You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
2 4<br />
Nalětnje<br />
symješka<br />
Tři wroble sedźa na wjesnej lipje a<br />
wobkedźbuja wotućace nalěćo we wsy.<br />
wrobl Hugo: „Ach, hdyž słónčko w nalěću<br />
zaso bóle wohrěwa, to swět tola hnydom<br />
cyle hinak wupada, něwěrno?“<br />
wrobl Ławrjenc: „To móžeš wótře prajić!<br />
Ja mam dosć wot sněha a zymneho wjedra,<br />
ja trjebam zaso dołhe ćopłe dny, połne<br />
słónca a dobreje jědźe. Hdyž našich<br />
wjesnjanow takle w jich zahrodkach<br />
wobkedźbuju, potom sym połny nadźije, zo<br />
móžemy sej bórze zaso brjuški napraskać<br />
... Ale hdźe da je poprawom Wito, naš<br />
ptačokwasny rejowar? Tón je so mi mjenujcy<br />
njedawno wuskoržił, zo je přeco hłódny<br />
a so na nalěćo wjeseli.“<br />
wrobl Hugo: „Před hodźinu sym jeho<br />
hišće zdaloka widźał, to běše runje blisko<br />
Poldrakec bróžnje po puću ...“<br />
wrobl Ławrjenc: „Štó wě, što tón zaso<br />
wuskušuje (erkunden). Ale hladaj, ta ćeta<br />
tamle w tej zahrodce někajku titku njese.<br />
Hač su w njej symješka schowane? To by<br />
wězo něšto było! Chcemoj so sadźić<br />
(wetten)? Ja praju, zo su w titce symješka.“<br />
wrobl Hugo: „Ja tež!“<br />
wrobl Ławrjenc: „Ej, to njefunguje! Ty dyrbiš<br />
prajić, zo žane symješka w njej njejsu.“<br />
wrobl Hugo: „Čehodla? Přeco chceš ty<br />
prawje měć! Tita je połna symješkow<br />
a hotowe.“<br />
wrobl Ławrjenc: „Ale takle tla to žana hra<br />
njeje, hdyž mamoj wobaj prawje abo<br />
wopak ...“<br />
wrobl Hugo: „Nó, tak tola ty praj, zo tam<br />
žane symješka njejsu! Na, na ...“<br />
wrobl Wito: „JIPIIII, tam su symješka<br />
nutřka! Cool, skónčnje zaso něšto porjadne<br />
k žranju!“<br />
wroblej Hugo: a Ławrjenc: „WITO!?“<br />
wrobl Wito: „Jup, tak mje mjenuja, wój<br />
zadźěrakaj. Při tajkej wadźeńcy waju kóždy<br />
wrobl we wsy słyši, wój hłupakaj. Čińtaj<br />
dale tak a dyrbimy sej symješka ze sto<br />
dalšimi ptačkami dźělić. Potajkim: Pysk<br />
dźeržeć a wobkedźbować, hdźe ta ćeta<br />
symješka sypa.“<br />
wrobl Ławrjenc: „Owkej, ale čehodla<br />
su ...“<br />
wrobl Wito: „Pyyyysk dźeržeć a hladać!“<br />
wrobl Hugo: „Wězo, ale čehodla su twoje<br />
pjerja tak rozcybane? A tamle zady najske-<br />
rje samo jedne ...“
Change language