SULUK 1-20 - Agent Kit Survey - Air Greenland
SULUK 1-20 - Agent Kit Survey - Air Greenland
SULUK 1-20 - Agent Kit Survey - Air Greenland
Create successful ePaper yourself
Turn your PDF publications into a flip-book with our unique Google optimized e-Paper software.
nerit suli arlaqarnerit pisimapput, ilaatigut<br />
Kujataani kristumiussutsip eqqunneqarneraniit<br />
ukiut 1000-inngornerinut<br />
atatillugu kingullermillu <strong>20</strong>04-mi<br />
aasakkut namminersornerulernermiit<br />
ukiut 25-t qaangiussimanerat pillugu<br />
pisortatigoortumik nalliuttorsiortiginninnermut<br />
atatillugu.<br />
Kalaallit Nunaanni angalanerit amerlanerpaartaat<br />
kunngip umiarsuaa 80<br />
meterinik takissusilik Dannebrog taamalu<br />
kalaallit amerlanerpaartaasa<br />
angalariaaserissallugu nuannarinerpaasaat<br />
atorlugu pisarsimapput.<br />
- Qujanartumik marluulluta umiartullaqqissuuvugut,<br />
kisianni malinnit eqqakattaritinneq<br />
arlaannattaluunniit ilorrisimaarnartutut<br />
isiginngilaa. Kisianni<br />
tassa sila taamaattoq naammattuugassaasarpoq.<br />
Aalalaarsimatillugulu akerlianik<br />
umiarsualivissinneq marloriaammik<br />
nuannaarutissaasarpoq, Kalaallit<br />
Nunaata imartaani misilittakkaminik<br />
dronningi ataatsimik taama allaaserinnissimavoq,<br />
akerlianik Prins Henrik<br />
Kalaallit Nunaata imartaani malissiornerup<br />
kinguneri pillugit qalipaatiginnerusumik<br />
qungujulaarluni oqaatsit<br />
uku atorlugit ima oqaluttuarsimasoq:<br />
- Tungujortumik (kunngikkormiutut)<br />
aaqaratta amerlanernik tungujorninnittarpugut<br />
(tilluusanittarpugut).<br />
Sapiitsuliorneq nutaarluinnaq<br />
Dronning Margrethe Kalaallit Nunaanni<br />
nuannarineqarluaraluartoq, ernera<br />
naalagaaffimmilu kunngiussutsimik<br />
kingornussisussaq, Kunngissaq Frederik,<br />
kalaallit eqqarsartaasianni immikkuullarilluinnartumik<br />
inissisimaffeqarpoq.<br />
Ilaqutariinni kunngikkormiuni siullersaalluni<br />
<strong>20</strong>00-imi kammalaatini tallimat<br />
ilagalugit 2800 kilometerinik isorartussusilimmik<br />
qaammatinillu sisamanik<br />
sivisussusilimmik qimussimik angalaqataavoq.<br />
Aallaavigineqartoq tassaavoq<br />
Kalaallit Nunaata kitaata avannaarsuani<br />
Qaanaaq apuuffissarlu tassaalluni<br />
Tunumi Danneborg. Tamanna<br />
angutivissuartut suliaavoq inuilaarsuaq<br />
sermiinnaq tikikkuminaatsorlu 40 gradinik<br />
issitsigisartoq amaqqut nannullu<br />
naammattuugassarisarlugit aqqutigalugu.<br />
Qimussimik angalanerup – pisortatigoortumik<br />
Expedition Sirius <strong>20</strong>00-imik<br />
taaguuteqartup – ulluini siullerni 14-ini<br />
Kunngissaq Frederik ikinngutaalu piniartunit<br />
Qaanaameersunit, ilisimasassarsiorlutik<br />
angalaqataasut qaammat<br />
naammatsillugu piareersarnerminni<br />
nuannarineqarluarfigilersimasaannit,<br />
ingiallorneqarput. Tamatumani kunngikkormiutut<br />
ileqqut ungasillisitsisut<br />
atorneqanngillat. Kaffillertoqartarpoq,<br />
innuttaasut illuanni qititsitsisoqartarluni<br />
meeqqallu alapernaatsut ilisimasassarsiornermut<br />
peqataasut illuannut isaasaqattaartarlutik<br />
aniasaqattaartarlutik.<br />
Kalaallit kulturiat ulluinnarni inuunermut<br />
pissusissamisoortumik ilaajartuaalerpoq.<br />
Aamma kunngissap qimuttunut<br />
attaveqarnera taamaappoq, naluneqanngitsutullu<br />
amerlanertigut suarsunnguit<br />
pineqartillugit inuit allamiut<br />
kulturiinik ilisimasaqarnertik takutittalersarpaat.<br />
Assersuutitut ilisimasassarsiorlutik<br />
angalasut ullorsiutaanni kapitalimi<br />
ataatsimi quiasaarumatulluni<br />
qimussimillu ingerlatitsisutut ittannertut<br />
ilisimasaqarluni qimuttumi qanoq<br />
ittuussusaanik allaaserinninnera tusaariaruk.<br />
Qimmeq Squash pillugu ima allappoq:<br />
»Qimmerujussuaq aalajaatsoq isumagissorlu,<br />
tamatigut qimukkumassuseqartartoq<br />
– qimmeqatigiinni »qasiaartutut«<br />
oqaatigisariaqarnerugunarpoq,<br />
angissutsimigut allanit ataqqineqarnissamik<br />
pilersitsisarami, taamaalillunilu<br />
akisinnaasarluni. Angummut<br />
utoqqaliarsaartumut pujortaatitortumut<br />
assinguvoq, pujortaatini pissutigalugu<br />
imminut naammagisimaarluartutut<br />
isummamigullu eqqissisimaakannersutut<br />
pissuseqarluni«.<br />
Qimmeq alla, Dunder, pillugu kunngissaq<br />
ima allappoq:<br />
»Qimmeq maattooq, alumini qaannernik<br />
iperaattalluunniit seqqortinneqarneranik<br />
qunutitaajumasanngitsoq.<br />
Nammineq naleqqussorisani kisiinnangajaasa<br />
suliarisarpai imminullu naalagarisorujussuulluni,<br />
pingaartumik<br />
Steenimit uannillu naalakkiutit eqqarsaatigalugit.<br />
Ittoqutimut tullersortitut<br />
inissisimaffeqarpoq, Batman ilaatigooriarluni<br />
paamisaartarpaa talerpimmi<br />
aalajangersimasumik inissisimaffimminit<br />
saamimmut nuuttarnermigut<br />
Cirkelinip pilerigilluinnakkami eqqaanut.<br />
Anguteeravinnguaq, sukataartoq<br />
sunilluunniit maalassuteqartanngitsoq«.<br />
Kissalaarfigeqatigiinneq<br />
Kunngissaq Frederik piumassuseqarluartoq<br />
akaarinnittorlu sivisuumik<br />
Kalaallit Nunaanniinnermi inuppassuarnit<br />
nuannarineqarlualerpoq. Kalaallit<br />
Nunaata kunngikkormiullu akornanni<br />
qilerutit nammineerluinnarluni nutarterneqartillugillu<br />
nukittorsarneqartippai,<br />
allaat kunngiitsuuffimmik pingaartitsisut<br />
oqaasissaaleqilissagaluarlutik.<br />
Imaluunniit ukiut sisamat tamatuma<br />
kingorna Kunngissaq Frederiup Kronprinsesse<br />
Mary siullermeerluni Kalaallit<br />
Nunaanneeqatigimmagu Nuummi<br />
Hans Egedep illuani naalakkersuisut<br />
siulittaasuata Hans Enoksenip oqalugiarnermini<br />
attaveqarneq pillugu ersersitsineratut:<br />
- Kiisami ulloq maani Kalaallit Nunaanni<br />
nunaqartuusugut Kronprinsesse<br />
Marymik naapitsinissamut periarfissinneqarfigisarput<br />
takkuppoq. Kunngissarmi<br />
Frederik uummatitsinni immikkuullarilluinnartumik<br />
inissisimaffeqarpoq,<br />
taamaattumik Nalunamit kuultip<br />
siulliup kunngissakkut katinneranni<br />
asammiutut atorneqarsinnaasimanera<br />
uatsinnut ataqqinaaterujussuuvoq.<br />
Tamanna assersuutitigut uatsinnut pingaarutilerujussuuvoq,<br />
tamannalu kunngikkormiut<br />
Kalaallit Nunaatalu akornanni<br />
ataqatigiinnermut pitsaanerpaamik<br />
ersersitsisuuvoq.<br />
Kunngissaq Frederik, nunamut Wullf<br />
Landip, Kap Morris Jessupip aamma<br />
Brøndlundip Ilerrata akornanniittumut<br />
atsiunneqarsimasoq Inatsisartullu nersornaasiuttagaannik<br />
ataqqinarnerpaamik<br />
Nersornaammik kuultiusumik nersornaaserneqarsimasoq,<br />
nuannarineqarluassutsimini<br />
eqqissisimaaginnanngilaq.<br />
Aamma Kalaallit Nunaat pillugu<br />
eqeersimaartumik suliniuteqarpoq.<br />
Kunngissakkut Qaanaami meeqqat<br />
inuusuttullu ornittagassaannut aningaasanik<br />
tunissuteqarsimapput, taamatuttaarlu<br />
atuakkiamit »Expedition<br />
Sirius <strong>20</strong>00«-imit iluanaarutit ilaat suliniummut<br />
tapiissutigineqarlutik. Tamatuma<br />
saniatigut kunngiussutsimik kingornussisussaq<br />
Red Barnetimut, ornittakkamik<br />
ingerlatsisuusumut, Det<br />
Grønlandske Selskabimut aamma<br />
Kalaallit Nunaanni Ilisimatuussutsikkut<br />
Misissuinernut Ataatsimiititaliamut<br />
illersuisuuvoq.<br />
Maanna tullissaanik tikeraartoqarnissaa<br />
utaqqineqaannalerpoq.<br />
<strong>Air</strong> <strong>Greenland</strong> inflight magazine 63
Change language