Create successful ePaper yourself
Turn your PDF publications into a flip-book with our unique Google optimized e-Paper software.
1 0<br />
ČITARJO<br />
PISAJA<br />
Nowy wonkowny wobraz za město a šulu<br />
Kulowska Krabatowa zakładna šula je so<br />
2023 na idejowym wubědźowanju skeje wobdźěliła. Woči wšěch wobdźělenych<br />
so błyšćachu, jako wulosowa so<br />
naša šula jako dobyćer wupisanja. Hižo<br />
Sak-<br />
dołho měješe so škleńčany zachod<br />
mjez zakładnej a wyšej šulu wudebić<br />
z motiwami Krabata, wšako so dotal<br />
nihdźe na Krabata njepokaza. Tuta<br />
ideja kolaže móžeše so dźakowano<br />
pjenježnemu darej nětko skónčnje<br />
zwoprawdźić.<br />
Wot spočatk šulskeho lěta 2023 njewuhladaja<br />
nětko jenož šulerjo a wučerjo<br />
wobrazowe sceny Krabata, ale<br />
tež wopytowarjo móža so wjeselić<br />
nad impresijemi powěsćoweje figury.<br />
Škleńcy zachodneho pawiljona wudebichu<br />
so mjenujcy pod motom „mytos a woprawdźitosć“.<br />
Krabat njeje jenož symbol jako móst mjez<br />
rěču a kulturu, ale je dźěćom zdobom přikład<br />
za přiswojenje wědy a za stajne wuknjenje.<br />
Wón liči jako žiwy sposrědkowar<br />
serbskeje rěče a podšmórnje hódnotu hajenja<br />
nałožkow a tradicijow.<br />
Dźěći wužichu składnosć, so hišće raz intensiwnje<br />
ze skutkowanjom Krabata a Johanna<br />
Schadowitza zaběrać. Tuž podachu so na jeho<br />
slědy po Kulowje. Rjadownje wopytachu<br />
Kulowsku cyrkej, Kulowske wiki a zhonichu<br />
dalše drobnosće w rjadowniskich rumnosćach.<br />
SABINA SALOWSCYNA, WUČERKA<br />
Potajnosće do hód<br />
Na šulerjow a šulerki druheho lětnika<br />
Kulowskeje zakładneje šule „Krabat“ čakaše<br />
w adwentnym času wosebita překwapjenka.<br />
Dwě maćeri přichwataštej<br />
do šule k zhromadnemu čitanju. Prěnja<br />
mać zwjeseli Kulowčanow z wulkotnym<br />
čitanskim přednoškom knihi „Die Schule<br />
der magischen Tiere“. Dalša mać přizamkny<br />
so tutej tematice, ale rozprawješe<br />
wo mudrej lišce a dalšich schowanych<br />
zwěrjatach w šuli. Při swěčce w latarničce<br />
připosłuchachu dźěći wćipnje stawizničkam<br />
a běchu za tutu překwapjenku<br />
přewšo dźakowni.<br />
SABINA SALOWSCYNA, WUČERKA