You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
3 4<br />
Nowe centrum<br />
Łódźe<br />
Hłowne<br />
dwórnišćo Łódź<br />
Fabryczna<br />
Łódź –<br />
Krótkoinformacija<br />
pólski Manchester<br />
kraj: Pólska<br />
zdalenosć wot Budyšina: něhdźe 430 km<br />
wobydlerjo: 655 000<br />
Łódź je štwórte najwjetše město Pólskeje a leži<br />
chětro w centrumje kraja. Hišće před njemało lětami<br />
bě z 850 000 wobydlerjemi po Waršawje druhe najwjetše<br />
město Pólskeje. Ale tehdy bě tute město zlě<br />
wuwołane jako mazane, njerjane a z njepřećelnymi<br />
ludźimi. Hač běchu tam ludźo jónu woprawdźe<br />
tak njepřećelni, to wězo njewěm, ale fakt je, zo běše<br />
Łódź tehdy wulke industrijowe město. W minjenych<br />
30 lětach je pak so to chětro změniło: Dźensa je jara<br />
čiste a płaći jako nowy „kreatiwny centrum“ kraja.<br />
Pólska młodźina je sej Łódź hižo za sebje wotkryła<br />
a pola turistow płaći město jako „tajny tip“.<br />
Radnica Łódźe<br />
na Piotrkowskej<br />
dróze<br />
Mjeno města<br />
Łódź woznamjenja pólsce to samsne kaž serbsce – łódź.<br />
We woponje města je tohodla tež łódź widźeć. Nětko by<br />
sej kóždy myslić móhł, zo leži město při morju, jězorje<br />
abo wulkej rěce. Ale ně, we Łódźi tajke něšto njedawa.<br />
Město leži samo w jara suchim regionje, wjele rěkow<br />
tu nimaja. Ale jedna mała rěčka z mjenom Łódka tu je,<br />
kotraž je jenož 20 kilometrow dołha, z čehož wjace hač<br />
15 kilometrow přez město běži. We Łódźi je pak nimale<br />
njewidźomna – dokelž je tajka mała a běži w centrumje<br />
zdźěla pod powjerchom. Znajmjeńša na njej žane łódźe<br />
jězdźić njemóža. Přiwšěm ma město wot 15. lětstotka<br />
sem swoje mjeno tuteje rěčki dla.<br />
:<br />
:<br />
:<br />
Centrum Łódźe<br />
Pólski Manchester<br />
Łódź ma přimjeno pólski Manchester. Mjeno pochadźa<br />
z druheje połojcy 19. lětstotka, jako bě so sydlišćo w běhu<br />
někotrych lět z małeje wsy na industrijowe město