Create successful ePaper yourself
Turn your PDF publications into a flip-book with our unique Google optimized e-Paper software.
6<br />
Přihot na<br />
jutrowne jěchanje<br />
Marko je hižo tydźenje dołho njeměrny. Cyły póstny čas (Fastenzeit) je dny hač do<br />
jutrońčki (Ostersonntag) ličił. Nětko, na jutrownej soboće, je hólc zbožowny: Jeho kóń tu<br />
je. Wčera su rjaneho brunača přiwjezli, a jěchał Marko na nim tež hižo je. Zhromadnje<br />
z přećelom Romanom, kiž ma tohorunja brunača, budźetaj na jutrownej njedźeli zawěsće<br />
dostojnaj (würdig) křižerjej. Kóń je mjeztym zastarany a wurjedźeny. Ale Marko<br />
hišće za čornymi cholowami pyta. Hdźe jenož su? Cylinder je sej wot wuja Cyrila wupožčił<br />
(ausleihen), dokelž tón staroby dla wjac sobu njejěcha. Tež čornu suknju (Gehrock)<br />
je sej młody křižer požčił. Škórnje ma wot staršeho bratra, dokelž su jemu mjeztym<br />
přemałe. Jenož čorna krawata słuša jemu. Poprawom wšitko ma. Hdyž by jenož wědźał,<br />
hdźe je mać jěchanske cholowy połožiła?<br />
1. Kak so Marko jutrońčku zdrasći? Wupisaj z teksta trěbnu drastu křižerja!<br />
Nadźijomnje Marko cholowy hišće namaka. Jeho přećel Cyril je mjeztym do wsy šoł, zo<br />
by sej konje druhich křižerjow wobhladał. W konjencach steja najwšelakoriše konje.<br />
Starši mužojo wótře wo konjach diskutuja. Njeznaja mjena cuzych koni, tohodla narěča<br />
je po barbje kožucha (Fell).<br />
2. Je to brunač, čornak (Rappe), , šumjel abo ryzak (Fuchs)? Přirjaduj konjam prawe<br />
pomjenowanje po barbje!
Change language