You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
2 6<br />
X X X<br />
Hdyž bychu naše stawizny byli njeskónčne<br />
módre njebjo, potom bychu woni jasne hwězdy<br />
byli, kotrež nam něštožkuli wuswětluja: Wuznamni<br />
mužojo, kotřiž běchu a su druhim ze<br />
swojimi idejemi, zamóžnosćemi, ze swojej sylnej<br />
wolu a zapalom z přikładom a inspiraciju. Jich<br />
stawiznam dam w tutej seriji rum a předstaju<br />
kóždy měsac jednoho tajkeho wuznamneho<br />
muža, kotryž bě abo je mnohim ludźom kaž jasna<br />
hwězda ...<br />
Wuznamni mužojo<br />
MUŽ MĚSACA<br />
MOHANDAS<br />
KARAMCHAND<br />
(MAHATMA) GHANDI<br />
„Budź ty změna, kotruž sej za<br />
swět přeješ.“<br />
(M. Ghandi)<br />
... JAKO DŹĚĆO<br />
Mohandas Karamchand<br />
Gandhi narodźi so 2. oktobra<br />
1869 w małym přistawowym<br />
městačku Porbandar w Indiskej.<br />
Wón bě najmłódši ze<br />
štyrjoch synow Karamchanda<br />
Ghandija a jeho mandźelskeje<br />
Putali Bai. Wěrywuznaće<br />
swójby bě vishnuizm,<br />
wěsta forma hinduizma, kotrež<br />
wuzběhuje modlitwu<br />
a pobožnosć. Žro tuteje wěry<br />
je bjeznamócnosć (Gewaltlosigkeit).<br />
... JAKO ŠULER<br />
1876 přesydli so swójba do Rajkota. Sydomlětny Mohandas wopyta<br />
tam hač do dwanateho žiwjenskeho lěta zakładnu šulu. Nan<br />
Karamchand, znaty sudnik, wučeše swojeho syna, konflikty bjez<br />
namocy rozrisać. Jako młodostny łamaše Mohandas mnoho kaznjow<br />
swojeje wěry: wopta kozace mjaso, je kurił, alkohol pił<br />
a staršimaj pjenjezy kradnył. Pozdźišo napisa nanej list, prošeše<br />
wo wodaće a wuspyta swoju sebjedisciplinu polěpšić. Po tym, zo<br />
bě hólc 1887 wyšu šulu z wuspěchom<br />
wotzamknył, měješe přistup<br />
k uniwersiće.<br />
... JAKO MANDŹELSKI A NAN<br />
Ghandi bu wot swójby hižo ze sydom lětami<br />
z holcu Kasturba Makthaji slubjeny. 1882 buštaj<br />
wonaj jako 13-lětnaj zmandźelenaj. Mandźelskimaj<br />
narodźi so pjeć dźěći: prěnje zemrě někotre dny po<br />
porodźe, sćěhowachu dźěći Hariral, Maninal, Ramdas<br />
a Devdas. Při porodźe poslednjeho syna Ghandi samo<br />
pomhaše, dokelž njebě baba w domje.<br />
1915 bu Ghandi<br />
na lětanišću w Bombay jako<br />
„Mahatma“ postrowjeny. Tute<br />
čestne mjeno woznamjenja „Wulka<br />
duša“ a poćahuje so na Ghandijowe<br />
prócowanja, so z „cyłej dušu“ za<br />
njewotwisnosć Indiskeje wot<br />
kolonialneje mocy Wulkeje<br />
Britaniskeje zasadźować.