E Leitfaade fir Schnitzelbänggler - Basler Zeitung

Salli zämme!
© BSG Basel (Bernhard Herrlich)
BSG Bänggler-Laitfaade
Dr folgendi Leitfaade richtet sich an zwai verschiedeni Grubbe vo Lyt.
Es sin das: die bereits aggdiive Fasnächtler in der BSG und Interessänte wo
gärn wurde Schnitzelbängg mache. Das isch dr Grund, werum vilicht dr aint
oder ander Dail in däm Leitfaade fir die Aggdiive e bitz lang und ussfierlig
erschyyne mag. Eich sig in däm Zämmehang gsait, luegets aa als Aareegig
oder als Repetitorium fir eiri näggschti Fasnacht, vilicht findet iir jo no s aint
oder ander wo nitzlig isch oder bruuchets als Arguementarium, wenn eich
ebber frogt: Hey was muess ych alles mache, wenn ych bi dr BSG bänggle
wett?
Doodrmit sin mir bi dr zwaite Grubbe, de Interessänte. Eich wette mir
saage:
Toll, ass Du oder Diir Interässe bekundet hänn an dr nägtsche Fasnacht bi
uns in der BSG mitzmache!
Mir fraien is und nämme die Gläägehait woor, Dir oder Eich e baar Tipps uff
e Wääg z gää. Mir wisse zwoor, ass me uss de aigene Erfaarige am maischte
leere duet, aber ainewääg kaa s nid schaade, die folgende baar Sytte emool
duurezlääse. Es finde sich nid nur Tipps, sondern me kaa dä Leitfaade au als
Tschegglischte lääse. So dass me Kontrolle driiber het und au me oder
weniger sicher isch, ass nyt vergässe goot. Denn graad am Aafang von ere
Schnitzelbangformation gilts an e huffe verschiideni Sache und Sächeli z
dängge.
Wäärend dääre uffregende und spannende Zyt wo ne neie Bangg entstoot,
wänn mir vo dr BSG mit em voorliigende Laitfaade, so guet ass es goot,
Geburtshilf laischte. Dernääbe sotti natyyrlig Blatz fir aigeni Erfaarige blyybe
und au gnutzt wärde.
BSG Bresidäntin BSG Banggobmaa
PS: Wells noochhär ärnscht wird, wächsle mr entsprächend däm ärnschte
Aaspruch in d Amtssprooch.
IV