26 Vergnügliches KAKURO – Die Zahlen in den grauen Kästchen sind Summen. Steht die Zahl oben rechts, gibt sie die Summe der rechts folgenden waagerechten Freifelder an. Steht sie unten links, nennt sie die Summe der darunterliegenden senkrechten Freifelder. Zum Füllen werden die Ziffern 1 bis 9 verwendet, wobei keine Ziffer in den zur Summe gehörenden Lösungsfeldern doppelt vorkommen darf. Anzeige <strong>KölnerLeben</strong> Heft 6 | 21
Vergnügliches 27 Unse Hellijeovend-Urjeless E kölsch Verzällche vum Paula Hiertz Illustration: Freepik Jetz es alles jedon! Die Betriebs- un Vereins-Chrestagsfeere sin passee un de Jeschenke enjepack. Wann dann am Hellijeovend winnichstens einer us der Familich en Strument spillt, un soolt et och nor en Blockfleut sin, dann kütt ehsch de räächte Feerlichkeit op. Et sin allt vill Jöhrcher verledde, do wollt der Bätes, dä jot Jitta spillt, för Chressdag en Urjel han. En däm Johr wollt hä am Hellijeovend „Stille Nacht heilije Nacht“ op ener Urjel spille, un meer, uns zwei Pooschte un ich, sollten zo där Urjelsmusik wie jedes Johr, ävver söns wor et de Jitta, metsinge. Alsu hätt hä en Urjel bestallt. Em Stelle hatt ich su ming Bedenke. En Jitta un en Urjel, dat sin schleeßlich och en der Musik zwei paar Schohn. Un wie ich dat jet laut jedaach hatt, so saat hä: „Ävver do weiß doch, dat meer vun derheim us all musikalisch sin. Ming janze Jeschwister un ich künnen allemolde us dem Effeff Monika spille.“ „Dat stemmp“, han ich jesaat, „do bruchs do jo och nor die Tön met der Schnüss eren ze blose, ävver versök dat ens bei ener Urjel.“ Dann, am 24. <strong>Dezember</strong>, meddags öm zwölf Ohr kom se endlich an. Meer schlochen de Plaggen en. Der Bätes hät se och tireck usjepack, meddsen en de jot Stuvv jestallt un, wie hä meinten – e paar Finger - übunge jemaat. Vör der Bescheerung han ich mer die Pöschjer op Sick jenomme un jesaat: „Alsu, hück spillt öre Papp op der Urjel. Mer wellen in nit opräje un jenau esu singe, wie hä spillt. Fingk hä die Tön jet flöcker, dann beiele mer uns jet me’m Singe, muss hä die Tön ävver et ehsch söke, dann halde mer dä letzte Ton esu lang an, bes dat hä dä richtije jefunge hät. – Dat wood et schönste „Stille Nacht, heilije Nacht“, wat mer je jesunge han. Un et längste. Meer han esu jesunge wie hä spillten: „Sti...hi...le Nacht, hei...li...je Naaaaaaaacht, alllllles schläft, ein...sam waaaaacht.“ Ävver nor ein Strof. Dann reef unse ältste Son: „Papp! Ich han Schless!“ – „Ich och“, saat hä drop, „meer künne jo dis Johr allt en bessje fröhter met der Käuerei anfange.“ Späder bei der Förzangebol worf hä noch en: „Ich häd - den jo flöcker spille künne, ävver wat kann ich doför, wann ehr die Wöt nit mih em Kopp hatt. Ne jode Musikant pass sich luuter däm Singtempo vun singe Sänger an.“ Un domet hatt hä jo rääch. Ävver et wor schön. Anzeige SAH- Seniorenalltagshilfe Köln Entlastungsbetrag & Verhinderungspflege nach § 45b SGB XI nach § 39 SGB XI · Betreuung & Begleitung · Hauswirtschaft & Haushaltshilfe · Personenbeförderung SAH-Seniorenalltagshilfe Köln GbR Wilhelm-Mauser-Str. 45 · 50827 Köln · Telefon: 02 21 - 75 99 60 38 E-Mail: info@sah-koeln.de · www.sah-koeln.de <strong>KölnerLeben</strong> Heft 4 | 21