Eppsteiner Lehenbuch - Hessisches Archiv-Dokumentations - Hessen

Dar umb so ist nu gesaczt, daz // nu vorgenanter Henrich und alle syn / nachkomen von der
eygenschafft syner / borge in allen jaren zu zense syhen / beczalen eyn schilling. Der selbe /
Henrich und syn broder han von mir / auch zcu lehen nune wingarthen / in Rodenheym.
Die eynigunge zcwissen mir Gotfryden / von Eppenstein und Calle von Wile- / bach:
In dysser Masse so ist geeyniget der Got- / fryt von Eppenstayn und her Henrich Calle / von
Wylebach. Disser Henrich obgenant / hat vorbunden her Gotfryden eyn hobe / in Wylebach vor
ix margk also lange byß / das er gekeuft eyn erbehoff vor x marck, / daz er von em zcu lehen
neme, daz / zcu allen synen nachkomen von erbe- / recht sy gefallen. Auch so ist gelobet, das /
her Henrichs sone sal nemen eyn frau- / wen von den syhen dyenern. Wer iß aber / des der sone
disser saczunge synes vaters // abeginge, so sollen alle gudder her / Henrichs vor dryßig margk
syn vor- / bunden. [f.11.]
Were iß aber daz der sone / wurde vorkumende 119 von dodes wegen, / das dan vorgesaget ist, des
nit enbe- / czelt, so sal der vater die vorgespro- / chen x marck bezaln, die andern x / vor den
erbehofe zu keufen, das dan / in dem vorgenanten geseze alle syn / nachkomen in eyn lehen sal
besiczen.
Albrecht von Vrsell und syn broder:
Item Albrech von Vrsell und syn broder / han zcu lehen von her Gotfryden die / fauthy in
Sulbrug und dye fauthy in Cadelkamp. Item in Ober Erlebach / czwee hobe, Redilheim ein halp
hobe, / Ruhenheim x S. Wanlohen eyn phunt, / in Dorheim eyn hobe.
Gyse zcu Abrechteshouen:
Item Gyße in Abrechteshouen hat / nuene uncze, czwe knaben und / czwo frauwen.//
Vom hoffe Massenheim:
Item da von begabet von dem hoffe / Massenheim Hans von Delkilnheim / alle guder die er hat
in Maszenheym.
Henrich von Massenheim:
Item Henrich von Massenheim und / syn broder ix hobe in dem selben / dorff. Item Henrich von
Massenheym / alle guder die er 120 da hat 121 in dem / selben dorff, welicher guder eygenthum / ist
her Gotfryds und von rechten / lehenerben zcu eynem ganczen na- / ckomen her Henrichs 122 ist
werczalt / und ir guder das da erbe heyßet alleyn / zcu den sone Henrichs 123 gewant ist / von recht
erbe.
Ebberhart:
Item Ebberhart alle guder dye er hat / in Massenheym und in dem dorff Wicker / und die da in
Wicker gelegen synt / eygen gut, ist an dry hobe. //
Bertoldt von Lynden:
Item Bertolt von Lynden hat eyn hobe in / Massenheym.
Frederich von Marspeim:
Item Fryderich 124 von Maßspeim 125 und / syn broder alle ir gudder han sye zcu / lehen daz dan
heysset burgleen von her Gotfryden.
Hartmodt von Soilbach:
Item Hartmudt von Soilbach 126 xxx / margk in Sundelinghen.
118
Akarten hs.
119
Um unsicher hs.
120
Über der Zeile nachgetragen hs.
121
Fehlt hs.
122
S nachträglich eingefügt hs.
123
Henrihs, korrigiert aus Henrics hs.
124
Frydick hs.
125
"es" auf Rasur hs.
126
Für Sulzbach verschrieben S(chenk v. Schweinsberg).