Eppsteiner Lehenbuch - Hessisches Archiv-Dokumentations - Hessen

Item Crafft von Beldersheym hat zcu / lehen xxvi Kollesche schilling czinße, vier / ganczen und
iiij hunner von czwen // hoben gelegen zcu Gruningen, welichs lehen ist / zcu zijden gewest
Giselbrechts von Voidsberch 171 .
[f.25]
Hartman von Dudelnheim:
Item Hartman von Dudelnheim hat von / her Gotfryden dry achtel korns und eyn halbe / von
eyner halben hobe gelegen zcu Dornheim, / welichs lehen czu zijden ist gewesten Richharts / von
Gunse.
Conrads kinde eyn schultiß re.:
Item Kinradis schultiß kinde zcu Franck- / furt geheysen von Sassenhusen han zcu lehen / von
her Gotfryden die dorffer Bergela und / Vrburg an das drytteil der fauthy zcu / Vrburg die dan
gewest ist Ruprechts des / vorgenanten Conrads son, die dan nu / hat Henrich eyn schultiß
Franckfurts. / Darumb sy zcu wissen das mit willen her / Gotfryds Hartman eyn ritther von
Sassen- / husen hat verkaufft daz halpteyl der fau- / thy zcu Bergele der kirchen zcu sancte /
Peder zcu Mencze. Item hat der / selbe Hartmudt widder gekaufft von // dem vorgenanten
Ruprechten das sesthe / teyl der fauthy und hat syen 172 noch Con- / radt des vorgenanten
schultessen nebe czwey teyl.
Helwecks von Prumheim
Item pueri Helweckes von Prumheim / des ritthers zcu lehen v lichter / S. von der molen von
Nieder Eschebach / und die fischerey zcu Hedernheim.
Guntram von Flersheim der jungest:
Item Guntran von Flersheim der / jungsthe hat zcu lehen von her G. vii / achtel korns von
burda(?) zcu Nieder / Eschebach. Item zcu Horheim vi malder / hafferns und heyset dredehaver.
Item / zcu Horheim eyn achtel weyns und / iii licht S. Das lehen ist gewest vorczyden / Henrichs
fauths von Ober Erlenbach und / ist zcu losen vor xxvii marck, wan / solich beczalt syn, so ist sie
der vor- / genante Guntram widder wenden an die / dorffer. //
Item 173 Hans eyn sone Lodewecks zcum / Danck, eyn Menczer burger, hat zcu / lehen iiii ame
wines, viii malder korns / Menczer maße. Item xx S. Kolle- / scher pennig vor [f.26] herberge.
Item / xi S. Menczer pennig, die dan alle her / Gotfryd vorgenant von synen guddern / zcu
Delkelnheim beczalt wurden in / syn hende oder villen.
Ruprecht von Etchenstein:
Item Ruprecht von Etchenstein / hat zcu lehen eyn hobe gelegen zcu / Hedernheim.
Hartmodt von Sasenhusen:
Item Hartmodt von Sasenhusen / hat das sesthe teyl der fauthy, daz he / gekaufft hat von
Rueprechten sinem maghe.
Henrich Fricz:
Item Henrich Fricz hat zcu lehen / von her Gotfryden das halpteyl des / czendens zcu
Limmersbure. Item / er und die sone syns vetterns Ger- // nands von Doreuelden han gemeyn /
xvi achtel weyses in Ober Eschebach. / Item da selbes x S. lichter pennig.
Henrich, Syfrijdt und Conradt ge- / broder von Husenstam:
Item Henrich, Syfrijdt und Conradt / gebroder von Husenstam und Conradt / eyn sone vorzyden
Erbertes der selben / broder han zcu lehen die borgk Husenstam / und das dorff gelegen vor der
borge, auch also / geheysen, und den ganczen walt den dan / hat gehat Gware von Husenstam /
von dem riche, das Gericht und die gassen / oder wege des vorgenanten dorffs und / die gudder
die der vorgenante Gwaro / hat zcu Buchen.
171 Widsberch hs.
172 "sye" mit Querstrich über e, sy auf etwas früher Geschriebenes aufgetragen hs.
173 Die Beischrift des Rubricators fehlt hs.