë në shtëpi.
• Veprimtaria e tretë
Pyetja sjell pyetjen. Nxënësit/et nëpërmjet diskutimit, pyetjeve që u drejtojnë njëri-tjetrit tregojnë lidhjen
shkak-pasojë midis rregullave dhe zbatimit apo moszbatimit të secilës prej tyre. (U.5)
• Veprimtaria e katërt
Lojë në role. Nxënësit/et në grupe, nën drejtimin e mësueses/it do të improvizojnë situata në të cilat do të
tregojnë si kujdesen për sigurinë në shtëpi.
Nxënësit/et vlerësojnë njëri-tjetrin.
Vlerësimi bëhet për:
- diskutimin rreth pjesës që dëgjon, duke u mbështetur në shënimet e mbajtura prej tij/saj;
- vënien në dukje të domosdoshmërisë së zbatimit të rregullave në shtëpi dhe pasojave që sjell moszbatimi i
tyre;
- lidhjen e pjesës me përvoja nga jeta;
- tregimin për rregullat që zbaton në shtëpi;
- bashkëpunimin në grupe;
- vlerësimin që i bëjnë njëri-tjetrit.
335